رواية احببت صعيديه الفصل الحادي عشر 11 - بقلم هناء عادل

الجد بعصبية أكبر، ولسه هيمد أيده عليها. اتمسكت. فهد: ماهو مش فهد اللي مراته تتمد الإيد عليها وأنا واقف، حتى لو كنت جده. هي خلاص بقت في ذمة راجل. محمد: إنت مش سامع هي بتقول إيه؟ فهد: هي بتقول الصح، دايماً مفيش في كلامها غلط. الجد: إنت اتجننت ولا إيه؟ ماهو صحيح، إنت تربية البندر، هتعرف عن عاداتنا إيه؟ فهد: إيه عاداتكم دي اللي بتمنع البنت من حقها الأساسي؟

تمنعها من تعليمها، إنها تفهم، تشوف عالم تاني، إنها تكبر وتفتخر بنفسها. هو إنتوا مش هتتغيروا؟ كل العالم اتقدم واتغير، مفيش غيركم. والله عيب إن البنت أبسط حقوقها مش واخداها. لازم تعرف إن التعليم ده من حقها. محمد: بس يا ولدي، إنت عارف كلام الناس. فهد: كلامهم ولا بيودي ولا بيجيب. أهم حاجة إنت عايز إيه من قلبك؟ الجد: إنت جاي تقول حقهم ومش حقهم. بناكلهم وبنشربهم، عايزين إيه تاني؟

رهف: أنا أول مرة أعرف إن تفكيرك بالطريقة دي يا جدي. افتكرت إن عقلك كبير وفاهم وواعي، لكن للأسف. محمد: أنا موافق. الجد: إنت بتقول إيه؟ عايز تجيب لنا العار؟ رهف بفرحة: شكراً بجد يا عمي، إنت اخترت الصح لبنتك. محمد بابتسامة خفيفة: طبطب بإيده على كتف رهف. مشيرنا: إنت بتقول إيه يا بوي؟ عايزني أسافر مع رهف وأسيبك هنا لوحدك؟

محمد: اسمعي كلامي، إنتي رايحة عشان تكملي تعليمك وترفعي راسي. عايزك يا رنا ترفعي راسي وأفتخر بيكي في أهل المنطقة. رنا: طيب، وأمي؟ محمد: متشغليش بالك بأمك، أنا هعرف أقنعها. المهم تروحي تجهزي شنطتك عشان تلحقي مع بنت عمك. رنا: حاضر يا بوي. صفية: إنت بتقول إيه يا محمد؟ عايز تبعد بنتي الوحيدة عن حضني؟ مش كفاية اللي حصل زمان؟

محمد: ماهو احنا مش هنفضل قافلين الباب على رنا. البنت لازم تتعلم ونشوف حياتها. كفاية اللي حصلها واللي حصل زمان ده نصيبنا، وأتمنى إننا نتحرم منها. صفية: لا، أنا مش حمل وجع تاني وقلبي يتكسر. لا، خليها هنا جنبي يا محمد، أبوس إيديك. محمد: لا، البنت هتسافر مع رهف وهتكمل تعليمها. ومتخافيش، معاها بنت عمها. صفية: اللي تشوفه. بس لو حصل حاجة ليه، والله ما يكفيني عيلتك كلها يا محمد، فاهم؟ محمد: حرك رأسه بمعنى الاستجابة ومشي.

_بعد مرور وقت، وهما في الطريق. رنا: شكراً ليك يا فهد إنك اتكلمت مع جدي وبابا إني أكمل تعليم. فهد: إنتي لازم تشكري رهف، هي السبب. رنا: بجد، أنا كنت حاسة إن رهف هي اللي اتكلمت. شكراً أوي ليكي يا أحلى أخت في الدنيا. وصلوا الفلة. فهد: ادخلوا إنتوا، وأبقى خدي رنا على غرفتك. رهف: وإنت رايح فين؟ فهد: اجتماع مهم وراجع. _في الاجتماع.

سونيا: حضرتك، وصلنا الملف ده، ومحدش فتحه لأنه مخصص ليك فقط، فعلشان كده معرفناش إيه اللي موجود فيه. فهد: ابعتيه على مكتبي علطول. رنا: حاضر. فهد: بعد ما خلص شغل والاجتماع وخارج، افتكر الملف. رجع وفتح. إزاي ده يحصل؟ بعصبية وخرج. ركب عربيته ورجع البيت. رررهف، رررهف! خرج آدم وحمزة. رنا: بسرعة، بصدمة، إيه اللي حصل؟ رهف بخوف: حصل إيه؟ مالك كده؟ فهد مسك رهف من شعرها: إنتي إزاي كده؟ وا٠٠ط٠يه للدرجة دي؟ إنتي زبال٠٠٠.

رهف: أنا مسمحش ليك إنك تتكلم معايا بالطريقة دي. حصل إيه؟ فهد: مش عارفة ياحرمية يانصب. رنا: إيه الكلام اللي بتقوله ده يا فهد؟ فهد: مش عايز حد يدخل بيني وبين مراتي. رهف: إنت صدقت إنها مراتك ولا إيه؟ ده مجرد كام يوم وهنطلق. فهد: ده على جثتي يا رهف، علشان تطلبي مني وتاخدي كله وترمينا. إحنا صح؟ لا، فوقي واصحي لنفسك. إنتي مجرد خدامة زي ما بابا جابك. هنطلعك إحنا من البيت.

رهف بضحكة مستفزة: مش هتقدر يا فهد بيه، علشان كل الأملاك بقت باسمي. فهد: يابت ال٠٠٠٠. رهف: رفعت صابعه بمعنى اسكت وبتحذره وقالت: قبل أي حاجة، افتكر أبوك. هتعرف بعدين. صفية كانت خايفة إن بنتها تسافر تكمل تعليمها ليه. ورهف الأملاك كلها بقت باسمها إزاي؟ وهتمشي أمور البيت كله إزاي؟