رواية احببت تلك المشاكسة الفصل التاسع 9 - بقلم رحمة محمد

نور: سبحان الله ورجعت تاني بيتي ووحدتي. آه من وحدتي؛ والله شكلي بقول شعر؛ بس مالك جر؛ حتى بكلامه جدا وأنا اضايقت بس أعمل إيه يعني كان طلب أبوه وحالة إنسانية دي أحسن حاجة حصلت. أنا فين وهو فين؛ خلي كل واحد في عالمه ده أريح؛ آه بس أنا دلوقتي متضايقة. أعمل إيه؛ بس لقيتها هو الرز باللبن أقوم أعمله وأدخل بقى السرور على قلبي من هنا لأسبوع. همالك: صباح الخير. الكل: صباح النور. باسل: إيه لابس بدري كده ورايح على فين؟

مالك: على الشركة أشوف مالنا مين بيراعيه ولا نفضل كده مستنيين المصروف. سيف: طيب وأنا كمان هنزل على الجامعة خلي السنة دي تخلص وأشوف أنا كمان حالي. مالك: كويس أوي وانت يا أحمد تخلص محاضرات وتيجي على الشركة هنشوف لك شغل فيها مهو أكيد مش هتسيب مالك وتشتغل في مال الغريب. أحمد: تمام أنا أصلاً كنت ناوي أعمل كده. بعدها كلهم مشيوا. مالك: بابا أنا عايزة أروح لنور. باسل باستغراب: ليه تشوفيها يعني؟

ملك: لا هقعد معاها كام يوم وأنا أصلاً امتحاناتي قربت عشان أعرف إذاكر. باسل: بس انتي عارفة إن مالك كده هيزعل. ملك: وأنا مش عايزة أزعله بس فعلاً أنا محتاجة لده. نور: أيوه طيب يلي بتخبط؛؛ يوه انت بتخبط كده ليه ده انت يومك مش معدي في إيه يا... مالك: إيه مستغربة ليه كده اقفلي بوقك ده وتعالى نتكلم وقفيلي الباب. نور: خد هنا ياض تدخل فين أنا عايشة لوحدي ودي اسمها خلوة يا عسل.

مالك بإحراج: سيبي الباب مفتوح وتعالى أنا مش هطول يا نور. نور: احم اتكلم. مالك: ليه يا نور؟ نور: ليه إيه بالظبط؟ مالك بعصبية: نور انتي فاهمه كويس إيه اللي دخلك حياتي وأنا بالذات؟ ليه حاولتِ تقربي؟ وبعد ما أنا اتقبلتك واتقبلت وجودك وحبيتك؛ آه حبيتك يا نور من أول ما قعدتي جمبي وسألتيني مالي وبعدها لقيتك في بيتي؛ أيوه انصدمت بس فرحت إني هشوفك؛ يبقى ليه تخبي عني؟

نور: أنا عارفة إني كذبت بس ما أظنش إن اللي عملته يستاهل إنك تنفعل أوي للدرجة دي. مالك قام ومسك إيدها بعصبية: وإياد يا نور إيه نظامه في حياتي ها؟