رواية احببت زوجة ابي الفصل التاسع عشر 19 - بقلم علياء خليل

صقر: كفاية كده، وكل واحد يروح لحاله. داليا: نعَم، واللي في بطني يا صقر؟ نسيت؟ كانت ورد تسمع ذلك. صقر بحذر: اششششش، وطّي صوتك بقولك. داليا: مش هوطّي صوتي، وانت لازم تطلق ورد. ياما انت عارف. صقر بقلق: حاضر. صقر بصوت واطي: ممكن نتكلم في أوضتنا؟ داليا بصت بتكبر: أما نشوف. خرجوا، وكانت ورد مش مصدقة، وإزاي صقر بيطيع داليا كده. فضلت في أوضتها تعيط على كل حاجة بتحصل لها، لحد ما نامت.

فضلت ورد يومين مش بتخرج من أوضتها، وكل ما صقر يدخل يكلمها تصرخ وترفض تكلمه. فات أسبوعين وهما على ذلك الحال، وورد مش راضية تكلم صقر، وصقر بدأ يبان عليه الزعل والهم. في ليلة، وصقر بيدخل العشاء لورد. ورد تخرج عن صمتها: ليه كنت بتخونيني مع داليا يا صقر؟ لييييه؟ أنا كنت واثقة فيك، ليه تعمل فيا كده؟ ده انت متأكد إني بحبك يا صقر؟ صقر: وأنا والله بحبك يا ورد، وهفهمك كل حاجة.

ورد: اللي يحب حد مش هيعمل فيه كده. اللي يحب حد مش هيشوف غيره. اللي يحب حد مش بسهولة يستغنى عنه. وانت بسم الله ما شاء الله يا صقر، عملت كل حاجة تخليني أكره نفسي. صقر: والله العظيم هفهمك كل حاجة. وكنت عايز أقولك من البداية، بس اللي حصل معاكي لخبطني، ومكنتش عايز أقولك وأنتِ في الحالة دي. ورد: فهمني ليه عملت كده، يمكن أعذرك، بس صعب أسمحك.

صقر: في يوم كنا متخانقين، روحت لداليا وشربنا كتير، ومكنتش أعرف إنها بتصورني وأنا معاها، وأنا بحاول أسيطر عليها لحد ما أعرف أخلص منها من غير ما تعمل شوشرة لاسمى وشغلي اللي فضلت أبني فيهم. ورد بصتله بخذلان وحزن. صقر: يا ورد افهميني، أنا فعلاً غلطت، بس أنا مكنتش في وعي. وكلنا بنغلط، وأنتِ كمان غلطي وسامحتك. ورد: أنا… صقر: أيوه، كنتِ بتسمحي لفارس بمساحة في حياتك، وأنتِ عارفة إني بغار عليكي.

ورد: أنا لو كنت بدي مساحة لفارس، فده علشان ابن خالتي، وكان كلامي معاه في حدود كده. صقر: ورد، أنا عايزك جنبي ونفتح صفحة جديدة. ورد: مبقاش ينفع يا صقر. انت كسرتني، سواء بفعلِك زمان أو كلامك دلوقتي. صقر: اديني فرصة واحدة. وأنتِ كمان قدري شعوري شوية. زي ما أنتِ بتحبي تحسي إنك غالية عليا، أنا كمان ببقى عايز أحس بكده. ورد سكتت وحاسة إنها متلخبطة ومش عارفة تسامح صقر ولا لأ.

صقر: ورد، هو أنا عايز أسألك سؤال بس، تجاوبيني بصراحة. ورد: إيه هو؟ صقر: أنتِ الدورة الشهرية آخر مرة جت امتى؟ ورد وشها احمر من الإحراج، وفهمت مقصده من السؤال. صقر: أقصد اتأخرت. ورد هزت راسها بإحراج، أنه أيوة. صقر: ورد، أنتِ ممكن تكوني حامل. ورد: انت بتقول إيه؟ أكيد لااااا.