رواية أحببت ذلك المغرور الفصل الحادي عشر 11 - بقلم أسما محمود

وتلفون روح رن. روح: جدو حبيبي وحشتني اوى اوى. الجد: يا بكاشه، دة يومين بس لحقت أوحشك. روح: طبعًا وحشتني، أوعى أكون موحشتكش. الجد: وحشتيني طبعًا، عاملة إيه أنتِ وسليم؟ روح: الحمدلله يـ جدو، إحنا كويسين. بتاخد العلاج في مواعيده؟ الجد: آه يبنتي الحمدلله. هسيبك أنا خلاص، اطمنت عليكي عشان سليم. روح: ماشي يـ جدو. أنا شوية وهكلمك أنا وسليم. وقفت روح مع جدها، وخرجت تشوف سليم فين. روح: أي الدلع ده كله!

سليم: وإحنا عندنا كام روح يعني، يلا تعالي كلي. وقعدت روح جمب سليم. سليم: منستيش حاجة. روح: أنا لأ، في إيه؟ وشاورلها سليم على خده. روح: لأ طبعًا. سليم: تقريبًا أنا جوزك، تقريبًا يعني. روح: اديني وقتي يا سليم، عارفة إنه حقك بس اديني وقتي. سليم باس إيديها: أنا متفهم كلامك وهخليكي براحتك. وقال بهزار: بس ده ميمنعش إني آخد بوسة يعني. وضحكوا هما الاتنين. وبعد الفطار. سليم: تشربي إيه؟ روح: لأ، خليك أنت. أنا هعمل كل حاجة.

سليم: متأكدة؟ روح: يلا بقى، مطعطلنيش. ضحك سليم: خلاص يا ستي، متزعقش. هروح أستناك في البلكونة. روح شالت الفطار وعملت قهوة لسليم وعصير ليها. سليم: تسلم إيدك يا حبيبتي. روح: ألف هنا، يا رب تعجبك. سليم: بقا القمر اتنازل وعملي قهوة وجابها لحد عندي، ومش هتعجبني؟ روح بكسوف: حبيبي، ربنا يخليك ليا. سليم: اطمنتي على جدك؟ روح: آه كويس الحمدلله. شوية وهكلمه أنا وأنت. سليم: إحنا ممكن نروح له بكرة لو تحبي. روح: بجد يا سليم؟

ربنا يخليك ليا. ومن غير ما تقصد، حضنته من الفرحة. سليم: ويخليكي ليا يا روحي. روح بكسوف: آسفة، معلش. سليم: والله العظيم أنا جوزك. روح: خلاص خلاص، عرفت. سليم مد دراعه: تعالي اقعدي جمبي، ده أنا مصدقت بقيتي مراتي. نامت روح على صدره وفضلوا يتكلموا كتير. روح بتردد: سليم، عاوزة أسألك سؤال. سليم: عارف يا روح، وهقولك. وبدأ سليم يحكيلها كل حاجة بالتفصيل، حكايته مع ملاك. روح: أنا آسفة على اللي حصل مني، بس أنا كنت غيرة عليك أوي.

سليم: بتغيري؟ روح: بطل رخامة بقى. وتلفون سليم رن وخرج وساب روح لوحدها. روح استغربت جدًا وقالت: اللي مردش قدامي، يرجع في كلامه. لا هو بيحبني، مش هيخونى. عند سليم: ها، كل حاجة جهزت؟ الشخص: كله جهز يا دكتور، متقلقش، كله تمام. سليم: خلاص، بكرة. هكون عندكوا. الشخص: تشرف يا دكتور، في أي وقت. وقفل سليم مع الشخص ورجع لروح تاني. روح: في حاجة ولا إيه؟ سليم: ها، لأ أبدًا، مكالمة شغل بس. روح بعدم صدق: ماشي. وفي المساء.

تلفون سليم رن وكان آدم. آدم: إيه يا درش، وحشتيني يا عم. سليم: أنت كمان والله. آدم: هتنزل القاهرة امتى؟ سليم: أنا نزلت امبارح عشان روح تعبت شوية. آدم: ملكش حظ يا صاحبي، تتعوض. خلاص هجيلك أنا وليلي. سليم: مستنيك يا عم. وقفل مع آدم وقال لروح إن آدم وليلي جاين. تلفون روح رن وكانت سارة. سارة: وحشتيني أوي يا روح. روح: أنتِ كمان يا روحي، عاملة إيه؟ سارة: الحمدلله. هتنزل القاهرة امتى بقى؟ روح: أنا نزلت امبارح.

سارة: بالسرعة دي؟ روح: آه، تعبت شوية ونزلنا. سارة: خلاص، ساعة وهجيلك. روح: تنورني، هستناكي. بعد ساعة. آدم وليلي وصلوا عند بيت سليم وقابلوا سارة تحت كمان. ليلي: إزيك يا سارة؟ عاملة إيه؟ سارة: الحمدلله. وأنتوا عاملين إيه؟ آدم وليلي: الحمدلله بخير. سارة: طالعين لروح وسليم؟ ليلي: آه، يلا عشان الأسانسير وصل. وخبطوا على الباب وفتح سليم. وبعد سلامات. سليم: انتوا جاين مع بعض ولا إيه؟ سارة: لأ، ده أنا قبلتهم تحت.

ليلي: فين روح يا سليم؟ سليم: بتجهز وخارجة. وخرجت روح وسلمت عليهم كلهم. روح: هجهز العشا وجاية. ويلا يا ليلي، أنتِ وسارة، تعالوا معايا. ودخلوا المطبخ وبدأوا يجهزوا العشا. روح: عاملين إيه انتوا الاتنين بقى؟ احكولي. ليلي: أنا تمام، واليومين اللي عدوا مفيهمش أي جديد. سارة: زي ليلي بالظبط، كله ملل في ملل. روح: وأنا زيكوا، ملل برضه. سارة: يومين بس وزهقتي؟ إيه السرعة دي؟ وضحكوا كلهم مع بعض. وجهزوا السفرة.

روح: يلا، العشا جهز. سليم: اتفضلوا، بلا مش هنعزمكم يعني. آدم: إيه رأيكوا نخرج كلنا الأسبوع الجاي؟ سارة: ياريت بجد، أنا موافقة. ليلي: معاكوا طبعًا. سليم وروح: معاكوا. سليم: هنروح فين طيب؟ آدم: الملاهي طبعًا. سليم: ملاهي؟ سليم يركب ملاهي؟ آدم: يا عم، بطل غرور بقى، محدش اعترض غيرك. سليم: أنت شايف كده؟ آدم: أيوه، بالظبط. وأنا هخرج وهاخدهم معايا، وخليك أنت لوحدك يا سليم الجارحي. سليم: بلاش أنت يا آدم، ها.

آدم: اللي أنت شايفه يا صاحبي. وضحكوا كلهم على آدم وسليم. وتلفون آدم رن ودخل البلكونة عشان يرد. روح بدأت تشك فعلًا، إيه حكاية كل التليفونات دي؟ سليم: إيه الأخبار؟ الشخص: تمام. سليم: مش عاوز أي غلط. الشخص: متقلقش.