رواية احببت شخصا مجهولا الفصل الثاني 2 - بقلم فرح

خلصوا المحاضرة وكل واحدة راحت على بيتها. فريدة: يا ماماااااااا يا ست الكل أنا جعااااااانة. مامت فريدة: إيه إيه يا حلوفة، أبوكي نايم. فريدة بهمس: حاضر حاضر، بس أنا جعانة. مامتها: أما أبوكي وأخوكي يجوا، نقوم ناكل كلنا. فريدة: هو فين البغل ده صحيح؟ مامتها وهي بتحدفها بـ "أبو وردة": بغل مين يا بت الجزمة، ده قلب أمه، فاكهة البيت.

فريدة: هيهي، فاكهة إيه يا ماما، عموماً أنا داخلة أنام لحد ما الفاكهة ييجي. هيهي، فاكهة قال. 😂😂😂😂😂 مامتها: عوض عليا يارب. دخلت فريدة، غيرت لبسها، واتوضت، وصلت فرضها. ومسكت التليفون، لقت رسالة على الواتس من رقم غريب. الرسالة: مش عيب يا فري أقولك بحبك وتعملي بلوك، بس لو عملتي من مليون رقم، بحبك برضو وهتكوني من نصيبي يا ست الحسن، إن شاء الله. ❤ شافت الرسالة وابتسمت، وبعدين قالت: إيه الهبل ده.

كتبتله: أنت مين علشان ما أعملش بلوك هنا كمان؟ قالها: أنا واحد بيحبك يا ست الحُسن. مردتش عليه، وراحت عاملة بلوك. شوية ولقيت مامتها بتنده عليها. فريدة: حاضر جاية. طلعت تاكل مع أهلها في جو كله هزار وحب. عدى أسبوعين، والمجهول كل يوم يبعتلها رسايل وهي تعمله بلوك، لحد ما اتعودت وحبت اهتمامه. وبعدين قعد كام يوم مبعتش، وهي كانت زعلانة لأنها حبته. ومكنتش بترد على صحابها ولا بتنزل الكلية. بالليل قعدوا يتعشوا كلهم، فقال باباها:

فريدة، عايزك في موضوع. سليم أخوها: في إيه يا بابا؟ بابا فريدة: فريدة جايلها عريس. فريدة: بس يا بابا، أنا لسه صغيرة وعايزة أكمل كليتي براحتي. باباها: يا حبيبتي، اديت كلمة للناس، اقعدي معاه، ارتحتي خلاص. فريدة: تمام يا بابا، تصبحوا على خير. دخلت فريدة أوضتها بسرعة، وفتحت الرسايل، وقعدت تعيط علشان المجهول مبقاش يبعت تاني. تاني يوم جه وقت مقابلة العريس. لبست فريدة فستان أبيض في أسود وعليه خمار نبيتي، وكانت زي القمر.

دخلت مامتها وقالت: يلا يا فريدة، الناس جات. قفل فريدة تليفونها بحزن، وقالتلها: حاضر جاية يا ماما. خدت فريدة العصير وطلعت. وأبو العريس قال: نسيب العرسان لوحدهم. رفعت فريدة رأسها، وبتهزر راسها لباباها إنه ما يخرجش. طمنها باباها وقالها: إحنا بره يا فري. هزت دماغها وسكتت. اتكلم العريس وقال.