رواية أحببت ذلك المغرور الفصل الثامن 8 - بقلم أسما محمود

واول ما قفل ما روح حصل حادثة بالعربية ونقلوا سليم للمستشفى بسرعة. عند روح. روح: سليم اتأخر أوي يا جدو. ده قال لي خمس دقايق وهيوصل. الجد: متقلقيش يا بنتي، الغايب حجته معاه. أي يا روح، حبتيه؟ روح: يوه بقى يا جدو. استنى بقى، سليم بيرن، شكله وصل. روح: ألو، يسليم، انت فين؟ كل ده؟ اتأخرنا على المحاضرات. شخص غريب يرد على روح: حضرتك صاحب الرقم عمل حادثة ونقلناه المستشفى، وكان آخر رقم مكلمه حضرتك. روح بصدمة: سليم؟ هو كويس؟

طب مستشفى إيه؟ الشخص: متقلقيش حضرتك، إصابات خفيفة. روح بعياط: اسم المستشفى إيه بسرعة؟ الشخص: مستشفى... الجد: في إيه يا بنتي؟ سليم ماله؟ ومستشفى إيه؟ روح بصدمة وعياط: سليم عمل حادثة ونقلوه المستشفى. الجد: إيه حادثة؟ أنا هلبس ونروح بسرعة. وصلوا المستشفى. عند سليم. روح سألت الممرضين عند سليم وعرفت مكان الغرفة. روح وجدته نايم، ودراعه مكسور وشوية إصابات خفيفة في وشه. روح بعياط: شايف يا جدو؟

كل ما أتعلق بحد يمشي ويسيبني ويعمل حادثة. أنا خايفة أوي يا جدو. الجد: بطلي عياط يا روح، سليم هيكون كويس بإذن الله. أنا هروح أشوف الدكتور أعرف منه حالته إيه. روح: ماشي يا جدو. خرج الجد، وروح قعدت جنب سليم وبتعيط. روح: كدة يا سليم؟ أول ما بدأت أتعلق بيك كنت هتسبني وتمشي؟ سليم كان سامع كل حاجة وفرحان جداً إنه سمعها بتقول إنها بتحبه، بس بيعاند مع نفسه وبيقول: لا، كلهم زي بعض. قلبه: طب خطبتها وهتتجوزها ليه؟

عقله: لا، أنا خطبتها عشان... قلبه: مفيش مبرر صح؟ وتعب سليم من الحوار ده، وصحى في الآخر. روح: حمد الله على السلامة. كدة تقلقنا عليك يا دكتور. سليم بوجع: الله يسلمك، بس دراعي وجعني أوي. روح: دراعك اتكسر من الحادثة وشوية خدوش بسيطة في وشك. سليم: هخرج امتى من هنا؟ روح: جدو راح يسأل الدكتور عن حالتك وهتخرج امتى. سليم بعصبية: أنا هخرج دلوقتي، مش دكتور اللي يتحكم فيا.

روح بقلق من عصبية سليم: مينفعش تخرج انهاردة، انت دكتور وعارف. سليم: انتي مالك؟ هخرج بردوا. دخل الجد. الجد: حمد الله على السلامة يا سليم يا ابني، خوفتني عليك. سليم: الله يسلمك يا جدو. الدكتور قالك إيه وهخرج امتى؟ روح: شايف يا جدو، سليم عايز يخرج دلوقتي. الجد: لا يا ابني، انت تعبان. بكرة أو بعده. سليم: مش بحب قعدة المستشفيات دي. الجد: اهدي يا ابني، بكرة تخرج. دخل الدكتور غرفة سليم. الدكتور: أخبارك إيه يا دكتور سليم؟

بقيت أحسن دلوقتي؟ سليم: أنا كويس وعايز أخرج دلوقتي. الدكتور: اهدى يا سليم، انت دكتور وعارف إن مينفعش تخرج انهاردة، لسه في تحاليل وأشعة الأول. سليم: أعملها دلوقتي وهروح البيت، هعمل كل اللي تقولي عليه. الدكتور بنفاذ صبر: خلاص يا سليم، هتخرج وعلى مسؤوليتك. وخرج الدكتور وكتب لسليم على خروج. سليم وروح والجد وصلوا عند بيت سليم. روح: هدخل أعمل أكل خفيف عشان العلاج. سليم: متتعبيش نفسك، أنا هتصرف.

روح: هتتصرف إيه بس وانت متكسر كده؟ الجد: مفيش تعب يا ابني، وبعدين عشان تتعود على أكلها. أنا مش مسئول أهو من دلوقتي. وضحكوا كلهم. روح في المطبخ بتجهز الأكل وسرحانة في سليم. روح لنفسها: ياترى بيحبني ولا عشان الفلوس؟ بس هو لو عشان الفلوس كان أجبرني أسددها من الأول ومن غير جواز ومسؤولية. لا، بس ده اتعصب عليا ورجع في كلامه. لا، بس كان تعبان فا غصب عنه. وقطع سرحانها صوت تليفونها، وكانت سارة. سارة: كده يا روح؟ يا ندلة؟

مش تسألي عليا؟ وكمان متجيش انتي ودكتور سليم. روح: براحة يا بتي، في إيه؟ شوية شوية عليا. سليم عمل حادثة ولسه راجعين من المستشفى ومش عارفين هيخف امتى. سارة: يالهوي؟ حادثة؟ إيه؟ وهو كويس طيب؟ روح: هو أحسن من الأول، بس رجله اللي مكسورة وشوية خدوش في وشه. سارة: ألف سلامة عليه. وسلميلي عليه جامد. روح: الله يسلمك يا حبيبتي. هسيبك عشان الأكل جهز. سارة: ماشي يا حبيبتي، سلام. قفلت روح مع سارة وجهزت الأكل.

وكان الجد في الصالة ومستني روح. روح: جدو، هدخل الأكل لسليم. الجد: ماشي يا بنتي. هبطت روح على أوضة سليم وكان نايم. روح: سليم، سليم. الأكل جهز يلا اصحى. سليم بنعاس: صحيت أهو. تسلم إيدك، تعبتي نفسك. روح: تعب إيه بس؟ مفيش تعب ولا حاجة. سليم بخبث: قربي الصينية. ومثل التعب. روح لسه بتقرب الصينية، طبع قبلة على خده. روح بعدت بسرعة: إيه اللي عملته ده؟ سليم بضحك: إيه اللي عملته؟ روح بعصبية: انت مش عارف إيه يعني؟

ولسه هتكمل، رن جرس الباب وكان...