رواية أحببته في مهمة رسمية الفصل الثامن 8 - بقلم لمياء محمد

مكتب اللوا عماد عماد: عسكري، ابعتلي حضرة الظابط يحي فورا. بعد خمس دقايق، الباب خبط. عماد: ادخل يا يحي. يحي: السلام عليكم يا فندم. عماد: وعليكم السلام، تعال يا يحي. يحي: تمام يا فندم. عماد: نور وزين دخلو وسط العصابة النهارة، زين متنكر كـ "خاطف" ونور كـ"مخطوفة". يحي: والمطلوب يا فندم؟

عماد: هتروحلهم الصعيد، وزين اتفق مع عامر على المكان اللي هتتقابلو فيه. وانت هتاخد الأخبار من زين وتقولها لي، وبعدين تشتغل عليها. وخلي بالك، لأن أي غلطة برقبة نور وزين، لأنهم لو اتكشفوا هيروحوا فيها. يحي: تمام يا فندم، متقلقش. بس باقي العصابة اللي هنا هنعمل معاهم إيه؟

عماد: هبقى أبعتلهم لين، لأنها هي كمان من أكفأ الظابطات بعد نور. وانت هتبقى على تواصل معاها هي كمان، لأني هحاول إني أدخلها وسطهم هي كمان، بس بطريقة تقدر تدخل وتطلع براحتها. يحي: طب وده إزاي؟ عماد: لسه هشوف. يحي: تمام، أنا هروح امتى؟ عماد: هتروح دلوقتي وهتقعد في قصر اللوا عامر. يحي: بس إحنا كده بنتقل عليه. عماد: لا متقلقش، هو اللي طلب. وكمان علشان تدرسوا كل الخطط سوا. يحي: تمام يا فندم.

عماد: يلا، تقدر تروح. وأنت خلي بالك من نفسك. يحي: تمام، بس هعرف المكان إزاي؟ عماد: اللوا عمار هيبعتلك الغفير ياخدك. قبل ما توصل بنص ساعة هيكون هنا. يحي: تمام يا فندم. وضرب التحية العسكرية. يحي: بعد إذنك يا فندم. عماد: اتفضل. وخرج يحي وقفل الباب وراح يجهز الشنطة. ولأن المكان قريب من القسم، وصل بسرعة. جهز شنطته وراح على محطة القطر. هو معاه عربية بس المسافة طويلة، فلجأ للقطر. بعد ساعة ونص في الصعيد.

حورية وعامر قاعدين مع بعض. حورية: بعت الغفير يجيب الظابط ولا لأ؟ ده بيجيله أجل من نص ساعة. عامر: هبعته أهو. عامر: يا عطا! عطا! واد يا عطا! عطا: نعم يا عامر باشا. عامر: في ظابط جاي دلوقتي في المطار، هتروح تستقبله اسمه يحي. عطا: تمام يا باشا، اكتبله ورقة زي الست نور. عامر: ماشي، يلا روح بسرعة. عطا: حاضر يا باشا. نسيبهم بقى ونروح عند القمر بتاعنا. عند لمار، كانت قاعدة لوحدها بتعيط وخايفة أوي على نور. جه عليها سليم.

سليم: إيه ده، جميلتي بتعيط؟ مالك يا لولو؟ لمار وهي تمسح دموعها: زي الأطفال، مفيش، بس خايفة على نور. سليم: متخافيش يا جميلتي، نور هتبقى بخير. هي قوية وقدها وقدود. لمار: ربنا يرجعها بالسلامة يارب. سليم: يارب. قاطع كلامهم بنوت زي القمر. البنوتة: وه وه وه، كيفك يا زين الرجال؟ سليم: إيه ده، سما! أهلاً بست البنات. سما: اتوحشتك جوي جوي يابن العم. سليم: أنا أكتر يا قلبي والله. حمدلله على السلامة وحضنوا بعض.

طبعًا، كل ده تحت عيون وغيرت لمار، بس كانت ساكتة. سما: إيه ده، إيه ده، إيه ده؟ هو القمر بيطلع بالنهار أهنه ولا إيه؟ وهي تشاور على لمار. سليم: دي يا ستي تبقى لمار، أخت الظابط نور اللي هتشتغل مع زين على المهمة. آه، وحبيبتي. أول ما قال كدة، لمار وشها جاب ألوان. سما: أيوا يا عم، اعترافات. وبصت للمار: ازيك يا لمار القمر؟ أنا سما بنت عم سليم وأخته في الرضاعة.

لمار بكسوف: أهلاً وسهلاً يا قمر. بس سؤال، إنتي إزاي بتتكلمي مصري كويس وإنتي عايشة في الصعيد؟ سما: أصل كنت بقعد مع زين وسليم كتير، فبقيت أتكلم مصري زيهم وصعيدي لأني من الصعيد. ومشوفتيش ليه؟ لأني كنت في أمريكا، الواد أخويا عنده شغل هناك، فقولت أروح كليتي هناك، كلية طب، آخر سنة. لمار: أهلاً وسهلاً، اتشرفت جدًا بمعرفتك. سما: أنا أكتر يا قمري. احم، فين حوريتي وعاموري؟ سليم بضحك: برضه مش هتبطلي عمايلك دي؟ سما: لا. ستوب.

(سما بنوتة قمر، بشرتها بيضا، عيونها رصاصي غامق، جسمها رشيق جدًا، محجبة، طيبة جدًا ومرحة جدًا جدًا) ودخلت سما القصر بهدوء تام، لقتهم قاعدين في أوضة عند التليفزيون ومندمجين معاه. دخلت براحة جدًا، وبعدين وقفت ورا الكرسي اللي قاعدين عليه وبصوت عالي جدًا. سما بصوت عالي جدًا: حوووووووووريييييتيييييي! عاااااااموووووورييييي! نطوا هما الاتنين من الخضة، ولمار وسليم مراقبين. حورية: ماشي يا سما الكلب، إنتي مش هتعقلي أبدًا يا بت.

عامر: يا بنت الكلب، كنتي هتموتينا. سما بتحضنه: بعد الشر عليك يا حبيبي. واه يو حوريتي، مش هعقل أبدًا. عامر وحورية: حمدلله على السلامة يا حبيبتي. سما: الله يسلمكو يا حبايبي. وراحت وحضنت حورية: وحشتيني أوي يو حوريتي. سليم: بعد إيه، بعد ما قطعتيلها الخلف؟ سما: ملكش دعوة يابارد. سليم: بتقولي إيه ياختي؟ دا إنتي نهارك أسطح. سما طلعت تجري وهو يجري وراها.

وهي طالعة، كان يحي داخل، وهوب قامت خبطت فيه. وكانت هتقع، بس هو لحقها ومسكها من خصرها. وسرح في عينيها. أول ما فاق. يحي: إنتي كويسة؟ سما ووشها ألوان: احم، أيوا. وقفت ومشت. لمار: يحي، ازيك. يحي: ازيك يا لولو، أنا كويس. لمار: الحمد لله. سليم بغيظ: هو إنتو تعرفوا بعض؟ لمار: أيوا، دا يحي صديق نور في الشغل، كنت بشوفه دايما لما أروحلها. سليم: ازيك يا يحي. يحي: بخير، إنت أخو زين صح؟ سليم: أيوا، أنا. يحي: اتشرفت بمعرفتك.

سليم: أنا أكتر. دخل عامر وحورية. عامر: ازيك يا يحي. يحي: بخير والله يا عامر بيه، حضرتك عامل إيه؟ يحي: بخير الحمد لله. لمار انسحبت وراحت لسما. أما حورية: تعالي يابني، أحضرلك الأكل. يحي: لا يا خالتي، والله مش جعان. حورية: خلاص، اطلع ريح شوية. يحي: حاضر. عامر: خد يحي يا سليم، وريه أوضته. سليم: حاضر. وأخده وراحوا. في مصر، مكتب اللوا عماد. الباب خبط. عماد: تعالي يا لين. لين: السلام عليكم يا فندم، قالولي حضرتك عايزني.

عماد: أيوا يا لين، مهمة تجارة الأعضاء. هتروحي مكان يحي لأنه راح الصعيد. لين: تمام يا فندم، المطلوب. عماد: تدخلي بين العصابة زي نور وزين. لين: تمام، بس إزاي؟ عماد: عندي خطة. لين: إيه؟ عماد: ...... يتبع. (لين بنت قمر أوي ورقيقة جدًا، بس وقت الجد جد، وأول ما تتعصب متشوفش قدامها زي ما بيقولوا، بشرتها بيضا وعيونها خضرا ومحجبة)