رواية احببته من رواياتي الفصل الثالث 3 - بقلم رحمة سكيكر

صوت فهد وهو على الباب بينده لرعد. مسك رعد بحضن وتين أكتر. وتين بهزار: إيه دخلة جون سينا دي يا قمر أنت؟ فهد بهدوء: رعد. رعد: ماما. وتين بضحك: يعم سيبه دا حتى زي القمر مش كده يا رعود؟ رعد بضحك هز بنعم. فهد بجدية: رعد روح أوضتك. رعد بنفي: لا عايز مامي. فهد بصوت عالي: داده عليا. أتت سيدة في 49 من عمرها. داده عليا: نعم يا فهد بيه؟ فهد بصرامة: ودي رعد على غرفته. ذهبت داده عليا لرعد حتى تأخذه لكنه رفض أن يأتي معها.

وتين بطيبة: رعودة. انتبه الطفل إليها. رعد بدموع: نعم يا مامي. وتين بطريقة لطيفة جداً: ينفع نلعب لعبة حلوة أوي؟ رعد وهو يجفف دموعه: هيهيه أيوه أيوه. وتين بمرح: هتروح تستخبى مع داده عليا وأنا هدور عليك، يله! رعد بنفي: لا. وتين بحزن: كده هتزعلني. رعد: لا مامي مش هزعل بس متمشيش. وتين بحب: حاضر مش همشي أبداً. رعد وهو يذهب لداده عليا: يله يا داده عشان مامي متزعلش مني ونلعب.

ابتسمت الدادة عليا على ذلك الطفل وتوجه رأسها إلى وتين وابتسمت. لم تفهم وتين لما هذه الابتسامة. ابتسمت لها وذهبت داده عليا مع رعد إلى الغرفة. لن يتبقى سوى وتين وفهد. فهد بجدية صارمة ذهب إلى المكتب وجلس على كرسيه الفخم. وتين بمرح: ياني على القمر يا ناس. فهد بجدية: بس اسكتي. وتين بطريقة مضحكة: إيه يا عم متهدي عليا شوية، في إيه؟ فهد بنفاذ صبر: بس بقى خليني أتكلم شوية. وتين بتلقائية مضحكة: هتتجوزني صح؟

فهد بشلل: هتشل، هتشل. وتين بتمثيل: بعد الشر عليك يا قُرة عيني. فهد بعصبية: بس اسكتي خليني أتكلم. وتين بلهجة صعيدية: قول يا راجل. فهد بجدية: هتشتغلي هنا مربية لرعد، تنظيم أكله وميعاد نومه، كل حاجة. داده عليا هتقولك عليا. ومرتب هيكون 22000 ألف دولار. وتين بصدمة: وه؟ ثم أضافت بضحك: يبو كام مصري دول؟ فهد نظر إليها ثم قال: 407000 جنيه. ثم قال بسخرية: لو عايزة أكتر هديلك.

قالت وتين بعصبية لطيفة لا تناسب مع طولها أبداً: جينا بقى في حوارات بتاعت كل الروايات، أنت تهزقني وتخليني أعيط وفي الآخر أنت تحبني وكده. ثم أضافت بضحك: في الآخر دا أنا وأمه لا إله إلا الله بنخبك وبنكرش عليك. فهد بشلل: يا دي أم الروايات. ثم أضاف بجدية: اسمعي يا بت أنت، يا توافقي يا تودي أخواتك الاتنين، ولا مش فاكراهم؟ وتين بخضة مضحكة: نهارك أبوك أسود، دا أنا هشلوحك، تعالى لي.