رواية احببت تلك المشاكسة الفصل التاسع عشر 19 - بقلم رحمة محمد

سيف: يا شيخة ادخلي بقى، طلعتي عين أمي. زينة: أنت ياض براحة، وجايبني بيتك ليه ها؟ لا يا حبيبي أنت فاكرني منهم، لا انسى اوعى. سيف: بس بس بس، إيه كل ده؟ نور: إيه ده يا سيف؟ مين دي وبتتكلم معاك كده ليه؟ زينة: بقى يا واطي يبقى في حد متجوز العسلية دي ويبص برا؟ تصدق يا أخي إنك مش بتفهم. أحمد: هههههه مين البت اللي بتفهم دي؟ سيف: دي زينة، موظفة في الشركة، بتعمل إيه هنا؟ أهو تقدروا تقولوا واخدها رهينة، تخليص حق أي حاجة.

زينة: ليه يا خويا أنت فاكر إني ماليش أهل ولا إيه؟ مالك: زينة أنتِ بتعملي إيه هنا؟ وأنت مالك بيها يا سيف أصلاً؟ زينة ببكاء مصطنع: شوفت يا مستر مالك، أخوك اللي شبه جون سينا ده جابني هنا بالعافية ومش عارفة ليه، عشان يعني غلبانة ومسكينة يعمل فيا كده. مالك: هههههه مين دي؟ اطلعي منهم أنا أكتر واحد عارفك. نور: والبه اللي بيضحكوا قوي كده ها؟ زينة: الله أكبر دي غيرانة، هي دي مرات حضرتك مش مرات المتخلف اللي هناك مش كده؟

نور: لا وبتتكلم معاك بصوت واطي، ده أنت يومك مش معدي يا مالك. مالك: ليه بس يا قلب مالك أنتِ؟ يعني المفروض إنك عارفة أو على الأقل حاسة إن مفيش حد في قلب مالك غيرك أنتِ، أنتِ اللي عرف قلبك إنه يحب وإن لازم يكون ليه ونيس في حياته. نور: بجد يا مالك؟ ده يخرب بيت حلاوتك يا شيخ. مالك: هههههه طيب كده أفهم إيه أنا؟ نادية: تفهم إنها خلصت وتبقوا تتقابلوا في الجنة إن شاء الله. ملك: اعااااااا أنت مين؟

إياد: هش ش ش، اهدي اهدي يا ملك أنا إياد. ملك: إياد وعايز مني إيه تاني بقى؟ لسه في حاجة محتاج تضحك عليا فيها؟ إياد: ملك أنا عارف إنك مش من المفروض تصدقيني ولا حتى تقبلي إنك تتكلمي معايا بس أنا بحبك، وقبل ما تتكلمي أنا مش مستني أي حاجة، لكن بس عايز أساعدك أنتِ وعيلتك مش أكتر. ملك: تساعدنا في إيه مش فاهمة؟

إياد: أم مالك عندكم في البيت وناوية على موتهم كلهم، وأنا الوحيد اللي ممكن يوقف الحكاية دي، وإذا كنتِ هتسألي ليه فاعتبري إني عايز أكفّر عن غلطي وعشان بحبك يا ملك وكل ده كان غصب عني، فعلشان خاطر ربنا اديني فرصة أرجوكي. ملك: طيب هنعمل إيه؟ إياد: أنا اللي هعمل بس، وكل اللي عليكي إنك تروحي لجدك في العنوان ده.