رواية أحببت طفلتي المعشوقة الفصل السادس 6 - بقلم ايمي ابراهيم

طب هنعملو اي يكمل اخويا لو شافك هنا مش هتطلع سليم سعد: متفتحي يبت عايز اشوفك سها: حاضر هغير هدومي واجيلك برا سعد: اشنب ياحبيبتي هستناكي ف اوضة السفره سها: بص يكمال انا هطلعك من شباك اوضتي ده تمم نط من على سور الجنينه من ورا واطلع ع البيت تمم واول ما توصل تكلمني كمال: مش عايز اسيبك سها: بطل دلع بقا يلا وروح ونتكلم لما توصل كمال: طب متقولي كلمة السر عشان تديني طاقة 😉😌 سها: يمجنون 😂 كمال: قولي بقا والا هفضل قاعد هنا 😌

سها: لا لا بحبك بحبك بحبك ❤ قوم بقا يمجنون 😂 كمال: يلهوي يجدعاااان 😂🙈 باسها على خدها وقالها باي يروحي اكلمك لما اوصل وطلع كمال من الشباك ونط من على سور الجنينه ومشى عادي سها طلعت لاخوها سها: اي يا استاز سعد مش كان لسه قدامك اسبوع وتيجي سعد: لا بس انا راجع تاني انهارده بليل كنت جاي اخد ورق وقلت بالمرة اخد اجازه يوم واقعد معاكو شوية وبعدين اي يا ابله سها مش عايزا تشوفيني ولا اي سها: لا يابا طبعاً وحشتني اومال 😂

سعد: طب جهزيلنا فطار بقا من ايدك الحلوة دي سها: بس كدا حاضر من عنيا 💋 ام سها: خدي يا سها الاول صحي صاحبتك عشان تفطر معانا سعد: صاحبتها مين ام سها: مش عارفاها يبني بس هي جت امبارح بليل متاخر وجوزها كان ضاربها فجات هنا عند اختك سها (بخوف وقلق وتردد) : لا يماما هي صحت من بدري روحت عند بيت امها سعد: طب بقولك اي يا سها سها: نعم سعد: هي حلوة 😉😂 سها: قوم اطلع برا ياض سعد: ههههه شايفه يماما بنتك بتطردني ازاي ام سها: خدتهم

الاتنين ف حضنها وقالتلهم: ربنا يخليكم لبعض يارب وميحرمنيش منكم *** ف فيلا خالد خالد رجع الفيلا تاني عشان نسي مفاتيحه فسمع صوت ميرنا وهي بتضحك راح عشان يشوف في اي لقاها هي وياسر قاعدين وسط العشب الاخضر والورود وهما قريبين من بعض خالد دخل عليهم بكل غيظ وغلل: انتي اي اللي جايبك هنا ياهانم اي اللي نزلك من الفيلا اصلا ميرنا بخوف: كن... كنت بتمشى بس مش اكتر يا خالد والله امانة عليك تهدا

ياسر مقدرش يتكلم عشان لو اتكلم عارف ان هيحصل مشاكل كتير خالد فضل يزعق مع ياسر وملقاش منو رد فعل اتغاظ اكتر راح ضاربو بالقلم لدرجة ان مناخيره نزلت دم ياسر اتعصب جدا وبصله بصه كان هاين عليه ياكله بعنيه بس معملش حاجة وقال ف نفسه: طيب مش انت بتضربني طب شوف بقا انا هعمل اي انا ان مسرقتش منك مراتك وخليتها تحبني انا مبقاش انا ياسر حسام وبعد كدا خالد شد ميرنا من ايديها جامد وطلعها اوضتها ورماها على السرير

وقالها: وربنا ما اشوفك بتتكلمي معاه تاني يميرنا منا راحمك وبعد كدا وانا مش موجود هقفل عليكي باب اوضتك بالمفتاح ومش هتطلعي منها غير لما ارجع انتي فاهمة ميرنا بخوف: بس انا بخاف اقعد ف مكان لوحدي يا خالد والله بخاف اوي خالد وقلبه كله قساوة: ميهمنيش هتفضلي محبوسة والا والله ارميكي للكلاب ياكلوكي انتي فاهمة ولا لا ميرنا: لا..لا خلاص فاهمه والله خرج خالد من الاوضة وقفل الباب على ميرنا بالمفتاح

بس مراحش شغله وقال: انا هكمل الملفات اللي ف مكتبي ف اوضتي وخلاص انا اصلا حاسس اني تعبان ومش هقدر اروح ميرنا فضلت تعيط على سريرها لحد ما خلت المخدة بتاعتها غرقانة بدموعها بمعنى الكلمة والساعة بقت 10 بليل وميرنا نايمة ف اوضتها وخالد نايم ف اوضته وفجأة ميرنا صحت على صوت حاجة بتقع ف اوضتها خافت لان مفيش حد ف اوضتها غيرها مسكت سكينة كانت ف طبق الفاكهه وشافت فار 😳

فضلت تصوت بصوت عالي خالص محدش سمعها فضلت تقول يا خالد يا خالد وتصوت خالد صحا على صوتها نك من مكانه مفزوع وراح عشان يشوفها في اي فتح الباب بتاعها وصوتت قالتله اوعىااا تحتك خالد نط من مكانه زي الاهبل، وراح عندها قالها: اي في اي قالتله وهي بتعيط واستخبت وراه: في فار ف الاوضة يا خالد قالها: نعم يختي يعني انتي تصحيني من النوم وبتصوتي لا واوعى تحتك وف الاخر يطلع فار يشيخة اوعي الله يسامحك

ميرنا: ايدا انت رايح فين انت هتسيبني هنا لوحدي وفي فار ف الاوضة خالد: اه هسيبكو تتعرفو على بعض ميرنا: لا انا هروح انام ف اوضتك ونطت من ع السرير وطلعت من الاوضة جري خالد وهو بيضحك: اه ياهبلة يابنت الهبلة 😂 وكان بيدور ف اوضتها على الفار وف الاخر لقاه طلع فار صغنن خالص خالد: بقا ميرنا خافت منك انت خالد مموتش الفار بس طلعو برا الفيلا الواد طلع قلبه حنين يعيني

المهم طلع تاني عشان يشوف ميرنا لقاها نايمة على سريره وهي حاضنة رجليها لصدرها كدا خالد راح وغطاها عشان الجو كان برد شوية وقعد هو ع المكتب عشان يكمل شغله وبيقول ف نفسه: (البت دي جدعة وقلبها طيب وبريئة) : بس انا معرفش ان كانت كدا ف الحقيقة ولا بتمثل عليا مبقيتش اثق ف حد من نوعكم عشان كلكم كدابين وبتوع مصلحتكم وبدأ يفتكر ف اللي امه كانت بتعمله ف ابوه زمان 🥲 وخلص خالد شغله ونام هو ع المكتب بتاعه *** بيت سها سها: الو

كمال: ايوا يحبيبتي اخيرا رنيتي سها: انا مش قولتلك اول ما توصل ترن عليا كمال: كنت مستني العصفورة بتاعتي تسال عليا هي الاول سها: لا والنبي كمال: اها 😂 سها: هتجيبلي شلل بدري كمال: لي بس يحياتي دا انا بحبك سها: وانا كمان بح.... قطعها اخوها سعد وهو بيقولها فين هدومي يا سها عشان ادخل اخد شاور سها: طب هكلمك كمان شوية يا مريم هخلص مع اخويا وارن عليكي كمال اللي هو اتحول لمريم ف ثانية😹: حاضر يا اختاه😂 سعد شاف قميص من

قمصانه على سرير سها سعد: سها مش ده القميص بتاعي... بيعمل اي عندك سها بدأت تتهته: اص... اصل صاحبتي لما كانت هنا لبستهولها سعد باستغراب: اومال ملبستيهاش حاجة من عندك لي سها: هو انا بقا كنت مركزة هي كانت جايه متعورة ف لقيت القميص ده ف دولابي ف لبستهولها وخلاص سعد: امممم طب تمم هاتيلي هدوم يلا عشان اخد شاور عشان امشي سها: ايدا انت هتمشي الوقتي سعد: ايوا الساعة بقت 10 ونص اهو سها: خلاص تمم سعد دخل ياخد شاور

وسها جابتله هدومه وادتهاله ليس سعد ووسلم على مامته وباس ايديها وسلم على سها ووقفت سها ومامتها عشان يودعوه وبعد كدا سها ومامتها دخلو نامو *** ف فيلا خالد الساعة 5 الفجر ميرنا صحت قعدة نص قعدة على سريرها وبقت تبص على خالد وتقول ف نفسها: هو انا امتى هطلع من السجن اللي انا فيه ده يارب هون عليا بقا وضمت رجليها لصدرها وحطت راسها على رجليها

وبعد شوية خالد صحا من النوم لقا ميرنا صاحية وبتعيط وهي ضامة رجليها لصدرها راح عشان يطبطب عليها ويسالها مالك بس رجع قال لا متعيط ولا تولع انا مالي انا اصلا وفتح الدولاب وطلع القميص الابيض والبنطلون الاسود بتوعه ميرنا خدت بالها انو صحا ميرنا: انت رايح فين خالد: وانتي مالك انا رايح فين ولا جاي منين ميرنا: طب متسيبنيش هنا لوحدي يا خالد عشان في هنا فئران ف الفيلا خالد: يختي على قلبك البريء دا انتي لو تعبان شافك هيخاف

ميرنا: متبطل تكلمني بالطريقة دي يعني انا بتكلم معاك عادي وانت كل ردودك زي السم خالد: طيب يستي انا مش هرد عليكي وسابها ودخل الحمام اللي ف اوضته عشان ياخد شاور وخلص وطلع لبس البدلة بتاعته وراح الشركة بتاعته ميرنا فضلت قاعدة لوحدها ف الاوضة بتاعة خالد فطلعت من اوضته عشان تنزل تحت تسمع ال TV وهي رايحة تنزل من ع السلم خبطت ف ياسر وياسر كان شايل هدوم عشان رايح يغسلها ميرنا: اسفة يا ياسر والله مخدتش بالي ياسر: عادي ولا يهمك

ميرنا: هو انت لسه زعلان من اللي حصل امبارح ياسر: لا عادي ميرنا: هو انت مش راضي تتكلم معايا لي ياسر: عشان مش عايز خالد يأذيكي ميرنا: متقلقش انت بس. وانا هاجي اساعدك واغسل الهدوم معاك ياسر: بجد ميرنا: ايوا بجد وبعدين انت اتعلمت الحاجات دي فين ياسر: بابا دايما كان بيعمل كدا ف اتعلمت منو ميرنا: يبختك انا مامتي ماتت وانا صغيرة ملحقتش حتى اتعلم منها حاجة وفجأة العم حسام رن على ياسر ياسر: الو يبابا العم حسام وقلبه مقبوض:

_ياسر: ازاي وحصل امتا الكلام ده العم حسام: _ياسر: حاضر هجيبها وجاي اهو ياسر قفل مع باباه الخط ميرنا انتي لازم تيجي معايا حالا يلا من غير نقاش ياترى اي اللي حصل خلا العم حسام يرن على ياسر مرة واحدة ويخلي ياسر يتنفض كدا من مكانه.