رواية أحببت ذلك المغرور الفصل التاسع 9 - بقلم أسما محمود

روح سابت سليم تشوف مين اللي بيرن الجرس. كان ادم وليلي، أخت سليم. ادم: سليم كويس؟ ليلي: حادثة إيه؟ وهو فين دلوقتي؟ روح: اهدوا انتوا الاتنين، هو كويس وجوه في أوضته. ادخلوا لسليم. ادم: إيه يا عم، أنت على طول كدة بتقلقنا عليك. ليلي: كدة يا سليم؟ أعرف من آدم ومكنتش عايز تقول لي. (تبكي) سليم خد ليلي في حضنه: أنا كويس والله متقلقوش عليا خالص. وعايزني أقولك وأضيع فسحتك في مصر؟ ليلي: فسحة إيه بس، اسكت يا سليم.

الجد: هنسيبك بقى يا سليم وهنيجي لك بكرة. سليم: جدو، هتروحوا فين؟ الوقت متأخر. هتباتوا هنا النهاردة. الجد: لا يا ابني ميصحش، عيب. سليم: والله عيب يا جدو تقول كدة، دا بيتك قبل بيتي. الجد: بس. سليم: مبسش ولا حاجة. روح هتقعد مع ليلي في الأوضة، وحضرتك في الأوضة اللي جمبي عشان تتطمن. الجد: اللي أنت شايفه يا ابني. هدخل أستريح شوية، عن إذنكم. روح: أنا كمان، عن إذنك. ليلي: إيه يا روح؟ هتنامي بدري كدة؟

ده لسه هنسهر كلنا للصبح، خليكي قاعدة معانا. ادم: يا بنتي دي بتكون أحلى قعدة. روح: عشان تكونوا براحتكم يعني. سليم: خليكي شوية ونامي براحتك. بعد ضحك كتير وسهرة حلوة. روح: يا خبر، معقول الصبح طلع؟ سليم: آه فعلاً، إحنا قعدنا كل المدة دي محسناش بالوقت. ليلي وادم: فعلاً. روح: عن إذنكم بقى كدة، كفاية. عندي جامعة كمان كام ساعة. وكلهم دخلوا ناموا. الصبح منبه روح بيرن. روح: خلاص صحيت أهو.

وجهزت روح وجاية تخرج، سمعت حركة سليم. وكان الباب مفتوح حتة صغيرة وكان عاوز يشرب ومش عارف يتحرك. روح خبطت على الباب. سليم: اتفضل. روح: أنا ممكن أساعدك. سليم شرب وخد علاجه. سليم بخبث: رايحة الجامعة؟ روح: آه، بقالي يومين مروحتش. سليم: إيه اللي في شعرك ده؟ روح بخوف: فيه إيه؟ سليم: قربي براحة. روح قربت. سليم أدالها بوسة زي امبارح. روح برقت: إنت قليل الأدب بجد، أنا همشي. سليم بضحك: كلها 3 أسابيع يا روح.

نزلت روح متعصبة من تصرفات سليم ووصلت الجامعة وحكت لسارة كل اللي حصل. سارة: بقا معقول؟ دكتور سليم العصبي يطلع منه كل ده؟ ضحكتني والله. روح: هو أنا بحكيلك عشان تضحكي؟ بصي يلا عشان المحاضرات. وانتهي اليوم وسليم اتصل بروح. سليم: إيه يا روح؟ اتأخرتي أوي، فينك كل ده؟ روح: لسه طالعة من الجامعة وهروح على البيت. سليم: لا تعالي عندي، جدو هنا وهنتغدى. روح: بس مينفعش. سليم: اسمعي الكلام، أنا مش باخد رأيك.

روح: إنت بتعاملني كدة ليه؟ سليم: أعملك براحتي، ومتنسيش الاتفاق. نص ساعة وتكوني قدامي، وإياكي تتأخري عن نص ساعة. وقفل مع روح. روح: بني آدم مغرور، استغفر الله العظيم. ووصلت روح واتأخرت عن النص ساعة، وخبطت على الباب وفتح لها سليم. سليم: اتأخرتي يا هانم. ولسه هتتكلم. سليم: هششش، حسابنا بعدين، مش دلوقتي. وحست روح بالخوف منه لأول مرة. دخلت روح وسلمت على ليلي وجدها. وادم كان مشي عشان الشغل.

وكانت ليلي مجهزة الأكل على السفرة وقعدوا كلهم على السفرة. وروح كل شوية تبص على سليم، وكانت نظرته مطمئنة أبداً. وقالت: أنا أكلت. سليم: أكلتي إيه؟ الطبق لسه زي ما هو. كلي زي الناس. الجد: صح، إنتي ما أكلتيش يا بنتي. كلي كويس. روح: لا، أنا شبعت الحمد لله. سليم: براحتك. بلعت روح ريقها من الخوف. وراحت الحمام عشان تغسل أيديها وتهرب من نظرات سليم. سليم: عن إذنك يا جدو، هجيب العلاج. الجد: براحتك يا ابني.

وروح كان في أوضة سليم وشافت صورة ملاك، واستغربت إنها شبهها جداً. سليم: بتعملي إيه عندك؟ روح اتخضت: عاااا، إيه ده؟ سليم: بتعملي إيه عندك؟ روح: ها، لا ولا حاجة. هي مين دي؟ سليم: ميخصكيش. روح: يعني إيه ميخصنيش؟ مش خطيبتي؟ سليم: اتأخرتي عن النص ساعة. روح: ياروح، إيه؟ سليم: متغيريش الموضوع. مين دي يا سليم؟ سليم: دي ملاك، كانت مراتي. ارتحتي كدة؟ روح: مراتك؟ آه، والصورة بتاعتها هنا ليه؟ سليم ببرود: آه، نسيتها. روح: تمام.

ولسه هتمشي. سليم: استني عندك. مجوبتيش على سؤالي، اتأخرتي ليه يا روح؟ روح: الطريق كان زحمة. سليم: زحمة؟ تتصلي تقولي. روح: بتحكمي كل حاجة، بتحكمات، أنا مش عاوزة. سليم: مش بمزاجك. وسابته روح وخرجت برة. وروحت روح وجدها للبيت. ومع الأيام سليم بقى كويس جداً. وهو وروح على طول في خناق، على أتفه الأسباب. وجه قبل الفرح بيوم. ياترى إيه اللي هيحصل اليوم ده؟ نكمل بكرة.