رواية احببته صدفه الفصل السادس عشر 16 - بقلم جودي أسامة

نور: انت اتجننت؟ ابعدي عني. يوسف من الصدمة مش عارف يعمل إيه، راح زقها بعيد. ياسمين: إيه يا چوه، انت خايف منها ولا إيه؟ يوسف: ياسمين بلاش شغل البنات ده، أنا أصلاً مليش علاقة بيكي. ياسمين: بس أنا بحبك أوي يا چوه. يوسف: وأنا بحب مراتي، لو سمحتي بقي ابعدي عني، وبعد كده أنا اسمي يوسف مش چوه. أنا طلعت وأنا منهارة من العياط، ويوسف طلع ورايا. نور: أنا... أنا مش مصدقة صحبتي تعمل معايا كده. يوسف: اهدي يا حبيبتي. نور: ابعد عني.

يوسف: ليه؟ أنا مليش دعوة. نور: روح لها يا چوه. يوسف: نور، انت عارفة أنا بحبك قد إيه ومستحيل أحب غيرك. نور: أنا بجد مش عارفة أعمل إيه... طلقني يا چوه. يوسف بضحك: حاضر، أول ما نروح البيت هطلقك. نور: انت بتضحك على إيه؟ يوسف: عليكي يا هبلة. نور: طيب أنا عايزة أسافر. يوسف: مالك بتتحولي مرة واحدة كده؟ نور: مليش دعوة. يوسف: يا رب ارحمني... عايزة تسافري فين؟ نور: امممم... عايزة أروح شرم الشيخ. يوسف: بس كده؟ نور: أيوه.

يوسف: طيب يلا روحي جهزي شنطتك. نور: إيه ده؟ إحنا هنسافر دلوقتي؟ يوسف: أيوه، وفيها إيه؟ نور: طيب استنى لما نستلم الفيلا بكرة. يوسف: طيب يا ستي خلاص. نور: خليها بعد الفرح. يوسف: طيب، وأصالحك إزاي دلوقتي؟ نور: عايزة نوتيلا. يوسف: من عيوني. راح جاب النوتيلا وجيه. يوسف: اتفضلي يا قلبي. نور: ميرسي. خلصنا اليوم وروحت البيت عند أهلي. نور: مامااااا! بابااااا! وحشتوني! ماما: تعالي يا قلبي. بابا: تعالي يا نور.

نور: أنا بقي طالعة أنام، صحيني بكرة بدري يا ماما. ماما: ليه يا حبيبتي؟ في إيه؟ نور: هنروح نستلم الفيلا بكرة. ماما: ماشي يا حبيبتي. طلعت أوضتي ونمت على طول. تاني يوم. ماما: يلا يا نور اصحي. نور: أيوه يا ماما، صاحية أهو. ماما: طيب أنا هجهزلك الفطار. نور: ماشي يا ماما. لبست ونزلت علشان أفطر، بعدين رنيت على يوسف. نور: صباح الفل. يوسف: صباح النور يا قلبي. نور: يلا يا عم، انت لسه نايم؟ يوسف: خلاص أهو، هقوم البس وأجيلك.

نور: ماشي، يلا باي. يوسف: باي. يوسف خلص وجيه، طلعت لقيته لابس شميز أبيض وبنطلون أسود ولابس نضارة وساند على العربية. نور: إيه الجمدان ده؟ يوسف بصدمة: إيه القمر اللي أنا شايفه ده؟ نور: دي أقل حاجة عندي. يوسف: طيب يلا اركبي، هنتاخر. ركبت العربية وخلاص رايحين عند الفيلا، لقيته شغل أغاني وماسك إيدي. وصلنا عند الفيلا. الراجل: اتفضل يا فندم، ده مفتاح البيت. يوسف: شكراً جداً، اتفضل انت. يوسف: إيه رأيك؟ نور: تحفة.

يوسف: طيب يلا ندخل نشوفها من جوه. لسه داخلين... لقيت حاجة بتتحرك ورايا. نور بصوت عالي: يووووووسف.. الحقني!