رواية احببتها وسط انتقامي الفصل الخامس عشر 15 - بقلم فريده محمد

ميرنا قاعدة وماسكة التليفون. فجأة وصلها رسالة. محتوى الرسالة: جوزك بيخونك وهو دلوقتي معايا. ولو عايزة تتأكدي تعالي العنوان ده. ميرنا اتصدمت. بس قامت بسرعة لبست ونزلت وراحت العنوان اللي في الرسالة. طلعت الشقة وخبطت. فتحت لها بنت كانت لابسة قميص نوم وعليه روب. ميرنا زقتها ودخلت جوه. دخلت شافت أدهم. أدهم بصدمة: ميرنا… انتي جيتي هنا إزاي؟ ميرنا بتبصله بدموع وقهر. ميرنا نطقت بصعوبة: طلقني. ولفت ومشيت.

أدهم: استني يا ميرنا. أدهم مسح على وشه بغضب. ميرنا مشيت وهي مصدومة. أدهم بسرعة دخل لبس القميص وطلع وراها. البنت اللي كانت معاه (هايدي) وقفت قدامه بدلع. هايدي: حبيبي انت رايح فين؟ انت بتحبني أنا. أدهم بعصبية: امشي من قدامي. وخرج بسرعة ورا ميرنا. ميرنا نازلة من الشقة وهي منهارة من العياط. أدهم لحقها ووقفها. ميرنا بعصبية وصوت عالي ومنهارة: عايز إييييييه؟ سيبني في حالي بقااااااا. أدهم براحة: تعالي أوصلك. ومسك إيدها.

ميرنا شدت إيدها منه وبعصبية: اوعى كده. عايز مني إيه؟ جيت ورايا ليه؟ روح للي كنت معاها وعيش حياتك براحتك. أدهم وبيحاول يبقى هادي: طيب اركبي. وفي البيت نتفاهم. ميرنا بعصبية وخبطته على صدره: نتفاهم في إيه هااااا؟ نتفاهم في إيييه بعد ما شفت خيانتك بعيني وبتقولي نتفاهم؟ يابجاحتك يااخي. ميرنا خدت نفس: أنا هروح على بيت ماما وهتبعتلي ورقتي هناك. أدهم بهدوء: طيب اركبي. ميرنا: مش هركب معاك.

أدهم بعصبية: اركبي. إحنا في الشارع.. اخلصيييي. وفتح العربية: يلااا. ميرنا: أنا مش همشي معاك. أنا هروح عند أهلي. أدهم: اركبي وعدي يومك. ميرنا: مش هركب. وزقته وجت تمشي. أدهم شدها مرة واحدة وراح ضربها بالقلم وزقها في العربية وركب وساق بجنون. وميرنا عمالة تعيط. بعد وقت. أدهم وصل عند البيت. وقف العربية. ميرنا نزلت من العربية ودخلت تجري على جوه وهي منهارة من العياط. أدهم لف بالعربية ومشي تاني.

ميرنا دخلت وهي بتعيط. قابلتها شهيرة ومها. شهيرة بخضة: إيه في إيه؟ مالك… وانتي كنتي فين كده؟ مها: في إيه يا ميرنا؟ بتعيطي ليه؟ شهيرة: يا حبيبتي اتكلمي. إيه اللي حصل. ميرنا بشهقات: ابنك بي.خو.ني. شهيرة: انتي بتقولي إيه؟ اهدي كده وفهميني. ميرنا: ابنك المحترم كان في شقة ومعاه واحدة وأنا شفتهم بعيني. شهيرة: طيب اهدي. فريدة نزلت على الصوت. فريدة: هو في إيه؟ شهيرة بصت لها وما اتكلمتش وهي بتهدي في ميرنا.

مها ردت: ميرنا اتخانقت مع أدهم. ميرنا مسحت دموعها: أنا هروح عند ماما ويا ريت تخليه يطلقني. شهيرة: اهدي بس يا حبيبتي. طلاق إيه بس. ميرنا بعصبية: إيه حضرتك متخيلة إني هعيش معاه تاني بعد ما شفت خيانته بعيني؟ وطلعت على فوق بغضب. مها طلعت وراها وفريدة كمان. عند أدهم. رجع الشقة تاني. هايدي أول ما شافته ابتسمت وقربت عليه ولفت إيديها حوالين رقبته. هايدي: حبيبي كنت عارفة إنك هتيجي. أدهم

نزل إيديها واتكلم بهدوء: مراتي عرفت منين إنك معايا؟ هايدي بتوتر: معرفش. أدهم بعصبية: انطقي يا روح أمك عرفت منييين؟ هايدي: قلتلك ما اعرفش. أدهم ضربها بالقلم. أدهم: انتي فاكرة إن الشويتين دول هيخلوا عليا؟ انطقيي. هايدي بعياط: أيوا أنا اللي بعتلها رسالة. أدهم راح ضربها بالقلم تاني: عملتي كده ليييه؟ هايدي بعياط: عشان بحبك. أدهم بغضب: وانتي فاكرة لما تعملي كده هسيب مراتي؟ انتي نسيتي نفسك؟

هايدي: لا ما نسيتش. بس أنا بحبك وانت كمان بتحبني. أدهم: بحب مين يا زبالة انتي؟ انتي صدقتي نفسك؟ انتي رخيصة يابت. هايدي: بس انت ما بتحبهاش. ما تكدبش على نفسك يا أدهم. انت بتحبني أنا. انت نسيت كلامك ليا. أدهم مسكها من شعرها: انتي هتقارني نفسك بيها يا رخيصة. ونزل فيها ضرب. أدهم: قسما بالله العظيم لندمك على اللي انتي عملتيه ده يا بنت الكلب. وزقها برجله: هرجعلك تاني ومش هرحمك. وقفل عليها ومشي.

عند ميرنا. نزلت ومعاها شنطة هدومها. شهيرة: بردو مصممة… يا بنتي اهدي وما تخربيش بيتك. أدهم دخل بعد ما شهيرة كلمته وقالتله يجي. ميرنا بصت عليه بغضب. وياسين كمان كان رجع. ميرنا مسكت الشنطة وجت تمشي. ياسين: استني يا ميرنا. ميرنا: استنى إيه؟ أنا لا يمكن أعيش معاه تاني… خليه يطلقني يا ياسين. انت بنفسك قلتلي لو حصل حاجة هطلقك منه. وما فيش أكتر من إني شفته بيخوني. هستنى لحد ما يحصل إيه تاني؟

ياسين بص لأدهم بغضب ويأس: ماشي يا ميرنا. تعالي أنا هوصلك. واخدها ومشي تحت نظرات أدهم اللي ساكت ومتكلمش. شهيرة بغضب لأدهم: ليه بس كده لييه… عاجبك اللي حصل ده؟ أدهم ما تكلمش وسابهم وخرج. ياسين وصل ميرنا ورجع البيت. ياسين: أدهم فين؟ شهيرة: خرج… ياسين: عملت إيه؟ شهيرة: هعمل إيه يعني ابنك بوظ الدنيا. شهيرة: ربنا يهديه. ياسين: أنا قولتلك من الأول جوازتهم مش هتنفع. انتي اللي أصرتي على كده.

شهيرة: يعني أنا دلوقتي اللي غلطانة؟ ياسين: أيوا ياماما. شهيرة: عموما أنا كنت شايفة إن جوازه من ميرنا في مصلحته خصوصاً إنها بتحبه. ياسين: وهو إيه… بيحبها؟ شهيرة: سكتت. ميرنا قاعدة في الأوضة وقافلة على نفسها. مامتها من بره: يا حبيبتي افتحي. ميرنا بعياط: يا ماما سيبيني. مش قادرة أتكلم دلوقتي. أرجوكي. مامتها: طيب ريحيني بس. أدهم عمل لك إيه؟ ميرنا: أدهم بيخو.ني يا ماما. ارتحتي؟ سيبيني بقى لو سمحتي. وقعدت تعيط بقهر.

ميرنا: ليه كده يا أدهم.. ده أنا ما حبتش حد في حياتي غيرك.. عملت لك إيه عشان تعمل فيا كده؟ وقعدت تعيط لحد ما نامت.