رواية أحببته في مهمة رسمية الفصل الثالث 3 - بقلم لمياء محمد

نور وهي ماشية خبطت في واحد. نور: آسفة. الشاب بتوهان: هاا اه لا ولا يهمك يا جميل. نور: افندم. الشاب: احم اقصد يعني عادي ولا يهمك. احم. مد لها ايده وقال: أنا اسمي... نور بمقاطعة لكلامه: عن إذنك. ومشت تكمل طريقها. الشاب: يحلاوتك ياaba رجدي. إيه الحلاوة دي؟ يخربيتك. وانتي زي الجمر سرجتي جلبي في ثانية. يارب أابلها تاني.

عند نور، كملت طريقها ووقفت جنب أوضة. سمعت صوت شخص يتنفس سريعًا، فقررت إنها تدخل. ممكن يكون حد محتاج مساعدة ولا حاجة. ودخلت على طول من غير ما تخبط على الباب، ودا بسبب خوفها على الشخص اللي جوا. فتحت الباب و... نرجع تاني عند منزل عمار. عند حورية وعمار في الغرفة. حورية: أنا حبيت البنتين دول جوي جوي يا عمار، والبنت لمار دمها خفيف جوي جوي. عمار: فعلًا. أنا من زمان جوي كان نفسي في بنت، وحاسس إن دول جم عشان ينوروا حياتنا.

حورية: بس دول هيمشوا؟ عمار: صدقيني هعمل كل جهدي إنهم يفضلوا. حورية: ياريت والله يا عمار. هنبسط جوي جوي. نسيبهم ونروح للمار في الغرفة.

حاولت لمار إنها تنام بس مش عارفة تنام، ودا لأن المكان غريب عليها وهي مش متعودة تنام بره بيتها. حاولت كتير إنها تنام معرفتش، فقررت إنها متنمش وتخرج الحديقة. ولما خرجت سمعت صوت أغاني أجنبي رومانسي. استغربت إن في الصعيد بيسمعوا أغاني من دي، فالصعيد معروفة بالصرامة. راحت ورا الصوت تشوف مين اللي بيسمع الأغاني دي. لقت سليم اللي بيسمع الأغاني. لمار: احم. أستاذ سليم. سليم بفرحة لسماعه صوتها: فهو حفظه من أول مرة. أنسة لمار.

لمار: إزيك؟ سليم: تمام، نحمد ربنا. لمار: إيه أخبارك؟ سليم: تمام، نحمد ربنا. لمار بإبتسامة سحرته: نعم. سليم: أصدقاء؟ لمار: بصراحة أنا مبصادقش أصدقاء. بس لأنك محترم أنا موافقة. سليم: أحلى لمار في الدنيا. لمار بخجل: احم. شكرًا. بعد إذنك. سليم: استني يا صديقتي. متعرفناش كويس. لمار: احم. مش فاهمة. سليم: يعني مثلًا أنا سليم عامر عيلوان. كلية علوم فرقة رابعة، 23 سنة. لمار: لمار. لمار محمد الجارحي. كلية طب فرقة أولى، 19 سنة.

سليم: اتشرفت بمعرفتك يا صغنن. لمار: أولًا أنا كمان اتشرفت بمعرفتك. أما ثانيًا أنا مش صغنن. أنا كبيرة، ماشي؟ يلا بقي بعد إذنك هروح أنام. سليم: إنتي اتضايقتي؟ لمار: لا ياباشا. مش أنا اللي أتضايق بسبب حاجات تافهة. سليم: ماشي يا عم العاقل. لمار: يلا يسطا. تصبح على خير. ومشت. سليم بصوت عالي نسبيًا يصل إلى لمار: يسطا. والنبي في واحدة جميلة رقيقة عسل كده تقول يسطا. لمار من بعيد بضحك: ااااه. أنا. وسابته ودخلت.

هنروح بقي لمكان بعيد شوية في الصعيد. في مكان مهجور يجلس شخصين مجهولين يتحدثون. الشخص 1: ستيفن اتصل بيا امبارح وسألني هنخلص امتى ونسلمه امتى. الشخص 2: وقولتله إيه؟ الشخص 1: قولتله إننا لسه مجبناش العدد اللازم وإننا محتاجين شوية وقت. الشخص 2: يبقى إحنا كده هندخل في الجد. لأننا محتاجين عدد كبير. الشخص 1: أيوا. لازم نخلص. واتفقت مع كام دكتور تبعي ييجوا ويخلصوا. وأول ما يخلصوا نسلم فورًا. الشخص 2: كده تمام أوي.

الشخص 1: لو الصفقة دي تمت هنبقى من أغنى أغنياء البلد. الشخص 2: أكيد يا صاحبي. وهنقدر نتحكم في كل الناس. الشخص 1 بفخر: أكيد. ومن بكرة تبدأ تخطف. تمام؟ بنات بقي أو شباب مش فارقة. بس إنت عارف أي بنت حلوة تجيبهالي الأول. تمام؟ الشخص 2: تمام يا زميلي. بس إيه بالنص؟ الشخص 1: يا عم بس إنت تلاقي الأول وبعدين نشوف. الشخص 2: هلقي يا كبير. متقلقش.