رواية احببت زين الصعيد الفصل الحادي والثلاثون 31 - بقلم ذات الخمار

الصبح زين قام على صوت عياط فرح (الصغيرة) . بص على فرح لقاها نايمة ومش حاسة بأي حاجة خالص. زين قام شالها: ششش. وقعد يهزها، وهي ما بتسكتش. راح عند فرح. زين: فروحة. فرح بنوم: اممم. زين: فرح عايزة ترضع، قومي وابقي نامي تاني. فرح قامت وهو سندها، وأداها البنت وقعد قصادها لحد ما البنت نامت. وخدها حطها في سريرها ورجع نام جنبها. زين: نامي تاني يا حبيبي. وخدها في حضنه، وهي نامت تاني على طول. عند مصطفى وريم.

ريم: صباح الخير يا حبيبي. مصطفى: صباح الفل يا عيوني. قوليلي بقا هنعرف امتى نوع البيبي. ريم بضحك: يووو، لسه بدري أوي، مستعجل ليه. مصطفى بغمزة: عايز أعرف، مش يمكن ألاقيهم تلاتة زي أخوكي الشقي ده. ريم ضحكت جامد. مصطفى: ششش، يخربيت ضحكتك. ريم بضحك: حاضر، هقوم أنا أنزل علشان أشوف أمي. مصطفى بغمزة: ما تخليكي شوية. ريم بضحك: لا لا. وجريت على الحمام. مصطفى: براحة يا هبلة. عند صبا ومالك.

مالك: يا بنتي هتلاقيهم لسه نايمين، اقعدي بقا. صبا: طاب هروح أشوف يزن وياسين لو صحوا أفطرهم. مالك: إنتي عايزة تفرقي وخلاص، اقعدي إنتي حامل يا ماما. صبا: يا مالك سيبني بقا أشوف العيال. مالك ساب إيديها: اتفضلي. ودور وشه بعيد. صبا حضنته: طيب خلاص مش هنزل، كنت عايزة بس أشوف فرح علشان مش هتقدر لوحدها. مالك: تمام، انزلي. صبا: مالك خلاص بقا. مالك زاح إيديها وقام دخل الحمام.

صبا بنفخ: أووف. وطلعت راحت أوضة يزن وياسين. خبطت، لقت يزن صاحي بيلعب وياسين نايم. صبا: حبيبي إنت صحيت امتى. يزن: من سويه (شويه) صبا بضحك: طيب تعالي أفطرك يلا. يزن: ماسي أنا جعان أثلا. صبا بضحك: طيب يلا يلا على تحت. وخدته ونزلت. حضرت الفطار، لقت ياسين كمان صاحي ونزل. ياسين بزعل: أنا خبطت على ماما مردتش. صبا قربت شالته: مالك نايمة زمانها تعبانة، تعالي افطر مع يزن وأغيرلكم. وخرطو تاني تكون صحت.

ياسين: ماشي. وقعد يفطر. وصبا خدتهم غيرت ليهم وراحوا خبطوا تاني. زين: الواحد مش هيعرف يتخمد ساعة. فرح: هتلاقي العيال، افتح معلش. زين قام فتحلهم وهما جريوا على فرح. فرح باستغراب: مين غيرلكم كده. يزن: مرات عمي صبا. فرح: ربنا يخليها يارب. طيب كليتو. الاتنين هزوا دماغهم بمعنى آه. فرح بابتسامة: ماشي يا حبايبي، يلا تروحوا الحضانة، بابا هينزلكم النهارده، بس ماشي. ياسين: ماشي.

فرح بهمس: طيب يلا خدوا مصروفكم من بابا وقولوله يزوده حلاوة البيبي الصغيرين. يزن: ماسي. زين طلع من الحمام والاتنين راحوا عليه. يزن: عايز فلوث (فلوس) ياسين: وأنا كمان. زين بضحك: ماشي، تعالوا. وطلع لكل واحد فيهم فلوس. يزن: عايز فلوث كمان يا بابا. زين: ليه. يزن: كده ماما قالت خدوا من بابا فلوث زيادة حلاوة البيبي. زين بص لفرح وهي ضحكت وخبّت وشها بالبطانية. فرح بصوت واطي: منك لله يا ابن زين.

زين رفع البطانية: ماله ابن زين بقا. فرح: مالهوش يا روح قلبي. زين: بحسب. وكمّل بجدية: آخر مرة تقوليلي لهم ياخدوا فلوس كتير كده، هيبقوا طماعين يا فرح، سمعتي. فرح: حاضر يا حبيبي. يزن: ماما إحنا ماسيين (ماشيين) فرح: ماشي يا حبايبي، هاتوا بوسة يلا، وبابا هيوصلكم. الاتنين جريوا عليها حضنوها وباسوها، وزين أخذهم ونزل. ريم وصبا دخلولها. صبا: صباح الخير يا حبايب مرات عمكم.

فرح: صباح الفل يا صبا، مش عارفة أقولك إيه والله على اللي عملتيه إنتي وريم. صبا: متقوليش أي حاجة. وكملت بهزار: إنتي مش هتعمليلي إياك. فرح بضحك: طبعاً، دا أنا عيوني ليكم إنتو الاتنين، ربنا يقومكم بالسلامة يارب. ريم وصبا: آمين. ريم: هجيبلك أكل وأجي. فرح: لا لا اقعدي، وإما زين ييجي يجيب، تعالوا جنبي هنا. الاتنين قعدوا جنبها وشالوا العيال. سميحة طلعت: صباح الخير والورد. فرح: صباح الفل يا أحلى ماما، تعالي هنا.

سميحة قعدت جنبها: إنتي كويسة دلوقتي يا بتي. فرح باست إيديها: الحمد لله والله كويسة. سميحة: الحمد لله. زين طلع ولقاهم كلهم قاعدين. زين: فيه إيه متجمعين كده ليه، خضتوني. كلهم ضحكوا. سميحة: انزل قول لأم صلاح تطلع الأكل لمراتك علشان أختك ومرات أخوك مش قادرين ينزلوا. زين: ماشي. ونزل. بعد شوية جه ومعاه الأكل: يلا هاتي فرح وكلي إنتي. فرح: حاضر. وقعدت أكلت، وريم وصبا فضلو معاها. عدى كام يوم وجه يوم السبوع.

زين قام من بدري: حمزة يلا جهزوا العجول علشان عايز أدبح أنا. حمزة: جاهزين يا خوي يلا. زين راح دبـح وعملوا أحلى سبوع.