رواية احببت زين الصعيد الفصل الرابع والثلاثون 34 - بقلم ذات الخمار

ياسين بغضب: و انا مش هطلقها يا بابا. زين بتنهدة: يبقى تريح قلبي و تقولي بتعاملها كده ليه انا عارف انك بتحبها. ياسين: تمام يا بابا انا هحكيلك. بدأ يحكي. فلاش باك. ياسين قاعد على اللاب توب بتاعه بيخلص آخر شغل علشان ينزل. لقى حد بعتله صور لسلمى و اسكرينات و محادثات ليهم سوا. و كانت صور مش كويسة. عودة للحاضر. ياسين بتنهدة: و عرفت مين صاحب الرقم. لما نزلت و ابتديت أراقبها و فعلا لقيتهم واقفين سوا مرة. زين:

انت بتقول ايه انت اتجننت. سلمى دي بنتى مش بنت أختى انا اللى مربيها. ياسين: والله دي الحقيقة يا بابا. زين: تمام يا ياسين اطلع ليها. ياسين بإحراج: أهم بابا انا آسف على طريقتى معاك انت و ماما. بس انتو مش حاسين النار اللى فى قلبى. انا مش بحبها والله انا بعشقها بس مش قادر يا بابا مش قادر. زين قرب منه: مش زعلان بس أمك مش هتتصالح بسهولة. و حاسس بيك والله بس عايز الرقم اللى اتبعت منه الصور. ياسين: هتعمل ايه؟ زين:

هتأكد يا حبيبى علشان سلمى استحالة تعمل كده. ياسين بهدوء: تمام يا بابا هبعتهولك و هطلع انا علشان تعبان تصبح على خير. زين: و انت من أهل الخير. ياسين طلع و فتح الباب. لقى سلمى صاحية لسه. ياسين: منمتيش ليه؟ سلمى: مستناك لما تيجى يمكن تحتاج حاجة. ياسين: لا نامى. و سابها و دخل الحمام. و هى عيونها دمعت بحزن. خلص و طلع لقاها نامت. راح نام جنبها و بصّلها. ياسين فى نفسه: لو طلع ملكيش ذنب هحرق الدنيا.

بس لو طلع الموضوع حقيقى والله أموتك يا سلمى و ملعون أبو قلبى وقتها. و فضل يفكر لحد ما النوم غلبه. الصبح. فرح نايمة فى حضن زين. فرح: زين. زين كان سرحان بيفكر فى موضوع سلمى. فرح فضلت تنادى عليه. فرح: زيييين. زين: نعم. فرح: انا بقالى ساعة بكلمك و انت ولا هنا. زين: معلش يا حبيبى سرحت شوية مالك؟ فرح: مفيش حاجة انا قايمة. زين شدها لحضنه: استنى بس والله كنت سرحان مخدتش بالى قوليلى مالك. فرح بتنهدة: انت كلمت ياسين امبارح؟

زين: أه. فرح: و قالك ايه؟ زين: مقالش حاجة كالعادة متشغليش بالك الحلوة دى بس و انا هحل كل حاجة. فرح: طيب هقوم و يلا ادخل خد دش. و قامت طلعت بره. عند سلمى و ياسين. سلمى صحت بصت على ياسين بحزن و قامت حضرت هدومه و نزلت. و هو كان صاحى خلص و نزل لقى فرح قاعدة. ياسين قرب منها و قعد قدامها و هى دورت وشها. ياسين باس إيديها: حقك على قلبى والله يا ست الكل مكنش قصدى أزعلك انتى و بابا. فرح لسه هتشد إيديها ياسين مسكها. ياسين:

خلاص بقا آسف والله و آسف علشان علّيت صوتى مش هتتكرر تانى. و بعدين سامحينى بقا منظرى وحش قدام العيال اللى نازلين دول دا انا الكبير. فرح: تمام. ياسين: لا تمام دى يبقى زعلانة برضو. طيب قوليلى أصالحك ازاي؟ فرح: تعامل سلمى كويس. ياسين بتنهدة: حاضر يا ماما. أخواته نزلو إلا فرح و سلمى حضرت الأكل. أدهم: ماما فين فرح؟ فرح باستغراب: مش عارفة والله أول مرة تتأخر كده. يزن: هقوم أشوفها يا ماما. قام و راح خبط و هى قالتله يدخل.

دخل لقاها بتعيط جامد جرى عليها. يزن بحدة: مالك فى ايه؟ فرح بعياط: جنبى بيوجعنى أوى مش قادرة. يزن: طيب اهدى اهدى هنادى ماما تلبسك و ننزل للدكتورة بسرعة. و طلع جرى ينده أمه. يزن: ماما فرح تعبانة أوى تعالى ساعديها تلبس. كلهم قاموا بسرعة على أوضتها. زين بحدة: مالك؟ فرح: مش قادرة يا بابا. زين: اهدى سلمى لبسىها بسرعة. سلمى طلعت هدومها و جريت تلبسها. خلصت و يزن شالها و راحوا المستشفى بسرعة.

فى المستشفى الدكتورة دخلت تكشف عليها و طلعت بسرعة. الدكتورة: لازم تعمل عملية الضرّية فورا. زين: طيب يا دكتورة اعمليها. فرح مسكت إيديها: هتكون خفيفة عليها صح؟ الدكتورة طبطبت على إيديها: هتكون كويسة والله يا طنط متقلقيش. و دخلت العمليات. سلمى رنت على ياسين كذا مرة و هو بيكنسل عليها. زين: مين بيرن؟ ياسين: سلمى. زين بحدة: روح رد عليها علشان زمانها قاعدة قلقانة. ياسين: حاضر. و طلع بره يكلمها. سلمى بتوتر: الوو. ياسين:

عايزة ايه؟ سلمى بحزن من طريقته: فرح بقت كويسة؟ ياسين: فى العمليات لسه مطلعتش. سلمى بحدة: ليه عمليات ليه؟ ياسين: هتعمل الضرّية. سلمى بتوتر و خوف: طيب ممكن أجى؟ ياسين ببرود: لا. سلمى بحزن: لو سمحت علشان أكون مرات خالو. ياسين بزعيق: و انا قولت لا. زين من وراه: قولت لا على ايه و بتزعق كده ليه؟ ياسين: مفيش يا بابا. زين: هات أكلم سلمى. و خد منه التليفون. زين: مالك يا حبيبتى عايزة ايه؟ سلمى بخوف:

كنت بقوله يا خالو أجى علشان أكون مع ماما بس مرضاش. زين بحنان: البسى و هبعتلك السواق يا حبيبتى. سلمى بفرحة: بجد يا خالو؟ زين: أيوا يلا بسرعة. سلمى: طيب يا خالو ادينى ياسين. زين فتح السبيكر و ادى ياسين التليفون. سلمى بخوف: أجى يا ياسين؟ زين بصّله بمعنى أيوا. ياسين: تمام تعالى. و قفل و وجه كلامه لزين. ياسين: بابا لو سمحت انا مش هعرف أمشى كلامى عليها كده. زين: هى جاية علشان خاطر أمك و أختك اتعامل بقا بأسلوب أحسن من كده.

ياسين بحدة: لما أعرف الحقيقة يا بابا. زين: تمام قريب أوى. و سابه و مشى. بعد شوية الدكتورة طلعت و كلهم جريوا عليها. زين: ايه يا دكتورة هى كويسة؟ الدكتورة (يمنى) هى كويسة والله الحمدلله و شوية و هتتنقل أوضة عادية. فرح بابتسامة: شكرا. الدكتورة: العفو انا معملتش حاجة عن إذنكم. زين: اطلع هات سلمى من تحت يا ياسين. ياسين قام: حاضر. و نزل. وقف استناها لحد ما وصلت. أول ما نزلت لقاها…