رواية احببت زوجة ابي الفصل العشرون 20 - بقلم علياء خليل

صقر: انتي الدورة الشهرية آخر مرة جت امتى؟ ورد وشها احمر من الاحراج وفهمت مقصده من السؤال. صقر: اقصد اتاخرت. ورد هزت راسها باحراج: أيوه. صقر: ورد انتي ممكن تكوني حامل. ورد: انت بتقول ايه؟ اكيد لااااا. صقر بصرامة: البسي عشان نتأكد. ورد بدموع: يا صقر والله العظيم فارس ما... صقر بمقاطعة: اششششش مش عايز اسمع نقاش، يلا البسي. وتاني مرة لو سمعتك بتدافعي عنه هتبقى بزعلة يا ورد. ورد لبست وهي بتدعي ربنا يخرجها من كل ده.

صقر كان نفسه الزمن يوقف، مش عايز يعرف اللي جاي، مش عايز يتصدم أكتر، ولكن بيبين عكس ده وبيحاول يبان طبيعي. وأخد صقر ورد وجم يخرجوا. داليا: على فين العزم أن شاء الله؟ صقر: رايحين للدكتورة. داليا بارتباك: دكتورة ليه؟ حصل ايه؟ صقر: وانتِ مالك؟ وخرجوا. أول ما خرجوا، داليا اتصلت بفارس. عند صقر وورد، فضلوا مستنيين دورهم في العيادة، وكل دقيقة بتمر ببطء. دخلت ورد مع صقر. الدكتورة: حمل ايه يا أستاذ صقر؟ دي عذراء. صقر: أيه؟

انتي متأكدة؟ الدكتورة: أيوة يا أستاذ صقر، ده واضح زي الشمس. ورد وصقر بصوا لبعض بمزيج من الفرحة واللغبطة، واللي هو طب إزاي؟ صقر أخد ورد وفضلوا يتمشوا في الشارع. صقر وورد في نفس الوقت: إزاي؟ صقر: داليا اللي جابت الزفتة الدكتورة. ورد: تقصد إن داليا... صقر بمقاطعة: أيوة، أنا أعرفها أكتر منك، ودي ممكن تعمل أي حاجة. متشغليش بالك بأي حاجة، المهم إنك بخير يا وردتي. ورد: صقر أنا مبسوطة.

لما روحوا البيت، كانت داليا مش موجودة واختفت من البيت. صقر: خليكي في البيت وأنا هشوف هتصرف إزاي. ورد: خلي بالك من نفسك. صقر: وأنتي كمان. نزل صقر، ومفيش دقايق والباب خبط. ورد افتكرت صقر نسي حاجة، فتحت الباب وجدت... ورد: فااااااارس. فارس قفل الباب. فارس: محتاج نتكلم. ورد: نتكلم في ايه؟ اطلع بره. فارس: اسمعيني بس. ورد: برررررررررره يا فارس، وأحمد ربنا إن صقر مش هنا.

فارس: فارس مفيش وقت، لازم أفهمك. واتصلي حالا بصقر، امنعيه يروح لداليا. أنا هفهمك كل حاجة بس مفيش وقت. ورد: أفهم الأول في ايه؟ فارس: داليا ناوية تلبس صقر جريمة قتل وتخلص منه. ورد: انت بتقول ايه؟ فارس: صدقيني، أنا كنت لسه ماشي من عندها وهي ناوية على كده وتمضيه على أملاكه. ورد: انت بتقول ايه؟ أكيد مش هصدقك يا فارس. وبعدين انت تعرف داليا منين؟ وليه داليا ممكن تعمل كده؟ فارس: بقولك مفيش وقت، اتصلي بصقر.

ورد اتصلت وكان موبايله مقفول. فارس: استني هنا وأنا هدخل. ورد: لاااا أنا خايفة على صقر. وطلعت بسرعة. فارس: استنى طيب. وفارس طلع على السلم، وورد كانت دخلت بعد ما لقت الباب مفتوح، وهو كمان حصلها ودخل. فجأة صوت عيار ناري اخترق جسد أحدهم، وكانت صرخة ورد آخر شيء مسموع بعد ضرب النار.