رواية احببت زين الصعيد الفصل الخامس والثلاثون 35 - بقلم ذات الخمار

ياسين وقف استناها لحد ما وصلت. أول ما نزلت لقاها لابسة هدوم ضيقة، قرب منها بغضب. ياسين بغضب: -إيه اللي إنتي لبستيه ده؟ سلمي بصت على هدومها: -لابسة إيه؟ منا لابسة دريس أهوه. ياسين بغضب: -الدريس ضيق يا هانم، اركبي هنروح. سلمي: -ياسين بالله عليك اطلع اطمن عليها بس. ياسين: -والناس تبص عليكي، بقولك اركبي! قال آخر كلامه بزعيق. سلمي ركبت بخوف وهو ساق بسرعة. ياسين بزعيق جامد: -إنتي إزاي تطلعي كده إزاي؟ سلمي بعياط:

-والله الدريس مش ضيق والله. ياسين: -ششش اخرسي، أنا هعرف أربيكي كويس على عمايلك وقلة سمعانك الكلام. عند زين باستغراب: -هو ياسين اتأخر كده ليه؟ رن عليه يا يزن كده. يزن رن عليه وهو رد: -الوو يا بني إنتو فين؟ ياسين: -احنا مروحين هجيب حاجة وأرجع. يزن: -مراتك معاك يعني؟ ياسين بص بغضب على سلمي: -أيوا معايا. يزن: -طيب بيقولك بابا متتأخروش. وقفل. فرح بدأت تفوق وكلهم راحوا حواليها. زين: -ألف سلامة عليكي يا قلب أبوكي. فرح

(الصغيرة) بتعب: -الله يسلمك يا بابا. فرح: -كده تخضيني عليكي. فرح (الصغيرة) -أنا أقدر يا ست الكل. يزن: -إنتي كويسة يا حبيبي، هنادي الدكتورة وأجي. وطلع راح لمكتب يمنى، خبط ودخل لقاها حاطة إيديها على دماغها. يزن: -أحم لو سمحتي يا دكتورة. يمنى بابتسامة: -نعم اتفضل. يزن: -فرح فاقت، ممكن تيجي تشوفيها؟ يمنى: -حاضر هغسل وشي وأجي. يزن: -تمام. وطلع. بعد شوية يمنى راحت لفرح وخبطت. يمنى بابتسامة: -هااا يا جميلة عاملة إيه؟ فرح:

-الحمدلله يا دكتورة كويسة. يمنى: -حاسة بأي وجع؟ فرح: -وجع بسيط. يمنى: -طيب هكتبلك على أدوية تاخديها في معادها. فرح (الكبيرة) بسرعة: -ممكن تبقي تيجي تشوفيها في البيت يا دكتورة تكشفي عليها يعني؟ يمنى: -أه طبعا يا طنط. فرح: -تسلميلي يا حبيبتي. زين بص لها بطرف عينه وهي ضحكت لأنه فهمها. يمنى: -تقدر تطلع عادي بس أهم حاجة ترتاح الفترة دي. زين: -طبعا متشكرين أوي يا دكتورة. يمنى: -العفو حضرتك، عن إذنكم.

عند ياسين وسلمي دخلوا البيت وطلعوا فوق. ياسين قرب مسكها من شعرها: -أقسم بالله ما تحصل تاني، لازم أوريكي أسود أيام حياتك. سلمي بصتله: -أسود من كده يا ياسين؟ ياسين ساب شعرها: -أيوا أسود من كده. وسابها ونزل. زين رن عليه: -إيه يا ياسين متجوش بقا احنا جايين. ياسين: -تمام يا بابا احنا مستنينكم. بعد شوية كانوا وصلوا. سلمي: -ألف سلامة يا فروحة. فرح: -الله يسلمك يا سلومة. سلمي: -ماما هقوم أعملها أكل، خليكي جنبها. فرح بحنان:

-ربنا يخليكي ليا يارب. سلمي بابتسامة حزن: -ويخليكي لينا يا ماما. وطلعت عملت الأكل وجابته لفرح. وحطت أكل للباقي وكلوا وكل واحد طلع على أوضته. سلمي دخلت لقت ياسين قاعد على اللاب توب، بصتله ودخلت الحمام وطلعت نامت من غير ولا كلمة وهو خلص وراح نام. الصبح. سلمي قامت دخلت الحمام وطلعت لمت هدومها ومشت. بعد شوية ياسين صحي ملقاهاش جنبه ولا لقى هدومه، نزل يشوفها تحت لقى كله صاحي. ياسين: -ماما فين سلمي؟ فرح باستغراب:

-هي منزلتش لحد دلوقتي؟ ياسين: -منزلتش، هي مش عندي فوق. فرح: -طيب ممكن تكون بره، اطلع يا أدهم شوفها. كلهم دوروا عليها في البيت، مكنتش موجودة. ياسين بغضب: -وديني لأربيها. فرح: -اهدي بس، زين رن على ريم كده أكيد راحت هناك. زين رن على ريم: -الوو. ريم: -الوو يا زين. زين: -حبيبتي هي سلمي جاتلك؟ ريم بتهدئة: -أيوا جاتلي يا زين. زين: -ماشي يا حبيبتي شوية وأنا جاي. وقفل. زين بتنهيدة: -هي هناك يا فرح. ياسين طلع.

بعد شوية لقوه لابس ونازل. زين بينده عليه: -ياسين ياسين استغفر الله العظيم. أدهم يزن: -تعالي بسرعة. وكلهم راحوا وراه. ياسين سايق بأقصى سرعة: -والله لأخلي أيامك سودة يا بت مصطفى. بس اهدي وصل هناك ونزل وزين نزل وراه بسرعة. ياسين دخل بزعيق: -سلمي! ريم نزلت: -تعالي يا ياسين. ياسين: -عايز سلمي يا عمتو. ريم بهدوء: -ياسين سلمي عاوزة تطلق، لما مصطفى ييجي هنمشي في الإجراءات. ياسين بغضب: -وأنا مستحيل أطلقها. زين:

-ياسين اتكلم بأدب واتفضل قدامي على البيت. ياسين سابهم وطلع بغضب. زين: -حقك عليا أنا والله معرفتش أربيه. ريم حضنته: -دا ابني يا زين مفيش حاجة، روح وراه بس. زين: -ماشي يا حبيبتي. وطلع. فوق عند سلمي. ريم: -يا حبيبتي بطلي عياط بقا ونامي شوية. سلمي نامت في حضنها ودموعها بتنزل. زين روح وملقاش ياسين، بيرنوا عليه تليفونه مقفول. فرح بقلق: -هيكون حصل إيه؟ زين: -هو مش صغير متقلقيش عليه. فرح: -ربنا يستر. بالليل.

سلمي فتحت عينيها لقت..