رواية أحببت ذئب الفصل الخامس 5 - بقلم فرح القصاص

مراد قام من على المكتب بعصبية ومشى ناحيتها. لمار بتوتر: أنا.. أنا آسفة جداً على التأخير. مراد بعصبية: أنا قيلك إني مبحبش التأخير وبرضه اتأخرتي. لمار: آخر مرة والله. مراد: الملفات اللي على المكتب دي تخلصهالي النهارده ومش هتمشي غير لما تخلصيها، مفهوم؟ لمار: بس دول كتير أوي. مراد: عشان لما تفكري تتأخري تاني تعملي حسابك. لمار بعصبية في سرها: أوووف يا ربي هخلص كل دول إزاي. مراد: يله على مكتبك.

لمار أخدت الملفات وراحت على مكتبها. سيف: هي دي السكرتيرة الجديدة؟ مراد: أيوه. سيف: لا بس جامدة. مراد بعصبية: سييييف. سيف: خلاص. مراد: غريبة يعني آدم مبيتكلمش. آدم: مستغرب. مراد: مستغرب إيه؟ آدم: إنك مامشتهاش، غريبة دي عليك. مراد: احمم العقاب أحسن عشان تحرم تتأخر تاني. آدم: الـ عقاب برضه؟ مراد: روح يله على مكتبك، إيه نسيت الحفلة ولا إيه؟ آدم: تمام، هخلي السكرتيرة بتاعتي تعملها. مراد: لا.. اللي هتعمل الحفلة لمار.

آدم: اشمعنى؟ مراد: مفيش اشمعنى، أنا قولت كلمة وخلاص. آدم: ماشي. مراد بخبث: وريني هتعملي الحفلة إزاي. *** تسنيم: أنا رجعت البيت وهحضر الأكل عقبال ما تيجي. لمار: لا اعملي الأكل وكلي، أنا هتغدى هنا عشان هتأخرت. تسنيم: لا خلاص هستناكي. لمار: تسنيم كلي انتي، أنا هقفل معاكي عشان ورايا شغل كتير. **** مجهول: هيعمل الحفلة بكرة، تنفذي اللي هقولك عليه. _تمام. مجهول: ............. _بس كده ممكن يموت. مجهول: مهو ده المطلوب. _تمام.

*** آدم: الساعة 8 ولسه هي بتشتغل، يابني حرام عليك، الموظفين كلهم مشيوا، اللي هي.. مراد: ملكش دعوة انت يا آدم. سيف: معاك حق آدم، البنت تعبت خالص، ده أنا لو اتداني الملفات دي كلها مش هخلصه في يومين حتى. مراد بعصبية: قولتلكوا متدخلوش في شغلي. آدم: تمام، أنا هروح. سيف: وأنا؟ إنت مش هتروح ولا إيه؟ مراد: لا هخلص كام حاجة وهمشي.. محدش يتأخر، الحفلة بكرة. سيف وآدم: تمام. *** محمود: هو علي من ساعة ما مشي مجاش لحد دلوقتي ليه؟

سامية: معرفش ياخويا والله، معقول يكون قتل أخته وهربان؟ محمود: إيه اللي انتي بتقوليه ده؟ سامية: أنا مقولتش حاجة غلط، هي تستاهل، ما هربت من البيت وشوهت سمعتكم. علي بعصبية: كلمة كمان وهطلعك من البيت. سامية بستغراب: مش فاهمة أنا قولت إيه غلط... طب سيبك، عملت إيه؟ قتلتها صح؟ علي بصوت جهوري: عارفين اللي منعني إني أسجنك إيه؟ هي لمار اللي لسه بتحبك بعد الظلم ده. محمود: انت بتقول إيه؟ تسجن أبوك؟ علي: أب إيه؟ إنت أب؟

إنت اللي مابيهمكش مصلحة بنتك ولا بيهتم بيها، لأ وكمان عايز يبعها لراجل أكبر منه ويهينها ويبهدلها ويمشي ورا كلام مراته ده يتسمى أب؟ رد عليا... من اللحظة دي انسى إن ليك ابن أو بنت، اعتبرنا متنا زي ما اعتبرتنا كده. سامية: دي كدابة، هي لعبت في عقلك. علي ضربها بالقلم. علي: أنا سكتلك كل ده عشان أنت أكبر مني، أما تكلمي على أختي ولا وتمدي إيدك عليها وأنا مش موجود، أنا أقطع رقبتها. ومشى.

سامية: عاجبك ابنك بيزعقلي وضربني وانت ساكتلهم؟ محمود مصدوم من كلامه: لا رد. سامية بشر: بس أنا مش هسكت، وربنا لأدفعك تمن القلم ده غالي أوي. **** مراد: أستاذة لمار.. أستاذة لماررر. لمار بنوم: اممم. مراد: مش ناوي تمشي ولا إيه؟ لمار: خمسة خمسة. مراد كتم ضحكته: أستاذة لمارررر. لمار بخضة: أنا فين؟ احم أنا آسفة مش عارفة نمت إزاي، بس أنا خلصت، ينفع أمشي؟ مراد: أيوه.. متتأخريش بكرة عشان إنتي اللي هتستلميلي تنظيم الحفلة.

لمار: تمام. مراد: مش عايز أي غلطة. لمار: حاضر... بعد إذنكم. مراد: استني. لمار: خير. مراد: تعالي أنا هوصلك. لمار: لا شكراً. مراد: اتفضلي اركبي. لمار: أنا عارفة طريقي كويس. مراد مسك إيدها وركبها العربية. لمار: إنت إزاي تمسك إيدي بالطريقة دي؟ مراد: ما إنتي لو سمعتي الكلام من الأول مكنش مسكت إيدك. ودور العربية ومشي. لمار: تمام، هنا. مراد وقف العربية. لمار نزلت: احم شكراً. مراد بإبتسامة: عفواً. مراد: مش عايز تأخير بكرة.

لمار: حاضر. وطلعت وهو مشي. *** لمار: بسم الله الرحمن الرحيم. تسنيم: إيه شفتي عفريت؟ لمار: أول ما فتحت الباب كده أشوفك في وشي. تسنيم: إيه التأخير ده؟ لمار: كل ده كنت بشتغل. تسنيم: ده ليه إن شاء الله؟ لمار: عملتي إيه في المقابلة؟ تسنيم: اتقبلت الحمد لله.. بس ده مش موضوعنا، كنتي فين؟ لمار: هدخل آخد دش وأغير عقبال ما تحضريلي الأكل وهحكيلك. تسنيم: كمان أحضرلك الأكل؟ لمار: آه، يله هموت من الجوع. تسنيم: ماشي، متتأخريش.

لمار خدت دش ولبست بيجامة بنطلون وتيشرت بنص طويل واسع وعملت شعرها ضفيرتين. تسنيم: الأكل أهو، يله كلي وحكيلي. لمار كلت وحكتلها. تسنيم: ده معندوش دم. لمار: اهو شوفتي، هو ده سبب التأخير. قاطعهم جرس الباب. لمار: قومي افتحي. تسنيم: أنا هدخل الحاجة، قومي انت. لمار: باردة والله. وقامت تفتح. لمار: مراااااد.