رواية احببت زين الصعيد الفصل التاسع والثلاثون 39 - بقلم ذات الخمار

فرح: مالك يا حبيبي مين كان بيكلمك زين: أنتي عارفة مين بعت الصور لياسين فرح: مين زين: ماجد السيوفي فرح باستغراب: مش ده الدكتور بتاعها صح هو بيعمل كده ليه زين بتنهيده: علشان ماجد ده ابن رضوي يا فرح فرح بصدمة: إيه زين: أنا هكلم حمزه ييجي ونحلها ونخلص من الموضوع ده مينفعش نسكت عليه فرح بخوف: زين عيالي زين حضنها: متقلقيش إن شاء الله خير عند ياسين وسلمى ياسين: أنا صالحت عمتو وعمو مصطفى أهوه خلاص بقى المسامح كريم

سلمى ببرود: أنا رايحة أنام تصبحي على خير ياسين مسك إيديها: سلمى خلاص بقى أنتي عاقبتيني بما فيه الكفاية سلمى: وأنا مش قادرة أسامحك يا ياسين ياسين ساب إيديها: تمام يا سلمى وأنا هكلم بابا ونطلق بكرة سلمى بصتله بصدمة: أنت بتقول إيه ياسين: أظن ده اللي أنتي عايزاه وسابها ونزل زين شافه وراح قعد معاه زين: إيه مصحيك لحد دلوقتي أخواتك كلهم ناموا ولا سلمى كرشتك

ياسين: والله يا بابا بتعيط في نفس الموضوع وأنا حلفتلها كام مرة إنه غصب عني ولو هي مكاني كانت هتعمل أكتر من كده زين: هي عمرها ما تشك فيك متنكرش إنك غلطان ياسين بتنهيدة: المهم عرفت مين صاحب الرقم زين بصله وسكت ياسين بصله بشك: بابا مين صاحب الرقم زين بتنهيدة: ماجد ياسين بتركيز: دكتور ماجد اللي بيدرسلها زين: أيوة هو ياسين قام وقف: دا يوم اللي خلفوه أسود زين مسكه بسرعة: اهدى بس أنا هفهمك ياسين: تفهمني إيه سيبني يا بابا

زين: اقعد هفهمك وحكاله عن رضوى من زمان وعمايلها ياسين: طيب وهنعمل إيه زين: هنوقعها هي وابنها بس الصبر المهم أطلع صالح مراتك كفاية خصام ياسين: حاضر يا بابا طلع فوق لقاها قاعدة في ركن وبتعيط قرب منها شالها وحطها على السرير ياسين: بتعيطي ليه مش أنتي اللي كل شوية نطلق نتطلق سلمى بصتله وسكتت ياسين: ردي سلمى بعياط: يعني عايز تعمل فيا ده كله وأسامحك عادي أنت معملتش فيا قليل أنت هنتني جامد أوي وذلتني قدامهم كلهم

ياسين حضنها جامد: طيب اهدي حقك على قلبي أنا أتأسفتلك كتير أوي والله غصب عني وهعرف اللي عمل كده التمن غالي سلمى بعياط: أنت بقيت قاسي عليّا بعد ما كنت أحن حد عليّا وكنت بهرب من الدنيا كلها ليك ياسين: آسف والله آسف يا عيوني بصي اللي تطلبيه كله يتنفذ حالا اطلبي أي حاجة سلمى مسحت دموعها وبصتله: أي حاجة أي حاجة ياسين: أه والله سلمى: أممم ماشي سيبها لوقتها بقى ياسين: ماشي يا ستي يعني كده صافية لبن سلمى: أيوة خلاص أشطا

ياسين: طيب خلاص هاتي بوسة علشان أصدق سلمى ضربته في كتفه: يا قليل الأدب ياسين بضحك: طيب يلا يا أختي ننام عندي اجتماع مهم الصبح وخدها في حضنه ونام الصبح فرح خبطت على أوضة يزن فرح: صباح الخير يا حبيبي يزن باس إيديها: صباح الورد يا ست الكل فرح: كنت عايزة أتكلم معاك في موضوع يزن: اتفضلي يا حبيبتي فرح بخبث: إيه رأيك في يمنى يزن بتوتر: مالها يا ماما يعني فرح: حلوة يعني يزن بتوهان: حلوة أوي يا ماما فرح بضحك: لا دا

أنت واقع بقى يزن بإحراج: خلاص يا ست الكل بقى فرح بضحك: ماشي البس يلا قبل أخواتك ما يصحوا وطلعت عند زين بيتكلم مع حمزه: يا حمزه لازم نلاقي حل العيال كبرت والآذى هيطولهم حمزه: متقلقش أنا هجيب تيا والعيال وأجي وقول لمالك كمان يجيب عياله وييجي زين: هكلمه بس قولي مش أنت كنت مراقبها إزاي يحصل كده حمزه: والله يا زين مش عارف وأشمعنا سلمى بالذات زين: مش عارف المهم بعد يومين بالكتير تكونوا هنا الخطر بقى حوالينا يا حمزه أنا مش

راضي أقلقهم فرح من وراه: تقلقني بإيه زين بتوتر: طيب اقفل يا حمزه مع السلامة فرح: تقلقني بإيه زين: مفيش حاجة يا حبيبتي فرح بدموع: أنت مخبي عني إيه أنا عايزة أفهم زين مسح دموعها: أنتي بتعيطي ليه بس اهدي ومفيش حاجة مخبيها فرح: تمام يا زين وملكش دعوة بيا سامع وسابته وطلعت زين بتنهيدة: والله غصب عني إن أخبي عنك ربنا يعدي الأيام الجاية على خير عند ياسين صاحي وقاعد يبص على سلمى

ياسين في نفسه: والله لأعوضك عن كل حاجة ولأحرقهم كلهم سلمى اتقلبّت وفتحت عينيها لقته بيبصلها سلمى بنوم: صباح الخير ياسين قرّب باسها: صباح الفل يا حبيبي سلمى: أنت صاحي بدري كده ليه ياسين: مش بدري يا روحي الساعة 10 سلمى نطّت من على السرير: يالهوي اتأخرت زمان ماما بتحضّر الفطار لوحدها ياسين شدها: اهدي بس اهدي البسي وانزلي ماما مش هتقول حاجة سلمى: حاضر وجريت لبست ونزلت لقت فرح في المطبخ وزين واقف يصالحها سلمى: آسفة أوي يا

ماما والله وكملت باستغراب: مالك يا خالو واقف كده ليه زين: حبيبتي مفيش حاجة لو اتأخرتي وأنا واقف كده أصالح الهانم سلمى: طيب يلا هحضّر أنا وخدّت صالحها براحتك زين: حبيبة خالك وشد فرح مرضتش تروح زين: يا حبيبتي اسمعيني فرح بتجاهل: سلمى يلا حضّري عشان زمان كل واحد عنده شغل سلمى: حاضر وقفّت تحضّر الأكل وحطّته على السفرة زين: يزن جهّز نفسك بكرة هنروح نشوف العروسة يزن: عروسة مين يا بابا

زين: يمنى أنا كلّمت أبوها وخدت معاد بكرة جهّزوا نفسكم فرح الصغيرة: الله يبقى عندك فرح مبروك يا أبيه يزن: الله يبارك فيكي يا حبيبتي كلهم باركوا ليزن وكل واحد قام راح على شغله بالليل ياسين جه ومعدّي من جنب أوضة فرح سمع...