رواية احببت طفلة الفصل العاشر 10 - بقلم نورهان العطار

دخل صقر الغرفة ولكنه صدم عندما وجد قمر ملقاة على الأرض. جرى إليها وحملها بسرعة وذهب بها إلى غرفته ووضعها على الفراش. صقر بخوف: قمر قمر ردي علي قمر فوقي والنبي. ولكن قمر في عالم آخر. نظر إليها صقر ووجد وجهها شاحب مثل الموتى وشفتاها زرقاء. صقر وهو يحملها: متخافيش يا قمر هنروح مستشفى وهتبقي كويسة. استحملي عشان خاطري. ذهب صقر بسرعة إلى أقرب مستشفى. وصل صقر إلى المستشفى وحمل قمر ودخل بها بسرعة.

صقر: حد يجي بسرعة هتموت مني. التفت حوله الأطباء وأخذوا قمر إلى غرفة الكشف. نظر صقر بقلق من أن يكون أصابها مكروه. صقر بخوف: يارب خرجها بالسلامة يارب وأنا هصلحها واعترف لها بحبي. أيوه أنا بحبها. خرج الطبيب. جرى إليه صقر بلهفة: ها يا دكتور عاملة إيه طمني هي كويسة صح. الطبيب: أه كويسة بس إحنا شاكين في حاجة علشان كده هنعمل لها تحليل. صقر: طيب ينفع أدخلها. الطبيب: طبعًا اتفضل يا صقر باشا بس هي نايمة مش هتصحى غير الصبح.

صقر: مش مهم هقعد جنبها. دخل صقر إليها بسرعة ووجدها نائمة مثل الملاك. جلس بجانبها وأمسك يدها بحب. صقر بحب: بحبك يا قمر بس إنتِ ليه ضحكتي عليا. إنتِ أكيد مش كده. أنا هستنى لما تصحي وتقوليلي كل حاجة يا قمر. قبل يديها بحب وأخذ يتأملها في صمت. بعد مرور الوقت هاتفه رن. فخرج بسرعة حتى لا يزعج قمر وهي نائمة. نظر إلى هاتفه ولكن وجدها سوزي. فزفرة بقوة ثم رد عليها. صقر ببرود: نعم. سوزي بدلع: إنت فين يا بيبي. صقر: في مشوار.

سوزي: طيب تعالي أنا عندك في البيت. صقر: لا روحي أنا مش جاي. سوزي: امممم قمر مش موجودة كمان إنت وهي بتتفسحوا صح. صقر: شيء ميخصكيش. سوزي: لا يخصني أنا بحبك. صقر: وأنا قلتلك مش بحبك إنتِ مجرد متعة وخلاص. والا سلام أنا مش فاضي. ثم أغلق الخط في وجهها ودخل إلى قمر. وجدها زي ما هي نايمة. جلس بجانبها وأمسك يديها وأخذ يتأملها حتى ذهب في ثبات عميق. أحمد: امييييييييييييييييييين. نادية بفزع: في إيه يا حبيبي مالك.

أحمد بعبط: مش عارفة بس حبيت أعمل لك حس في البيت. نادية بزعيق: على فكرة أنا اتخضيت حرام عليك كده. إنت كبرت مش صغير على الحركات دي. أحمد: خلاص أنا آسفة هتاكليني إيه. نادية: عوض عليا عوض الصابرين يارب. أحمد: برضه هناكل إيه. نادية: ادخل غير هدومك واغسل إيدك هكون حطيت الأكل. أحمد: حاضر فورًا. نادية: ربنا يهديك يا ابني ويصلح حالك. غير أحمد ثيابه وجلس على الطاولة ولكن قبل أن يأكل. نادية: أوعى تمد إيدك على الأكل.

أحمد بخوف مصطنع: ليه حطالي سم في الأكل ليه كده دا أنا حتى زي ابنك. نادية: قوم يا معفن اغسل إيدك. أحمد بتذمر طفولي: يا أمي أنا كبرت على كده. نادية: خلاص مفيش أكل. أحمد بتذمر: أوووف حاضر هغسل إيديا. دخل أحمد وغسل يديه وجلس يأكل. وبعد وقت دخل أحمد غرفته واتصل على شمس. شمس: الو مساء الخير. أحمد: يالهوي مساء الورد والياسمين. شمس: مين معايا. أحمد بغضب: وحياة أمك اتظبطي كده. شمس بضحك: خلاص والله كنت بهزر معاك.

أحمد بحب: وحشتيني. شمس بكسوف: وإنت كمان. أحمد وهو يرفع رجله على الحيطة: بحبك يا شمس. ولكن في هذه اللحظة سحب مصطفى الفون من أخته. مصطفى: وأنا كمان بحبك يا خويا. أحمد بخضة: إيه دا يا شمس إنتِ إزاي قلتي صوت مصطفى أخوكي الغلس دا. مصطفى: لا مش بقلد أنا مصطفى أخوها الغلس. أحمد: إذا أردت الكولتون دي دوس # تيت تيت تيتا. أغلق أحمد الخط بسرعة وانفجر مصطفى وشمس على جنان أحمد وشاركتهما والدتهما في الضحك. أما

عند أحمد فنام على السرير: يا ساتر بني آدم غلس والله لما أتجوز شمس مش هخليه يشوفها خالص هااا. ثم فتح صورة لشمس وهي تضحك. تصبحين على خير يا شمسي الحلوة. ثم نام أحمد لكي يذهب إلى عمله مبكرًا في الصباح. في كافيه كانت تجلس سوزي وهي تتحدث على الفون. سوزي: الو تعالي عاوزاك في كافيه ****** بسرعة. الشخص: حاضر من عيوني يا قمر. أغلقت سوزي ولم يمر وقت طويل حتى جاء هذا الشخص وهو شاب وسيم بشدة. جلس أمام سوزي.

الشخص: هااا عاوزاني في إيه انجزي. سوزي: الزفتة اللي اسمها قمر. الشخص: مالها. سوزي: عاوزة تاخد مني صقر وأنا بحبه. الشخص بضحك: قصدك بتحبي فلوسه تفرق. سوزي: طيب إيه العمل دلوقتي. الشخص: معاكي صورة ليها. سوزي: أه أهي. الشخص بطمع وحقد: دائمًا صقر كده كل حاجة حلوة ياخدها. أنا بقا مش هسيبهاله. سوزي بخبث: يعني إيه. الشخص: قمر أنا هاخدها ليا. سوزي: خلاص إنت تاخد قمر وتبعدها عن صقر وأنا آخد صقر ليا هو وفلوسه.

الشخص: ماشي يالا سلام يا قطة. ذهب الشخص وبعد وقت ذهبت سوزي هي الأخرى. في الصباح استيقظ صقر على صوت هاتفه. فنظر وجد أحمد يتصل به. فنظر إلى قمر فوجد قمر ما زالت نائمة. فخرج برة الغرفة. أحمد: عم العيال وحشني. صقر: عاوز إيه يا زفت إنت. أحمد: مالك بس مش طايقلي كلمة لي مش أنا أحمد حبيبك. صقر: أحمد مش فيقي لك اخلص في إيه. أحمد: خلاص يا عم مالك. صقر: مفيش إنت فين. أحمد: خلاص قربت أوصل الشركة.

صقر: طيب استلم إنت مكاني علشان أنا في مشوار. أحمد: مشوار إيه. صقر: لما أشوفك هبقى أقولك يالا سلام. أحمد: سلام يا صاحبي. أغلق صقر الهاتف وكاد أن يدخل الغرفة ولكن وجد أحد ينادي عليه. الطبيب: صقر باشا يا. صقر باشا. صقر: في إيه يا دكتور. الطبيب: في خبر وحش عاوز أقوله لحضرتك. صقر: في إيه انطق. الطبيب: أصل مدام قمر عندهاا...... صقر بصدمة وبكاء: إييييييييييييييييييييييي.