رواية أحببتها في منامي الفصل السابع 7 - بقلم اية سلمان

الظابط: انس بيه، فيه واحد اسمه مسعد إبراهيم سلامة عامل محضر في حضرتك، بيتهمك فيه باختطافك الآنسة حور محمد سلامة بنت عمه. انس: إزاي يعني يا فندم؟ هخطف مراتي. مسعد: مش مرتك. انس: حووور. حور: نعم. انس: اطلعي هاتي القسيمة من فوق. حور: حاضر. طلعت حور جابت ورقة ونزلت، أدتها لـ انس. انس: حضرتك، دا عقد جوازنا، والقسيمة الأصلية لسه مطلعتش. مسعد: الجسيمة دي مزورة.

انس: حضرتك تقدر تكشف ع صحة الأوراق دي وتعرف هي حقيقية ولا لا، بس خلي بالك، اللي بيحصل دا مش هيعدي ع خير، وأنت عارف أنا مين كويس، أكيد. الظابط: لا، ملوش لزوم يا انس بيه، إحنا آسفين ع الإزعاج. عصام (أخو مسعد) : هو إيه أصله ده؟ خلاص أكده. الظابط: اخرس خالص، أنتوا متهمين بتهمة البلاغ الكاذب وإزعاج السلطات. مسعد بص لـ انس وحور بشر، وقرب من انس وهمس: مش ههنّيك بيها يا ولد البندر. انس: مع السلامة. مشي الظابط.

زياد: إيه اللي أنا شوفته ده؟ اتجوزتوا إمتى وإزاي؟ انس: أنا هفهمك. انس صحي من النوم وراح لأوضة حور وخبط ع الباب. حور: ادخل. انس: صحيتي. حور: آه، من شوية. انس: ممكن أعرف مين دول وليه بيعملوا كده؟

حور: أنا هقولك كل حاجة، أنا أصلاً من الصعيد، ومسعد وعصام دول يبقوا ولاد عمي، أبويا وأمي ماتوا في حادثة عربية، كنا نازلين مصر وعملنا حادثة، أنا محصليش حاجة، شوية كدمات، أمي ماتت في الحادثة دي، وأبويا من قهرته عليها مات بسكتة قلبية، عمي أخدني يربيني مع ولاده مسعد وعصام وورد، وبعدها سمعت عمي بيتفق مع مسعد ابنه على إنه يتجوزني ويمضيني تنازل عن الورث بتاعي، أنا قررت أهرب، لاكن وأنا بهرب مسعد شافني ومسكني...

وبدأت تبكي بهستيريا وكملت: حاول يعتدي عليا، بس ورد هي اللي لحقتني وقتها وساعدتني أهرب، وهو من وقتها وهو بيدور عليا. انس: طيب، أولاً عايزك تهدي، طول ما أنا معاكي هو مش هيقدر يقرب منك، ثانياً أنا قولتلُه إنك مراتي، بس هو لو جه وعرف إن ده كدب ممكن ياخدك. حور: يا لهوي، طب وإيه العمل؟ انس: لازم نتجوز، مفيش وقت للتفكير، إحنا مضطرين، هنتجوز ورقي، وبعد كده لو حابة تطلقي براحتك. حور: موافقة. انس طلع فونُه ورن ع مروان.

انس: الو، أيوه يا مروان. مروان: إيه ياسطا، فيه إيه؟ انس: عايزك تجيبلي مأذون دلوقتي حالا. مروان: إيه ده؟ مين اللي بيتجوز؟ انس: أنا. مروان: نعم يا خويا. انس: انجز يا مروان، نص ساعة وتكون عندي بالمأذون. مروان: أيوا بس... الو، الوووو يا بنت الـ... قفل انس مع مروان. نهاية الفلاش. انس: بس كده. زياد: يبن اللعيبة، إيه الدماغ دي. انس: عيب عليك. زياد: يعني دلوقتي حور مراتك؟ أيواااا بقي يا مرااات أخووياااا! حور: احم، عن إذنكم.

انس: رايحة فين؟ حور: أوضتي. انس: أنا قولت لـ أمينة تنقل حاجاتك لأوضتي. حور: نعااام؟ انس: اطلعي، وأنا هاجي وراكي. حور: 😳 انس: اطلعييي. حور: ح حاضر. طلعت حور. زياد: أيوه يا عم الحمش. انس: بس يااض، أيوه صح، أمك فين؟ منزلتش ع الفطار. زياد: لا، أنا امبارح وإنت مش هنا، طلبت مني أوديها تقعد عند أختها يومين. انس: وشافتك بوشك ده؟ زياد: لا، ده كان قبل العلقة. انس: طيب، عن إذنك. زياد: إذنك معاك يا عريس، عايزين ولدين وبنت، هه.

انس: غور يااض. طلع انس لـ حور وفتح الباب فجأة. حور: مش تخبط. انس: أخبط عشان أدخل أوضتي؟ حور: ممكن أفهم انت نقلت حاجتي هنا ليه؟ انس: اقعدي، عايز أحكيلك حاجة. حور: فيه إيه؟ انس: أنا هحكيلك حاجة انتي ممكن متصدقيهاش يا حور، بس والله ده حصل. حور: فيه إيه؟ قلقتني. انس: أنا حلمت بيكي. حور: ده زي فيلم ظرف طارق وكده ولا إيه؟ انس: مش بهزر، أنا حلمت بيكي بجد، فضلت أحلم بيكي لمدة شهرين كاملين.

حور: عشان كده أما شفتني سألتني اتقابلنا ولا لا، وأخوك كان بيقول "هي دي بتاعة الحلم". انس: أيوه. حور: 😳 انس: حور، أنا بحبك، بحبك بجد. حور: انت متعرفنيش يا انس عشان تحبني، انت مجرد حلمت بيا. انس: لا، أنا بحبك بجد يا حور، كنت ببقي مبسوط قوي لما بتجيلي في الحلم، كنت دايما أقول إنك موجودة، وأكيد هلاقيكي وهنتقابل، أنا عايزك تصدقيني يا حور، لو سمحتي، ممكن تديني فرصة أكدلك إني بحبك فعلاً. حور: إزاي؟

انس: أنا هثبتلك خلال أسبوع واحد إني بحبك وهخليكي تقعي في حبي، بس كل اللي طالبه منك تفضلي معايا هنا، في الأوضة. حور: بس... انس: أرجوكي. حور: موافقة. انس قرب من حور وطبع قبلة رقيقة على شفايفها. حور انتفضت وبعدت فجأة، ووشها بقى زي الطماطم، وحست إن ضربات قلبها بقت سريعة. حور: ااا أنت أنت أنا أنا... انس: ههه، أهدي، أهدي، فيه إيه؟ أنا جوزك بعدين، دي بوسة، إيه؟ حور: طط طيب، ممكن أدخل الحمام؟ انس: أيوا طبعاً، ههه، ادخلي.

حور جريت ع الحمام وقفتلت ع نفسها. حور: ااااه، قلبي هيقف، إيه؟ فيه إيه؟ يا لهوي، يا لهوي، قلبي هيقف. انس: ههه، متخافيش، مش هيقف. حور (في سرها) : يلهوي، سمعني. انس: إيه؟ هتفضلي جوة؟ حور: لا، خارجة أهو. خرجت حور بعد ما غيرت لبسها لبيجامة بنص كم وبرمودا للركبة. انس سرح في شكلها. حور (بكسوف) : احم، إيه؟ فيه إيه؟ انس: إيه القمر ده. حور: 🤭 انس: شكلك حلو قوي وإنتي مكسوفة. حور: احم، ط طيب، أنا هنام فين؟ انس: هنا ع السرير.

حور: طيب، وإنت؟ انس: برده ع السرير. حور: نعم؟ انس: ههه، إنتي مراتي على فكرة. حور: ل لا، أنا ه هنام ع الكنبة. انس: ششش، تعالي نامي. حور: لا، هنام ع... انس شدها ع السرير وأخدها في حضنه. انس: قولتلك نامي يا حور. حور كانت مكسوفة جداً، فاستخبت في حضن انس. انس ابتسم ع رد فعلها وضمه ليه جامد. انس: تصبحي ع خير يا حوري. حور: وإنت من أهله. ناموا الاتنين وطلع النهار.

حور بتتقلب، ملقتش انس جنبها، صحيت بتبص حواليها ملقيتهوش في الأوضة، بتبص لقت ورقة محطوطة جنبها مكتوب فيها: "صباح الجمال ع عيونك، فيه فستان محطوط في أوضة اللبس، عايزك تلبسيه وتكوني جاهزة الساعة 6، بحبك." ابتسمت حور وقالت: قلبها: شكلي هحبك ولا إيه يا بن الفرماوي. عقلها: لا، انتي بيتهيألك، متديش أمان لحد. قلبها: اسكت انت، هو بيحبها. عقلها: مبحبكيش. قلبها: بيحبك. حور: باااااس.

قامت حور، غسلت وشها، ولبست الفستان، كان أسود طويل، ضيق من فوق نازل ع واسع، مرصع بالماسات، وحطت ميك اب سمبل. وفردت شعرها الطويل ع ضهرها، ولبست جزمة بنفس لون الفستان، ونزلت لقت انس واقف قدام العربية، ولابس بدلة سودا وقميص أبيض، وشكله يخطف النفس. عند انس: انس بيبص لقاها خارجة ولابسة الفستان اللي جابهولها وشكله يسحر عليها، فضل سرحان في شكلها. حور (بكسوف) : انس، انس. انس (فاق) : إيه القمر ده. حور: ميرسي ☺️

انس: اتفضلي اركبي. حور: هنروح فين؟ انس: هتعرفي، بس مش دلوقتي. ركبت معاه وفضلوا ماشيين لحد ما وصلوا لمكان. انس ربط قماشة سودا ع عين حور. حور: انت مغمي عيني ليه؟ انس: هتعرفي دلوقتي. فضلوا ماشيين، وفجأة انس ساب حور ومشي. حور: انس، انس، انت مش بترد ليه؟

شالت الشال من ع عينيها، بتبص لقت نفسها في دايرة كلها ورد، والمكان حواليها مزين بالشموع والورد وأنوار، وهي في مكان ع جبل ومصر كلها باينة قدامها، وفجأة لقت ألعاب نارية بتطلع في السما واسمها. حور عينها دمعت، جه من وراها انس وحضنها من ضهرها. انس: عجبك؟ حور: قوي قوي. انس لفها ليه وطلع من جيبه خاتم ماس وركع ع ركبته، ولبسه لـ حور. انس: تقبلي تكوني حرم انس الفرماوي؟ حور: موافقة 😀 انس حضن حور وفضل يلف بيها.

حور: انس، خلاص كفاية دوخة 😂 انس نزلها وحط جبينه ع جبينها. انس: بعشقك يا حور. حور: انس، أنا لازم أعترفلك بحاجة مهمة. انس: بعدين يا حور، خلينا في الجو الرومانسي ده دلوقتي. حور: لا يا انس، لازم أقولك. انس: قولي. حور: انس، إحنا اتقابلنا قبل كده فعلاً. انس: نعم؟ حور: أصل بصراحة... وفجأة صوت طلقة طلع في الهوا.