رواية أحببت طفلتي المعشوقة الفصل التاسع 9 - بقلم ايمي ابراهيم

ميرنا: ممكن تبصلي وأنا بكلمك؟ خالد: برضه مبصتش. ميرنا: امم، قولي. ميرنا: طب أنا عايزة أطلق. خالد اتصدم وساب الورق اللي في إيده وتنح لها. خالد: هو اللي أنا سمعته ده بجد؟ ميرنا: أيوه بجد. هو مش انت كنت عايز تتجوزني بس عشان وصية أبوك وخلاص؟ أهو آن الأوان عشان نتطلق. خالد: أه. ميرنا: أه أي؟ هو انت مش عايز تطلقني ولا إيه؟ خالد بتردد: لا... آه طبعاً هطلقك. بس إحنا متفقين على سنة يا ميرنا.

ميرنا بعصبية: والسنة فات منها 10 شهور يا خالد. وأنا خلاص معتش هستحمل أكتر من كده. معتش هستحمل أعيش معاك ساعة واحدة. خالد افتكر كلام الدكتور لما قال له إن هي لو اتعصبت ضربات قلبها بتتسرع وده غلط عليها. خالد بهدوء: طب اهدي يا ميرنا. حاضر، هطلقك. هبعت للمحامي وييجي لي بكرة إن شاء الله. ميرنا بعد ما قال لها كده طلعت أوضتها وقفلت عليها وفضلت رايحة جاية في الأوضة. ميرنا وهي بتكلم نفسها: طب أنا الوقتي قلقانة لي؟

أنا كده خلاص هكون حرة ومحدش هيتحكم فيا ويقول لي روحي ولا تعالي. ولسه بتكلم نفسها وتقول: بس أنا مليش حد ومش عارفة هروح عند مين. لا، بس برضو مش هعيش مع الحيوان ده يفضل يتأمر عليا، مشغلني زي الخدامة عند اللي جابوه. خالد فضل يفكر في اللي ميرنا قالته. وبيقول بصوت واطي: أنا بحبك يا ميرنا ومش عايز أخسرك. بس بعمل فيكي كده عشان متفكريش في يوم إنك تتعاملي معايا زي أمي كانت بتتعامل مع بابا.

بس أنا مش عارف هي للدرجادي وصلت للآخر لدرجة إنها تطلب الطلاق. خالد رن على المحامي بتاعه وقال له: حضرتك هتجي لي بكرة الفيلا الساعة 4 العصر. المحامي: خالد: تمام، هستناك. خالد طلع أوضة ميرنا وقال لها: تمام يا ميرنا، أنا رنيت على المحامي بتاعي وهييجي بكرة عشان يخلص الورق. ميرنا قلبها اتقبض وكأن حاجة بتقول لها لا، ارفضي الطلاق. وفعلاً راحت عشان تقوله لأ، بس برضه كبريائها اتغلب عليها وقالت له: طيب ماشي.

وخرج خالد من الفيلا. في الوقت ده ياسر كان بيراقبه. بعد ما خالد خرج، طلع ياسر لأوضة ميرنا. ميرنا: مين؟ ياسر: أنا ياسر يا ميرنا، افتحي لي. ميرنا: ادخل يا ياسر، الباب مش مقفول بالمفتاح، افتح وادخل. دخل ياسر الأوضة وبيقول لها: إيه اللي حصل ومالك متدايقة لي؟ ميرنا: أنا طلبت من خالد الطلاق يا ياسر. بس أنا قلبي وجعني أوي وحاسة إني حبيته برغم اللي بيعمله معايا.

ياسر بعصبية بسيطة: تلاقيه لما طلبتي منه الطلاق مشدش معاكي ولا قال لك لأ، مش مطلقك ولا كده، صح؟ ميرنا: صح. ياسر بخبث: شفتي بقا يا ميرنا إنك مش فارقة معاه؟ يعني لو كنتي فارقة معاه كان على الأقل قال لك لأ، مش مطلقك وشد شوية. إنما هو مصدق إنك تطلبي كده عشان يطلق، في الحلم. ميرنا: طب أعمل إيه الوقتي؟ ياسر: قومي عشان تجهزي شنطتك ونامي الوقتي عشان بكرة هيكون يوم طويل والمحامي جاي بكرة.

ميرنا باستغراب: وانت عرفت منين إن المحامي جاي بكرة؟ ياسر بتردد: آه... لا... مانتي قلتي لي وأنتي كنتي بتحكي يا ميرنا. هو إنك لحقتي نسيتي؟ ميرنا: آه. ياسر: هسيبك أنا الوقتي عشان ترتاحي.