رواية أحببت ذئب الفصل الرابع 4 - بقلم فرح القصاص

لمار بصدمة: علي؟! تسنيم: مين يا لمار؟ علي زق الباب ودخل. لمار بخوف وعياط: استني بس أفهمك والله. علي خدها في حضنه. علي: واحشتيني أوي يا لمار. لمار: لارد. علي: مالك مبتروديش ليه؟ لمار باستغراب: مستغربة إنك متعصبتش عليا أو ضربتني علشان هربت من البيت. علي: لأني أنا اللي مربيكي، يعني عمرك ما هتعملي حاجة غلط أو توطي راسي، صح؟ لمار هزت رأسها وحضنته. لمار: وحشتيني أوي. علي: وإنتي أكتر. لمار: صحيح، أنت عرفت مكاني إزاي؟

علي بص لتسنيم وابتسم. لمار لاحظت. لمار: اممم، يعني تسنيم اللي قالتلك صح؟ Flash back. تسنيم: الو، مين؟ علي: تسنيم، أنا علي أخو لمار. تسنيم بتوتر: أيوه. علي: هي فين لمار؟ تلفونها مقفول. تسنيم بتوتر أكتر: لمار.. لمار أنا. أنا معرفش. علي: أنا عارف إنك عارفة يا تسنيم، قوللي أنا خايف عليها أوي، صدقيني. تسنيم: لمار معايا. علي: في مطروح؟ تسنيم: لا، إحنا في القاهرة. علي: طيب، اديهاني.

تسنيم: هي دلوقتي مش معايا، هي في مقابلة شغل. علي: شغل!! طيب ابعتيلي اللوكيشن، مكانك بالظبط وأنا هاجي أعملها مفاجأة. تسنيم: تمام. وبعتت اللوكيشن. BACK. لمار: أنا اتصلت بيك أقولك قبل ما أكسر الخط علشان محدش يوصلي، لقيت تليفونك مقفول. تسنيم: هتفضلوا واقفين على الباب كده؟ تعالوا اقعدوا واتكلموا، عقبال ما أعمل حاجة نشربها. *~~~*~~~*~~~~*~~~~~*~~~ في خبر. مجهول: قول. _مضت العقد مع الشركة الإيطالية. مجهول بعصبية: إزاي؟

أنت عملت اللي قلتلك عليه؟ _آه، بس جاب سكرتيرة جديدة ومشي التانية. مجهول: عامل ابن الـ ** _أنفذ الخطة التانية؟ مجهول: لا، خليه يفرح بانتصاره شوية، وهنقلب الترابيزة عليه. وضحك بشر. *~~~*~~~*~~~*~~~~*~~~~* لمار بعياط: والله هو ده اللي حصل. علي بعصبية: بيعملوا كل ده وأنا مش موجود؟ بياخدوا راحتهم على حسابك إنتي؟ والله ما هرحمهم. لمار: اهدى بس يا علي، متع

-ملش مشاكل، أنا خلاص سبتهم وهعيش حياتي، وأنا لقيت شغل الحمد لله وهكون نفسي. علي: أنا آسف يا لمار. لمار بعدم فهم: علي إيه؟ علي: كل مرة عيطي فيها بسببهم، وكل مرة بيهينوكي فيها وأنا مش موجود. لمار حضنته: أنا مش عايزك تتأسف على حاجة، أنا عايزك تدعمني وبس. علي: أنا معاكي في أي حاجة إنتي عملتيها أو هتعمليها. تسنيم: في إيه؟ هنقطيها عياط ومحن بقى؟ لمار بتمسح دموعها وبتضحك: طب أنا هقوم أجيبلك من الكيكة اللي أنا عاملاها.

علي: وقت تاني يا ميرو علشان ورايا حاجات كتير عايز أعملها. لمار: حاجات إيه؟ علي: بكرة هسافر. لمار بزعل: تاني؟ علي: متقلقيش، مش هطول، أنا هروح أظبط شوية أمور وهعمل فرع جديد هنا في القاهرة، هقعد هنا وهجيب بيت نقعد فيه أنا وإنتي. لمار بفرحة: بجد؟ علي: بجد. لمار بصوت منخفض: وتسنيم كمان؟ علي بضحك: أكيد. لمار: طيب، إحنا هنلم هدومنا عقبال ما تيجي. تسنيم: هدوم مين؟ لمار: هدومنا. تسنيم: إنتي اللي هتروحي مش أنا؟

لمار: ما إنتي هتيجي معانا. تسنيم: مش هينـ.. علي: اسمعي كلام لمار. تسنيم: بس.. لمار: مبـس، أنا قررت. تسنيم: خلاص، ماشي. لمار: ربنا معاك يا حبيبي، ترجعلي بسلامة، متطولش. علي: هما يومين بكتير بس.. باي. لمار: باي. تسنيم: إيه؟ بتبصيلي كده ليه؟ لمار حضنته. تسنيم: هو لسه العياط مخلص عندك ولا إيه؟ لمار ضربتها: باردة. تسنيم: طيب، بقا مش هتنامي؟ لمار: لا، يله. *~~~*~~~*~~~*~~~*~~~*~~* في الصباح 🌤. مراد: إيه التأخير ده كله؟

آدم: إيه ده؟ إيه ده؟ هو القمر بيطلع الصبح ولا إيه؟ نسرين (والدته مراد) بضحك: آه يا بكاش إنت. آدم بضحك: أنا مش عارف الجمال والفرفشة دي كلها مخلفة الكائن الغريب اللي هناك ده إزاي؟ مراد: والله الكائن اللي بتقول عليه ده هيقوم يكسرك حتة. آدم: احم، فيه إيه يا أسطا؟ بهزر. مراد: عايزة حاجة يا أمي؟ نسرين: لا يا حبيبي، عايزة سلامتك. سيف: أنا حاسس إني اتنسيت سيكة. آدم: حاسس وسيكة؟ ده إنت قلبك أبيض. سيف: لا، خلاص اتأكد.

مراد حضنه: عامل إيه يا صاحبي؟ سيف: بخير والله. آدم: نفسي أعرف بتعملوا إيه أحسن مني ليه؟ سيف: وإنت مالك إنت؟ مراد: كنت مختفي فين؟ سيف: مفيش والله، ضغط الشغل. مراد: ربنا معاك. سيف: إنت رايح الشغل؟ مراد: آه. سيف: طيب، يله أنا جاي معاك. مراد: يله. آدم: ونسيت كأني ما جيت. مراد: خلاص يا عم الحنين. آدم: آه، كويس حد فاكرني. مراد: طب يله. *~~~~*~~~~*~~~~~*~~~~*~~* لمار بنوم: الساعة كام؟ تسنيم: 8.5.

لمار نطت من على السرير، واخدت دش، ولبست وجهزت. تسنيم: مش هتفطري؟ لمار: لا، أنا اتأخرت، ربنا يستر، ده هيعمل مني شورما. تسنيم: طيب، استني أنا جايه معاكي. لمار: ليه؟ تسنيم: لقيت شغل هقدم عليه. لمار: طب مبروك، يله. ومشوا. *~~~~*~~~*~~~*~~~*~~~*~~* في الشركة. مراد: ابعتيلي لمار. _لسه ما جتش. مراد بعصبية: لسه ما جتش؟ مش ده معادها؟ _أيوه، بس هي لسه ما جتش. مراد: طيب، اطلعي وأول ما تيجي خليها تيجي لي. _حاضر.

سيف: اهدى، ولما تيجي ابقا حاسبها. _ده إنت يومك مش معدي. لمار: ليه؟ فيه إيه؟ _أستاذ مراد متعصب أوي وعايزك. لمار بلعت ريقها: عايزني؟ _أيوه. لمار راحت عند المكتب وخبطت براحة. مراد: اتفضل. لمار بتوتر: قالولي إنك عايزني. مراد قام من على المكتب بعصبية ومشي نحيتها و....