رواية احببته من رواياتي الفصل السابع 7 - بقلم رحمة سكيكر

بعد مدة من الـ قت، استيقظت وتين وفتحت عينيها باستغراب. وقالت بمزاح: هو أنا اتخطفت تاني ولا إيه؟ بعدين نظرت لرعد واطمأنت عليه ونزلت. داده عليا بابتسامة: عاملة إيه يا بنتي؟ ابتسمت وتين وقالت بمزاح: إيه العسل ده يا ناس. ضحكت داده عليا وقالت: أنتي اللي سكر. وتين بهمس: بقولك إيه، هو جوزي هنا ولا فين؟ داده عليا باستغراب: أنتي متجوزة؟ دا أنتي صغيرة أوي. وتين بمزاح وبتفهم: أقصد يعني فهد فين؟

داده عليا بصدمة: يالهوي، هو اتجوزك؟ وتين بضحك: هتجوز هتجوز، متخافيش. ضحكت الدادة عليا: يارب يا بتي. وتين: هو هنا؟ داده عليا: لا خرج لما وصلك وخرج. وتين بمزاح: عندكوا أكل هنا يا عسل أنتي؟ داده عليا: عندنا، تعالي هعملك أملت هتاكلي صوابعك ورا. وتين بضحك: العب يلا يا عسل. ذهبت هي وداده عليا إلى المطبخ. في جهة أخرى، عند ميدو في الشقة، كان بيخلص شغل على اللابتوب.

(ميدو دا بقى اسمه أحمد، بس هما بيحبوا يقولوا ميدو، شغال معيد في كلية تجارة إنجليزي، شعره بني فاتح وعيونه زرقة زي أخته، جسم رياضي، الأخ الأكبر ليهم بعد وفاة أبوهم وأمهم، 30 سنة، أخو علي دا في ثانية جامعة هندسة، عيون بنية مثل أبيه، شعر أشقر) نرجع تاني. ميدو بيشتغل اليوم دا في البيت، في حد خبط الباب وقام فتح وقال ببرود: إيه اللي جابك؟ فهد ببرود مماثل: لازم نتكلم. ميدو بجدية: نكلم في إيه؟ فهد دخل وقفل

الباب وقال بجدية أكبر: أنا قولت لازم نتكلم. بعد فترة من الكلام ما بين فهد وميدو. ميدو بصدمة وعصبية: أنتي اللي بتقول دا كدب، محصلش، أنت كداب، أنت فاهم؟ كككددداااببب! اطع بره، بره! ذهب فهد ببرود واتصل ميدو بوتين. فتحت وتين عليه. ميدو بقلق: وتين، أنتي فين؟ وتين باستغراب: في إيه يا أحمد، مالك. أنا عند رعد. أحمد بقلق: خليكي عندك، أنا جاي آخدك. وتين باستغراب: في إيه بس فهمني. أحمد بحنية: بس مفيش حاجة، اقفلي وأنا جاي آخدك.

وتين: حاضر. قفل ميدو معاها واتصل بعلي. ميدو: أيوه يا علي، أنت فين؟ علي باستغراب: داخل المحاضرة يا أحمد، في إيه؟ ميدو: سيب أي حاجة في إيدك وتعالى على البيت يلا. علي بخوف: في إيه يا أحمد، وتين حصلها حاجة؟ ميدو: لا يا علي، بس تعالى يلا بسرعة. علي: حاضر، جايه أهو. ذهب ميدو علشان يجيب وتين. علي بوابه القصر. ميدو بحنية أخ: اركبي يا حبيبتي، يلا. وتين: في إيه يا ميدو، حصل إيه؟ ميدو بقلق يحاول إخفاءه: لا مفيش حاجة.

وصل ميدو إلى الشقة وجد علي مستني تحت. علي بقلق: في إيه يا أحمد؟ ميدو: مفيش، تعالوا نطلع فوق يلا. طلعوا وكل منهم في استغراب. ميدو: وتين معلش كوبايتين شاي بعد إذنك. وتين بهزار: هبا بت جدعة مش زي بقيت الأخوات، وهعملكم شاي. ميدو بضحك: لا كتر خيرك يا ستي. ذهبت وتين إلى المطبخ. علي وهو موجه كلامه لأحمد: ممكن تفهمني في إيه؟ ميدو: فهد. علي باستغراب: ماله؟ ميدو: يبقى ابن خالتنا. علي بصدمة: ابن خالتنا إزاي يا أحمد، فهمني.

ميدو: أمك من عيلة السيوفي يا بجم. منتش فاهم، لا مش دي المصيبة. علي: أمال إيه؟ ميدو: متجوز. علي: متجوز مين؟ ميدو بحزن: وتين.