رواية احببته في غيبوبة الفصل السادس 6 - بقلم ندى الشرقاوي

دكتور منير صديق أمير. نورهان بابتسامة: اه اتفضل. دخل دكتور منير وسلم على أمير بشوق كبير. أمير بتعب: منير لازم نبدأ علاج طبيعي لان رجلي بدأت توجع. منير: أنا محضر كل حاجة. وبالفعل بدأوا في العلاج الطبيعي، وأمير بيتحسن شوية شوية، ونورهان ما سابتهوش لحظة. المجهول بيحاول ياخد مكان أمير، وسوزان خايفة إن أمير يرجع تاني. نورهان: الحمد لله يا أمير، كده بقالنا شهر وأنت أحسنت أوي. أمير بابتسامة:

آه، أنا بجد مش عارف أشكرك إزاي إنك وقفتي جنبي. نورهان بابتسامة: هو في حد يشكر مراته على المساعدة؟ بقولك إيه، تعال نتفرج على فيلم كرتون حلو أوي. أمير بضحك: كرتون يا طفلة؟ نورهان بغضب طفولي: آه كرتون، هتتفرج ولا أدخلك تنام؟ أمير وهو ماسكها من البجامة بتاعتها: انتي بتطرديني يا بت؟ نورهان بخوف مصطنع: لا يا باشا، وهو دا ينفع؟ دا أنت تقعد أول واحد، اتفضل. أمير: ناس ما تجيش غير بالعين الحمرا. نورهان:

الفيلم هيبدأ، لو سمحت صوتك يا أمير، هعيط. أمير: ماشي يا طفلة، اتفرج. واتفرجوا على الفيلم. نورهان بعياط: مات مات، حرام. أمير بخضة: انتي بتعيطي ليه؟ نورهان: مات البطل، مات يا أمير. أمير: انتي بتعيطي عشان البطل؟ نورهان وهي تمسح دموعها بيديها مثل الأطفال: آه. أمير بضحك على عقل هذه الطفلة: طيب خلاص، متعيطيش، دا تمثيل. نورهان: ماشي، أنا هقوم أعمل أكل. أمير بصدمة: أمال مين اللي كل السندوتشات دي كلها؟ نورهان:

انت بتعد عليا الأكل يا أمير؟ أمير: خالص ياروحي، روحي هاتي أكل. نورهان: انت قلت إيه؟ أمير بانتباه: هااا، بقولك روحي هاتي أكل. نورهان: آه، أنا سمعت غلط. وعدى اليوم مع أمير نورهان. المجهول: أمير طلع بره مصر. سوزان بصدمة: إزاي؟ المجهول: زي ما سمعتي، أنا دورت في كل حتة، أمير في مصر ولازم نوصله. سوزان بقلق: طب هنعمل إيه؟ طبعاً دا كله وسوزان متعرفش إن في حد بيراقب المكالمة. أشرف:

أيوه يا أمير، خد بالك كويس، عرفوا إنك في مصر. أمير بقلق: حاضر، حاضر يا بابا، خلي بالك من نفسك. أشرف: وانت كمان خلي بالك من نورهان يا ابني، دي طيبة. أمير: نورهان في عيوني، ياله سلام عليكم. أشرف: وعليكم السلام. في الصباح. أمير: صحي يا نورهان. نورهان بنوم: الأمير، سبني أنام بقى. أمير: اصحى ياله، صلي وافطري وتعالي هنتكلم شوية. نورهان: ماشي، ماشي. وكملت نوم. نورهان: ااااااااه. لقت نفسها في البانيو. أمير:

يعني مبتحرميش، كل يوم أرميكي في البانيو، اخلصي. نورهان: أوووف، حاضر. خلصت نورهان وخدت شاور وفطرت. نورهان: موضوع إيه بقا عشان أنا كمان هقولك حاجة. أمير: "طب قولي انتي الأول. نورهان: لا انت. أمير بتردد: نورهان، إحنا لما نرجع الفيلا ونخلص كل حاجة، هطلقك وكل واحد يروح طريقه. نورهان: ......... لا رد......