رواية احببت زين الصعيد الفصل الثاني والثلاثون 32 - بقلم ذات الخمار

بعد مرور 22 سنة في قصر زين. زين صاحي بيبص على فرح و هي قامت. زين بحب: صباح الجمال. فرح باسته: صباح الخير يا حبيبي. زين: انا مش شفتش حد بيصحي من النوم يكون بالحلاوة ده. فرح بكسوف: بس يا زين. زين: بعد العمر ده كله لسه بتتكسفي مني. فرح حضنته: و انت بعد العمر ده كله لسه بتحبني. زين بحب: هفضل احبك لحد ما اموت. فرح بسرعة: بعد الشر ربنا يديك الصحة و تفضل وسطينا. زين: و يخليكي لينا يا ست الكل. فرح:

يلا قوم ننزل علشان العيال زمانهم صحو. زين بغمزة: طيب ما تخليش و سلمي هتحط الأكل. فرح قامت بسرعة دخلت الحمام: والله ما تحصل. زين بص على صورتهم سوا كلهم: ربنا يخليكم ليا يارب. و قام هو كمان. في أوضة ياسين فاق و كانت سلمي تحت. ياسين دخل الحمام و خلص و نزل لقى كله تحت الا سلمي. باس إيدين أبوه و أمه و صبح على أخواته و راح المطبخ لقى سلمي واقفة تحضر الفطار. ياسين بحدة:

لو حصل و نزلت من غير ما انا أقوم و تحضريلي هدومي هتشوفي حاجة مش هتعجبك. سلمي بخوف: حاضر. ياسين سابها و طلع قعد على السفرة و هي طلعت وراه. ياسين: انا رايح الشركة يا بابا. زين: يا بني انت فرحك كان من يومين اقعد النهاردة مع مراتك. ياسين بلامبالاة: الشغل أهم. زين بحدة: ياسين احترم نفسك مراتك أهم من الف شغل و مش هتروح يزن هيروح مكانك. ياسين قام بغضب: بابا لو سمحت ده شغلي. زين بغضب: انت بتعلي صوتك كمان ما تيجي تاخدني قلمن.

فرح بحدة: ياسين اعتذر من بابا. ياسين بغضب مكتوم: آسف. و طلع و سابهم. فرح بصت ل زين بحزن: هو بقى قاسي كده ليه يا زين. زين بتنهيدة: معرفش كملوا أكل يلا. آدم: انا همشي يا بابا عندي محاضرة. زين: ماشي يا حبيبي هتروحي يا فروحة معاه يوصلك. فرح الصغيرة: لا يا بابي هستنى هنا صحبتي نروح سوا. زين: روح يا آدم. آدم راح عند فرح أخته و عدل الخمار بتاعها. آدم: الخمار ده يتظبط عن كده سامعة يا أستاذة. فرح بابتسامة: حاضر.

آدم مشى و زين وجه كلامه ل أدهم. زين: و انت يا أستاذ معندكش حاجة. أدهم و هو بياكل: معنديش حاجة يا حاج قاعد معاك النهاردة. زين: هو احنا كنا فين و الواد ده بيتربى بس يا فرح و بعدين انا ماشي اصلا روح شوفلك حاجة تعملها. فرح بضحك: دا حبيب أمه ربنا يحميه. زين: نعم يا أختي قولتي إيه. أدهم: ما قالتش يا حاج ما قالتش انا هقوم قبل ما أنضرب. فرح: انت رايح الشركة. زين:

اه رايح هشوف كام حاجة و أرجع على طول و انت يا يزن يلا مكان أخوك. يزن باحترام: حاضر يا بابا. و قام. زين: انا ماشي يا حبيبتي عايزة حاجة. فرح: سلامتك يا حبيبي. زين بحنان: عايزة حاجة يا حبيبت خالك. سلمي: لا يا خالو. زين باس راسها هي و فرح و مشى. فرح: تعالي يا سلومة نقعدوا بره سوا. و طلعوا و ياسين كان واقف في البلكونة بيشرب سجاير. فرح:

انا عارفة ان ياسين طبعه وحشة بس والله معرفش إيه غيره كده سافر و جه بالشكل ده و انا عارفة انك بتحبيه من زمان و هتغيريه. سلمي بدموع: طيب هو ليه كده حصل إيه دا انا بخاف أرفع عيني أبصله يا ماما صوته بيرعبني. فرح حضنتها: اهدي بس و احنا هنخليه يتعدل ماشي يا حبيبتي يلا امسحي دموعك. سلمي: حاضر يا ماما هطلع أشوفه و أجي. طلعت و بتفتح الباب لقت ياسين واقف و حاطط إيده في جيبه. ياسين بنبرة مرعبة: إيه طلعك يا الجنينة. سلمي بخوف:

ماما والله قالت تعالي نطلعوا والله يا ياسين. ياسين قرب منها و قال بصوت مرعب: دي آخر مرة تعملي حاجة من غير ما أعرفها الأول قبل ما تتعمل فاهمة. سلمي هزت راسها بخوف: فاهمة والله. ياسين: شطورة انزلي اعملي شاي و تعالي و طرحتك دي تتعدل زي الناس و يتحط فيها دبوس. سلمي: حاضر. و عدلت طرحتها و نزلت. دخلت المطبخ لقت...