رواية أحببتها في منامي الفصل السادس 6 - بقلم اية سلمان

فجأة طلع صوت طلقة. حالة من الصمت كسرها صوت حور. اللي صرخت أول ما شافت مسعد متصاب في إيده وواقع في الأرض. فجأة جريت على انس وهي بتترعش. سليم: اهدي اهدي. مسعد: أنا هوديك في داهية. عصام: أنت هتدفع التمن غالي قوي. انس: اللي يمد إيده على مرات انس الفرماوي أقطعهاله. الرصاصة اللي ضربتها دي جت في دراعك اللي مسكت بيه حور. المرة الجاية هتبقى في راسك اللي خلتك بس تتخيل إنك تقدر تأذيها أو تقرب منها حتى.

خد انس حور ونزل تحت عند العربية وركبوا وهي بتترعش. انس: اهدي متقلقيش مفيش حاجة. هزت حور راسها بمعنى حاضر. اتحرك انس وفضل كل شوية يبص على حور. وصل القصر بيبص جنبه لقاها نايمة. نزل من العربية وفتح الباب بتاعها وشالها ودخل بيها القصر وطلع بيها على أوضتها ونيمها على السرير. جه يمشي لقاها مسكت إيده قعد جنبها. انس في نفسه: يا ترى أنتِ مين يا حور وإيه حكايتك ومين الناس دي.

شال إيدها وغطاها وسابها وطلع برة. دخل على أوضته وفضل يفكر لغاية ما النوم غلبه. عند زياد. نور: ها يا ابني فهمت؟ زياد: لا طبعاً مش هعمل كده. نور: انجز يا زياد بقى، وحياة حياتي وحياة. زياد: أنتِ عايزة تموتيني قولي قولي. نور: شكلك جبان وخايف. يا أخي عيب على العضلات دي. زياد: هو مين ده؟ طب استنى. نور: أيوه بقى ياختي ياختي على البجرامي بتاعك. زياد راح عند واحد بعضلات كتير وضخم قوي وراح قايله: أنت يا كابتن.

الراجل بص لزياد وكان وشه مشوه واخد مطوتين في وشه. زياد بص لـ نور. زياد: يا بنتي المسامح كريم. نور: أنا مش كريمة يا زياد. اتصرف يلا. زياد بص للراجل تاني. زياد: أنت عاكسِت الآنسة اللي هناك دي. الراجل: آه فيه حاجة؟ زياد: هه لا بسأل بس. نور: زياد. زياد: أقصد أنت عبيط ولا إيه؟ أنت إزاي تعاكسها؟ دا أنت ليلة أهلك سودا. الراجل: أنا ليلة أهلي سودة؟ طب تعالي يا حبيب ماما. الراجل مسك زياد وأداه حتة علقة.

نور: أيوه يا أبو الزيادات شاطر. زياد: منك لله يا شيخة أنا اتشلفط. نور: معلش يا روحي. زياد: إيه؟ نور: هه طلعت عفوية. زياد: بس طالعة منك عسل. نور ضربته على إيده. زياد: آآآه يا بنت المتخلفة أنا متكسر قدامك. نور: آه معلش معلش. بعدين أنت اللي غلط الله. زياد: طب عدّي عدّي قدامي. في ناحية تانية في شقة. عصام ومسعد. مسعد: آآآه بالراحة يا عصام. عصام: حقك عليا. أهاه. مسعد: أنت شفت الچدع اللي كان مع بت عمك ده؟ عصام: أيوه.

مسعد: إني متأكد إنه مش چوزها ولا حاجة. عصام: ليه بتقول كده؟ مسعد: معرفش. بس إني متأكد من كلامي. عصام: طيب هتأكد كيف؟ مسعد: إني هقولك. عصام: قول. مسعد: احنا بكرة. عصام: يخرب عقلك. حلوة الخطة دي. موافق. مسعد: بس عايز خلال ساعة تكون معلوماته عندك. عصام: أمر. مسعد: هتبجي ملكي ي حور غصب عنك. تاني يوم صحوا من النوم ونزلوا يفطروا. انس: هههه إيه يا ابني اللي عمل فيك كده؟ زياد: لا دي قرصة ناموسة. انس: هههه دا طور مش ناموسة.

حور نزلت. حور: صباح الخير. زياد: صباح العسل. انس: احمممم. زياد: أقصد صباح النور. حور: هههه إيه دا مالك؟ زياد: لا دي ناموسة متاخديش في بالك. حور: ااه طيب. فجأة الباب خبط. انس: مين يا أمينة؟ أمينة: دا البوليس بيسأل على حضرتك يا انس بيه. خرج انس. انس: نعم. الظابط: انس بيه، فيه واحد اسمه مسعد إبراهيم سلامة عامل محضر في حضرتك بيتهمك فيه باختطافك للآنسة حور محمد سلامة بنت عمه.