رواية احببتها رغم عجزها الفصل الأول 1 - بقلم الكاتبة الصغيرة

انت بتقول إيه يا بابا؟ انت عايزني أتجوز واحدة عاجزة؟ أنا مازن المصري اللي كل البنات بتتمنى إني أتكلم معاها، أتزوج واحدة عاجزة؟ محمد: يا حبيبي، أبوها وأمها اتوفوا في حادثة، وما فضلش غيرها، وبقت عايشة لوحدها، وأبوها كان صاحبي، وقبل ما يموت قالي: "كيان أمان في رقبتي"، عايزني أخون الأمانة وأسيبها؟ مازن: ماليش فيه، أنا قولت مش هتجوزها، يعني مش هتجوزها. وفيها إيه لو تاخد بالك منها من غير ما تتجوزها لي؟

محمد: كيف آخد بالي منها بصفتي إيه؟ الناس هتتكلم، وهيطلعوا عليها سمعة وحشة، والبنت سمعتها، ومينفعش. مازن: بابا، أنا قولت مش هتجوزها، يبقى خلاص. زائد، أنا أصلاً بحب واحدة، وانت عارفها كويس. محمد: قصدك فاطمة اللي كل يوم ترجع الصبح، ومقضيها خروجات وسهر؟ لأ يا مازن، مش هتتجوز غير كيان، وده آخر كلام عندي. مازن: مش هتجوزها، شوف بقى هتعمل إيه.

محمد: لو متجوزتش كيان، يبقى انت ولا ابني، ولاد أعرفك. وده آخر كلام عندي، براحتك بقى. مازن: بقا عشان العاجزة دي هتتبرأ مني؟ محمد: البت دي ليها اسم، كيان، وبقت بنتي خلاص. وانت في إيدك كل حاجة، يا إما تختار تتجوزها وتبقى ابني حبيبي، يا إما متتجوزهاش وتتجوز فاطمة وتكون ولا ابني ولا أعرفك. مازن بص لأبوه ومشي. محمد: بتبصيلي ليه كده؟ ملك: كل ده عشان العاجزة؟ عايز تخسر ابنك؟ انت أب؟

محمد: لا والله، وانتِ أم أووي، بتسيبي عيالك، ودايماً سهر وحفلات وخروجات، ولا بتاخدي بالك منهم. ملك: آخد بالي منهم ليه؟ وأنا جايبالهم داده؟ محمد: لا بجد، برافو. وعشان كده عاجباك فاطمة عشان شبهك، بس أنا مش هخلي ابني يتجوز واحدة شبهك، كفاية أنا والمعاناة اللي عايشها معاكي. ملك: معايا أنا؟ طلقني لو مش عاجبك. زائد، انت عارف إن من قبل ما نتجوز وأنا كدا. خدتني ليه من الأول؟ محمد: كانت غلطة وندمان عليها. وسابها ومشي.

ملك: ماشي يا محمد، أنا أعرفك أنا غلطة كيف. في مكان آخر، بنت قاعدة على كرسي بعجل، وعمالة تزقي ورد في الجنينة. كيان: يابنتي، كيان. كيان: نعم يا داده، أنا هنا في الجنينة. فتحية جت تجري عليها: قلقتيني عليكي، مش تقولي إنك هنا. كيان: متخافيش، أنا كويسة. المهم، طمنيني، صح، أمل ومكرم عاملين إيه؟ ومحتاجين حاجة؟ فتحية: كويسين الحمد لله. ويحتاجوا إيه وانتي جنبهم؟

انتي مخليهم مش محتاجين حاجة خالص. ربنا يسعدك ياحبيبتي، وشكراً على كل حاجة بتعمليها لعيالي. كيان: شكراً إيه بس، عيالك يعتبروا زي إخواتي، وانتي زي أمي. الله يرحمها، كفاية وقفتك جنبي، وإنك مسبتنيش في الظروف دي. فتحية: في حد يسيب بنته يا هبلة؟ انتي، وكمان ظروف؟ انتي قمر، وإن شاء الله هترجعي تقفي تاني على رجلك، وهتجري وتتنطي زي زمان. بس ده اختبار من ربنا ليكي. كيان: الحمد لله.

فتحية: صح يا بنتي، عمك محمد جاي في الطريق، رن وقالي. كيان: أنكل محمد جاي دلوقتي؟ ليه؟ في حاجة؟ محمد من وراهم: هو لازم عشان أجي أشوف مرات ابني، يبقى لازم في حاجة؟ كيان: مرات ابنك؟ مازن المصري، شاب وسيم جداً، عنده 28 سنة، بتحبه كل البنات وبتعجب بيه، عنده عيون خضر، وشعره أسمر، وعنده عضلات، وطويل ومزة مزة. كيان البنهاوي، فتاة جميلة جداً، عيونها رمادي، وبشرتها بيضة، وجسمها مظبوط، وجميلة جداً.