رواية احببت تلك المشاكسة الفصل الثامن عشر 18 - بقلم رحمة محمد

صباح الخير يا رقيه، مستر مالك موجود؟ رقيه: لا، مستر سيف هو اللي في المكتب حالياً. رشاد (في سره) : لا، ده حلو أوي كده، وهي لسه متخانقة معاه، ادخل وأنا اللي هصدق. طيب، أنا داخل. حاولت رقيه تمنعه، بس هو زق زينة قدامه ودخل. سيف: إيه الطريقة دي؟ أنت فاكر نفسك فين؟ اااه، أنتي تاني؟ أنا بقول قلة الذوق دي منين.

رشاد: وقلة أدب كمان يا بشمهندس. البنت دي فعلاً متنفعش تفضل في الشركة دقيقة واحدة، بسبب عمايلها في الشركة دي، بتتقرب من أي واحد ممكن يخدمها وتعرض نفسها عليه. بس أنا لما عملت معايا كدا، أنا مسكتش، وكان لازم الإدارة تعرف، لأن الشركة برضه ليها كيانها وسمعتها. زينة: 🤨🤨 شوف إزاي يا أخي؟ حسبي الله ونعم الوكيل فيك. رشاد: آخرسي يا بنت ****. ورفع إيده علشان يضربها، بس كان سيف الأسرع ونزل فيه ضرب. سيف: بقى هي اللي ****؟

أنت فاكرني بصدق واحد زيك ليه؟ مش عارف اللي فيها. رشاد (بتعب وهو بيحاول يخرج من المكتب بسرعة) : آه، قول كدا. شكلها عجبتك. وخرج بسرعة. زينة: 🤨🤨🤨 أيوا، يعني أنا مفهمتش، اترفت ولا إيه نظامي؟ *** نور: مالك؟ أنت من أمتى بتعلي صوتك عليا؟ وكمان دي حاجة علشانك أنت وعمي وإخواتك. مالك: لا، أعلى صوتي وأعمل أكتر من كده يا هانم، والموضوع ده ميتفتحش تاني، ده لو كنتي حابة جوازنا يكمل يا نور. نور: أنت بتهددني ليه؟

كل ده عشان عملت على مصلحتك؟ وأنا فعلاً المفروض مدخلش، بس دي أمك، وربنا وصاك بيها مهما حصل. مالك (بصوت عالي) : هههههه، أمي؟ قال أمي؟ قال. الست اللي رمتني في مدرسة داخلية من وأنا 7 سنين. طيب، على الأقل باسل بيه كان بيدفع المصاريف ويسأل عني أحياناً، إنما هي؟ فأنا مشوفتهاش من زمان، من زمان أوي. عارفة يعني إيه طفل كان متعلق بأمه لدرجة إنه ميعرفش ينام غير لما يشوفها؟

وفجأة يلاقي إن كل ده اختفى، وإنه خلاص مبقاش عنده أم، وهي عايشة؟ نسيتني؟ وكمان بتسعى تفرق بيني وبين إخواتي؟ بعد ما خلاص قولت ربنا بيعوضني، ترجع هي وعايزة تخليني أفضل وحيد من تاني؟ وتقولي أمي؟ اسكتي يا نور، اسكتي. وسابهم وطلع. باسل (بدموع) : أنا السبب، أنا السبب. يا بني سامحني.