رواية احببتها رغم عجزها الفصل العاشر 10 - بقلم الكاتبة الصغيرة

بوسي عمالة تضحك على تصرفات أخوها. مازن: بوسي بطلي ضحك وقومي روحي مع كيان تجهزوا. بوسي: ههههه. بوسي وكيان دخلوا عملوا أكل وحطوه وقعدوا ياكلوا ويهزروا سوا. بعد ما مشي مازن، بيبص لاقي تليفونه بيرن. مازن: كيان. كيان: ادخلي انتي وأنا هعمل مكالمة وأجي وراك. مازن: ماشي. مازن: ألو. فاطمة: مازن الحقني بسرعة. مازن أول ما سمع كدا طلع يجري. كيان شافته وفضلت تنادي عليه، مردش عليها. كيان: ربنا يسترها يارب.

كيان: أرن على بوسي ولا بابا أطمئن عليهم وأسألهم في إيه ولا أعمل إيه؟ وقعدت تفكر. مازن وصل عند فاطمة، لاقي باب الشقة مكسور وهي مضروبة والبيت مبهدل وهي قاعدة بتعيط. راح جري عليها. مازن: في إيه مالك؟ فاطمة: في ناس اتجمت عليا وسرقتني. مازن: إزاي ده؟ ومردتيش عليا من بدري ليه؟ فاطمة: ما أنا عمالة أرن وانت مش بترد عليا. مازن بحزن: معلش ياروحي غصب عني. وراح شايلها ومدخلها الأوضة.

مازن: يلا خدي دش وأنا هبلغ الشرطة تيجي تشوف الشقة وتاخد البصمات. فاطمة بتوتر: لا متبلغش. مازن باستغراب: ليه؟ فاطمة: عشان هما هددوني لو بلغت الشرطة هيموتوني. مازن: اهدي طيب ومتخافيش أنا جنبك. فاطمة حضنته: متسبنيش يامازن عشان خاطري. مازن: متخافيش أنا جنبك، يلا قومي خدي دش وارتاحي عقبال ما أعملك حاجة تشربيها. فاطمة: حاضر. ودخلت الحمام ومازن راح المطبخ. كيان قاعدة قلقانة وعمالة ترن على مازن، تليفونه مقفول.

كيان: استرها يارب. كيان: يارب يرجعلي مازن بخير. فاطمة أخدت الدش وطلعت. وكانت لابسة قميص نوم بحمالات وقصير لحد الركبة. ومازن عمل شاي وراح لها الأوضة. لاقاها لابسة كدا وواقفة قدامه. مازن: إيه اللي انتي لابسة ده؟ البسي حاجة طويلة أو بجامة. فاطمة: الجو حر وانت عارف إني بحب أنام كدا. مازن: طيب خدي اشربي الشاي عشان تنامي وأنا هروح وأجيلك الصبح. وطلب شغالة تيجي تظبطلك البيت. فاطمة: هتسبني وتروح؟ مازن: آه. فاطمة: ليه؟

فاطمة بعياط: خايفة أحسن ييجوا تاني. مازن: متخافيش، لو حصل أي حاجة رني بس عليا وأجيلك. فاطمة: لا نام هنا ومتسبنيش. وراحت ماسكة فيه. مازن: مينفعش أنام هنا. فاطمة: ليه؟ انت مش حبيبي وهنتجوز قريب. مازن: إن شاء الله. مازن: طيب روحي نامي وأنا خمسة وأجيلك. فاطمة: لا مش هتسبني. وراحت شداه من دراعها وراحت عند السرير رقدت وهي ماسكة فيه. مازن: طيب نامي وأنا هنام على الصفاية دي.

فاطمة: لا نام جمبي، ماهو انت أوقات بتنام جمبي عادي. مازن بتوتر: طيب أعمل مكالمة وأجي. فاطمة: مفيش حاجة هتتعمل، ويلا اخلع القميص ده عشان تنام. مازن: لا نامي بس وأنا مرتاح كدا. فاطمة بعياط: انت مش مازن بتاع زمان، انت اتغيرت أوي. خلاص روح يامازن وأنا هقعد لوحدي وسيبني. مازن بحزن: لا أنا هفضل جنبك دايما، مش انتي حبيبتي. يلا نامي وحاضر هخلع القميص أهو. وخلعه ورقد جمبها وهي حضنته وناموا. ومازن فضل صاحي عمال يفكر في كيان.

وكيان قاعدة على الكرسي جمب الباب وقلقانة عليه وخايفة. الصبح. فاطمة صحت لاقت مازن قاعد جمبها وبيشرب سيجارة. فاطمة: صباح الجمال ياقمري. مازن: صباح الورد، عاملة إيه دلوقتي؟ فاطمة: الحمدلله. مازن: طيب كويس، أقوم أنا بقا أروح عشان عندي شغل عند بابا. فاطمة بحزن: هتسيبني برضو؟ مازن: معلش، هروح وأبقى أجيلك تاني، ولو حصل حاجة ولا عايزة حاجة رني عليا. فاطمة: ماشي، بس مش هتمشي غير لما تفطر معايا.

مازن: طيب، بس بسرعة قومي اعملي فطار. فاطمة: ماشي، بس تعال اعملوا معايا. مازن: حاضر، يلا. ورااحوا عملوا الفطار سوا وقعدوا ياكلوا. مازن: يلا بقا همشي أنا. فاطمة: ماشي ياقلبي. وراحت حضنه وبسته. مازن: سلام. ومشي. ركب العربية وبسرعة على البيت. وهو سايق بيفكر هيقول إيه لكيان لما تسأله كان فين لحد ما وصل البيت. وفتح الباب لاقي كيان نايمة على الكرسي جمب الباب. مازن بحزن: أكيد فضلت قاعدة سهرانة وقلقانة عليا، استرها يارب.

وراح زقها بالكرسي ودخل الأوضة وشالها ونيمها على السرير. وجه طالع من الأوضة كيان فاقت. كيان: مازن، انت جيت. مازن بتوتر عشان مش عارف هيقولها إيه لما تسأله كان فين: آه جيت. كيان بخوف: انت كويس؟ مازن قرب منها: آه كويس، متخافيش. كيان: كنت فين؟ قلقتني عليك طيب. مازن بتوتر: لا مفيش حاجة، ده واحد صاحبي تعب امبارح ورحتله. كيان: ألف سلامة عليه، وهو كويس دلوقتي؟ مازن: آه. كيان: طيب مرنتش طمنتني عليه ليه؟

أنا رنيت كتير تليفونك مقفول. مازن بتوتر: آسف، بس معرفتش أرن عليك. كيان: ماشي، حصل خير، بس متخوفنيش تاني كدا عليك. مازن: حاضر، يلا نامي وارتاحي، أكيد منمتيش امبارح وكنتي سهرانة. كيان: لا عادي، استنى أعملك فطار عقبال ما تاخد دش. مازن: ماشي. كيان بضحك: تعال ساعدني بقا ورجعني على الكرسي زي ما شلتني من عليه. مازن بضحك: وأنا مالي، مش انتي مش بتحبي حد يساعدك؟ كيان: آه، بس انت اللي شلتني من عليه، يبقى رجعني مكاني يلا.

مازن: تدفعي كام؟ كيان: ربع جنيه مخزوم. مازن: ههههههه، أعمل بيه إيه ده؟ ده ميجبش لبانة. وراح قرب منها وشالها حطها على الكرسي. وهو بيحطها وهي ماسكة فيه، بصت لقت روج على القميص بتاعه. كيان: مازن. مازن: إيه تاني؟ أنا رجعتك مكانك، يلا بقا اعملي الفطار لوحدك. كيان: انت كنت مع صاحبتك طول الليل صح؟ مازن بتوتر: آه. كيان: ليه؟ كيان: أصل في روج بتاع واحدة صاحبتك على قميصك، هو صاحبك بيحط روج؟ مازن بتوتر ولف إيدها ودورها: امممم.

كيان: أصل إيه؟ مازن: أصل هو ومراته، روحت لقيتهم هو ومراته تعبانين، وطبعاً شلت مراته عشان أحطها في العربية، وأكيد الروج ده منها. كيان: امممم، ماشي، وهي كويسة؟ مازن: آه الحمدلله. كيان: طيب روح خد الدش يلا. مازن: حاضر ياقمري. كيان: اخلص يامازن يلا. مازن: هو أنا جيت جمبك يابنت انتي يا مزة. كيان: إن مسكتش هلبس النقاب تاني. مازن: اعمليها كدا وأنا أوريك هعمل إيه. يلا روحي اعملي الفطار. كيان: هتعمل إيه يعني؟

مازن: سيبيها لوقتها، يلا. كيان: حاضر. وراحت عملت الفطار، وهو دخل أخد دش وطلع وهو لابس الشراب بس. وكيان كانت داخلة تنادي عليه. كيان: مازن، خلصت. وأول ما لقيته طالع كدا عليها، حطت إيدها على وشها ولفّت الكرسي. مازن: ههههههه، آه خلصت. كيان: في حد يطلع كدا؟ مش تاخد لبسك معاك وانت داخل الحمام. مازن بضحك على كيان: هو أنا في بيت حد غريب؟ أنا في بيتي ومافيش حد غريب عشان يشوفني كدا، فعدي. كيان: طيب روح البس وتعال عشان نفطر.

وجت تطلع. مازن مسك الكرسي: لفي، انتي مكسوفة من إيه؟ كيان: ها، ولا حاجة. وهي حاطة إيدها على وشها. مازن: واضح، شيلي إيدك، انتي مراته وعادي، لفي يلا كلميني. كيان: لا، وسيب الكرسي خليني أطلع. مازن: طيب لفي وريني خدودك اللي بقت شبه الطماطم. كيان: لا وأوعى بقا. وراحت طالعة. مازن: ههههههه، مجنونة بس قمر. مازن بيلبس اللبس وكيان راحت المطبخ. كيان بصوت عالي: آآآآه، ماززززن.