رواية أحببت ذلك المغرور الفصل السابع 7 - بقلم أسما محمود

سليم: قراري إنك متخرجيش من غير إذني. أي شباب في الجامعة، ممنوع كلامك معايا، أنا بس. روح: حاضر. سليم: عاوزة تقولي حاجة إنتي كمان؟ روح: كنت عاوزة أقول، عاوزة أزور جدي كل يوم، متحرمنيش منه. سليم: أكيد يعني مش هحرمك منه. الجد دخل: ها يا ولاد اتفقتوا؟ سليم وروح: أيوه يا جدو. الجد: اتفق مع سليم على كل حاجة. وقراية الفاتحة الأسبوع الجاي، والفرح بعد شهر. روح بتتصل بسارة: سارة، إزيك؟ وحشتيني.

سارة: إنتي كمان يا روح. أنا الحمد لله، طمنيني عليكي إنتي وجدك. روح: كله تمام. كنت عاوزة أقولك على حاجة مهمة، مش هتصدقيها. سارة: خير؟ في إيه يا روح؟ روح: أنا وسليم، قراية الفاتحة بتاعتنا يوم الخميس الجاي. سارة: بتهزري؟ بجد؟ روح بضحك: لا، بتكلم جد والله. وقالتلها كل اللي حصل. تاني يوم: سليم اتصل بجد روح. سليم: إزيك يا جدو؟ الجد: الحمد لله يا ابني. سليم: كنت عاوز روح تنزل تشتري فستان الخطوبة، لو حضرتك موافق.

الجد: طبعًا يا ابني. أنا هشوفها صحيت ولا لأ، وهرجع أكلمك تاني. سليم: ماشي يا جدو. الجد: خبط على باب أوضة روح. روح: اتفضل يا جدو. الجد: سليم يا بنتي اتصل وعاوزك تنزلي تشتري الفستان وحاجات الخطوبة. روح: حاضر يا جدو. هييجي الساعة كام؟ الجد: هتصل بيه وأشوف. روح: ماشي. يا جدو، وأنا هحضر الفطار. والجد اتصل بسليم واتفق معاه ساعة وهيوصل. وبعد ساعة وصل واتصل بيه. الجد وروح نزلوا. روح: إزيك يا دكتور سليم. سليم: بس يا روح.

سليم ضحك على طفولتها: الحمد لله يا روح. إنتي عاملة إيه؟ روح: الحمد لله. سليم: ها، تعرفي مكان كويس ولا أختار أنا؟ روح: لا، اختار إنت. وراحوا مول ودخلوا المحل. كانت فساتين جميلة جدًا. روح: إيه رأيك في ده؟ سليم: حلو جدًا، قيسيه. روح: دخلت تقيسه، وكان جميل جدًا. سليم أعجب بيها جدًا، بس قولها: لا، شكله ملفت أوي. نختار واحد تاني. وبعد وقت، أخيرًا وافق على واحد مقفول كله. وروح مش عاجبها، بس وافقت عشان المشاكل.

روح: ها، هنروح نجيب الشبكة ولا نتصل بجدو يجي معانا؟ روح: آه، نتصل. استأذنوا الأول. واتصل سليم بالجد: سليم: جدو، أخبارك؟ كنت عاوز أقولك حاجة. الجد: اتفضل. سليم: هنروح نجيب الشبكة دلوقتي، وهنعدي عليك تجهز. الجد: لا يا ابني، روحوا إنتوا واختاروا اللي يريحكم. سليم: ماشي يا جدو، اللي تشوفه. وطبعًا سليم مصدق وفرحان عشان عاوز يكون مع روح أكتر فترة لوحدهم. روح: جدو قالك إيه؟ سليم: قال روحوا إنتوا عشان نكون على راحتنا.

روح: تمام. ووصلوا عند محل مجوهرات شيك جدًا. سليم: ها، إيه رأيك في الخاتم ده؟ روح: حلو، بس شكله غالي أوي. سليم: مفيش حاجة تغلى عليكي يا روح. روح اتكسفت جدًا، لأن أول مرة سليم يكلمها كده. روح: خلاص، يبقى حلو. اشتروا الشبكة وخد روح واتعشوا في مكان. سليم: تحبي تاكلي إيه؟ روح: أي حاجة. هاكل زيك. سليم طلب الأكل. سليم: ها يا روح، تحبي الفرح يبقى فين؟ روح: فرح؟ سليم: تقريبًا بيقول هنتجوز.

روح ضحكت: معلش، آسفة. في أي حتة تحبها. سليم: خلاص، لما يجي وقتها نتفق. سليم حس إن روح عاوزة تقول حاجة. سليم: روح، عاوزة تقولي حاجة؟ روح: ها، آه. بصراحة. سليم: إيه هي؟ روح: اشمعنى أنا اللي... (ولسه هتكمل) سليم: عارف هتقولي إيه؟ اشمعنى أنا اللي حبيتها وهتجوزها؟ روح: آه. سليم: عشان طيبة ومحترمة، وأنا حبيتك جدًا. وكمان طفولية جدًا. روح اتكسفت وضحكت وقالت: طب يلا نمشي عشان جدو. سليم: يلا ياستي، عشان جدو واخد طفلة معايا.

ضحكت روح جدًا على كلامه. ويعدي الأسبوع بسرعة بسرعة. ويوم الخطوبة الصبح. سارة عند روح عشان صحبتها الوحيدة. سارة: يا بنتي، بطلي قلق حرام عليكي. وترتيني. روح: قلقانة يا سارة، وخايفة. مش عاوزة أسيب جدو. سارة: لسه شهر يا حبيبتي على الجواز. قاعدة على قلبنا لسه. روح: آه صح. والباب خبط. وسارة فتحت. وكان واحدة. سارة: نعم، مين حضرتك؟ البنت: أنا أميرة، ميك اب آرتست. باعتني دكتور سليم. سارة: آه طبعًا، اتفضلي. العروسة جوه.

سارة: روح، دكتور سليم باعت أميرة عشان الميك اب. روح: آه طبعًا، خليها تتفضل. أميرة: إيه العروسة القمر دي! مش محتاجة ميك اب خالص. روح بضحك: أنا قمر، يبقى إنتي إيه؟ بعض كلام. وفي المساء، الباب بيخبط. وكان سليم. وكان معاه ابن عمه واخته ليلى، اللي كانت مسافرة. الجد: أهلًا أهلًا يا ابني. اتفضلوا، نورتونا. سليم: أهلًا يا جدو، بنورك. الجد: ثواني وهجيب روح. الجد عند روح: يلا يا روح، سليم وصل. روح بتوتر: حاضر يا جدو.

وخرجت روح مع سارة. وبعد سلامات. ليلى: مكنتش أعرف إن عروستك قمر كده يا سليم. روح بكسوف: شكرًا جدًا. ده من ذوقك. ليلى: شكر إيه بس، مفيش الكلام ده. روح بضحك: ماشي. وسليم لبس روح الشبكة. وزغاريط. في بيت روح. ابن عم سليم آدم: مبروك يا درش، عقبالك. سليم: الله يبارك فيك. انوي إنت بس بدل ما إنت معقد كده. سارة: مبروك يا روح، مبروك يا دكتور سليم. روح وسليم: الله يبارك فيكي. عقبالك. سارة: عن إذنكم عشان اتأخرت.

سليم: استني يا سارة. ووجه كلامه لآدم: آدم، وصل سارة. الوقت اتأخر، مش هينفع تروح لوحدها. سارة: ملوش لزوم يا دكتور. سليم: خلاص يا سارة، حضري نفسك. عقبال ما آدم يجيب العربية. وفي الطريق بين سارة وآدم كان ساكت. لحد ما آدم اتكلم. آدم: إنتي صاحبة سارة من زمان؟ سارة: لأ، من بداية الجامعة بس. آدم: آه. اللي يشوفكم يقول تعرفوا بعض من زمان. سارة: إحنا فعلًا نعرف بعض من مدة صغيرة، بس هي زي أختي بالظبط.

وبعد كلام كتير، وصلت سارة البيت ومشي آدم. في بيت روح. سليم قبل ما يمشي كلم روح وقالها: بكرة هعدي عليكي، نروح الكلية سوا. وبعدها نخرج. ده بعد إذنك يا جدو طبعًا. الجد: براحتكم يا ابني. ومشي سليم. وتاني يوم... سليم رن على روح. روح: الو. سليم: صباح الخير يا حبيبتي. روح اتكسفت: صباح النور. سليم: ها، جهزتي ولا لسه؟ روح: آه، جهزت خلاص. سليم: خمس دقايق وهكون قدامكم. أول ما قفل ما روح حصل......