رواية أحببت زوجي الفصل الثاني 2 - بقلم رحمة سامي

زينه أول ما فتحت اتصدمت لما شافت بنت لابسة لبس عريان خالص. زينه: خير، حضرتك عايزة مين؟ سوزي: إيه الأشكال الزبالة دي؟ أوعي كدا من وشي، فين فؤاد؟ زينه: يا آنسة استني، مينفعش كدا خالص. سوزي: فؤاد يا بيبي، أنت فين؟ فؤاد: سوزي، تعالي يا حبيبي. معلش، كنت نايم. سوزي وهى بتحضنه: وحشتني أوي يا بيبي. ينفع البتّاعة دي ما كنتش عايزة تدخلني؟ فؤاد: معلش يا روحي، هي بس عشان جديدة هنا.

سوزي: الخدم بقوا وحشين أوي الأيام دي. يلا يا بت، روحي اعملي ليا نسكافيه. فؤاد اضايق من جوه، ميعرفش ليه: سوزي، مينفعش كدا. زينه مش خدامة، زينه تبقي.... وقبل ما يكمل، اتكلمت زينه: لا، هي عندها حق يا فؤاد. حاضر يا آنسة، دقيقة والنسكافيه يكون عندك. سوزي: أوكي، تعال يا فؤاد ندخل الأوضة، عايزة في موضوع مهم جدا. فؤاد: ادخلي، وأنا هاجي وراكي يا سوزي. زينه كانت بتعيط في المطبخ. دخل فؤاد عليها. فؤاد: زينه، انتي كويسة؟

أنا آسف على اللي حصل بره ده. زينه: مفيش حاجة يا أستاذ فؤاد. تحب أعملك انت كمان نسكافيه؟ فؤاد: زينه، انتي ست البيت هنا، مش خدامة. صدقيني. زينه وهي بتضحك: هتفرق في إيه ولا إيه؟ حاجة هي دي مكانتي هنا لحد ما أمشي، وأنا راضية بيها. فؤاد اتعصب: انتي عنيدة ليه؟ سيبي اللي في إيدك ده وروحي أوضتك. اللي عايز حاجة يعملها بنفسه. زينه: النسكافيه خلاص اتعمل، على فكرة. مش حوار. جت سوزي: هو في إيه؟ كل ده عشان شوية نسكافيه؟

انتي مش عارفة تشوفي شغلك؟ فؤاد: سوزي، كفاية لو سمحتي، مينفعش كدا. سوزي جت تاخد النسكافيه وهي متغاظة إن فؤاد زعقلها عشان زينه، راحت موقعه النسكافيه على إيدها. سوزي: معلش يا حبيبتي، هي وقعت غصب عني. فؤاد أول ما شاف كدا اتعصب أوي. فؤاد: إيه اللي عملتيه دا؟ اتفضلي اطلعي بره البيت ده. سوزي بصدمة: أنت بتطردني عشان خاطر الخدامة دي؟ فؤاد بزعيق: دي مش خدامة، دي تبقي مراتي، فاهمة ولا لأ؟ يلا اطلعي بره، مش عايز أشوف وشك تاني.

سوزي: ماشي يا فؤاد، والله لتندم على اللي عملته ده. مشت سوزي. فؤاد مسك إيد زينه وقعد على الكرسي وبدأ يحط مرهم. وزينه بتبصله. فؤاد استغرب: في إيه؟ انتي بتبصي ليا كدا ليه؟ زينه: عشان دي أول مرة حد يدافع عني فيها. فؤاد باستغراب: دا بجد؟ طب ما مامتك دايما في ضهرك؟ زينه: أنا بتكلم عن شخص غريب. شكرا يا فؤاد. فؤاد: طب إيه؟ مش هتعملي فطار؟ أنا جعان أوي. زينه بابتسامة: حاضر، ثواني والفطار يكون جاهز.

فؤاد: ودا إزاي وإنتي إيدك كدا؟ استني، أنا هساعدك. زينه بفرحة: بجد هتساعدني يا فؤاد؟ فؤاد: أيوه طبعاً، دا أنا شيف قديم أوي. يلا بينا. في البلد. العم: ها يا صفية، برضو مش هتقولي بنتك فين؟ صفية: قولتلك مش هقول، ريح نفسك بقي وسيب بنتي في حالها. أنت عايز منها إيه؟ العم: بنتك لازم تموت، دي واحدة فاجرة، لازم نخلص من عارها. صفية: وليه دا كله؟ هو اللي طلع زبالة ليه تحاسب بنتي وتسيبه هو؟

العم: هي دي عوايدنا. أي هتعملي متعرفهاش. صفية: أبوس إيدك، سيب بنتي في حالها يا عباس، وأنا هعملك كل اللي انت عايزه. العم بخبث: وأنا موافق، بس بشرط. صفية بفرحة: قولي، أنا موافقة والله. قول. العم: تتجوزيني يا صفية. قولتي إيه؟ لسة موافقة؟ صفية بصدمة: أنت بتقول إيه يا عباس؟ اتجوزك كيف يعني؟ العم عباس: هو ده شرطي. فكري كويس، ومستني ردك. في النادي. وصلت سوزي وهي متعصبة أوي. قابلها جون. جون: مالك يا سوزي؟ في إيه؟

متعصبة كدا ليه؟ وفين فؤاد؟ سوزي: فؤاد خلاص مبقاش موجود. معرفش حصله إيه، ومين البنت اللي معاه دي؟ جون: بنت مين؟ إيه هو فؤاد باعك وشاف جو جديد؟ سوزي: جون، أنا مش ناقصاك. لازم أعرف حكاية البت دي. جون: طب اهدي، وأنا هجبلك كل اللي عايزاه يا حلوة. سوزي: ياريت، ولك الحلاوة. في البيت عند زينه وفؤاد. فؤاد: شوفتي إني شيف عسل؟ زينه: آآه جداً. تسلم إيدك والله. أول مرة آكل حاجة بالطعامة دي فعلاً.

فؤاد: بالف هنا على قلبك. بس ممكن أسألك سؤال؟ زينه: أكيد، اتفضل اسأل. فؤاد: انتي اتطلقتي ليه يا زينه؟ وإيه اللي حصل؟ بقيت حابب أعرف. وقبل ما زينه تتكلم، الباب خبط. وفؤاد قام يشوف مين. وكانت الصدمة لزينه.