رواية احببتها رغم عجزها الفصل الثاني 2 - بقلم الكاتبة الصغيرة

محمد: أه مستغربة ليه كدا. كيان: ومازن وافق كيف وأنا كدا. محمد: مالكيش فيه، يلا بس موافقة. كيان: أه بس لازم هو. محمد: وهو موافق، يلا بقا بكرة هجيب المأذون ونكتب الكتاب ونحدد الفرح وكل حاجة. كيان: بالسرعة دي. محمد: أه، معندناش وقت، يلا أسيبك وتروحي ترتاحي، هتعوزي حاجة. كيان: عايزة سلامتك. محمد: تسلمي يابنتي، تصبحي على خير. كيان: وأنت من أهل الخير. محمد بعد ما مشي. كيان: داده أنا خايفة، ليكون غصب مازن عليا.

فتحي: كيان، أنتِ بتحبي مازن صح. كيان: أه بحبه من أول مرة جه عندنا. #فلاش _باااك من عشر سنين. كيان: عمو عمو، مين الواد الطويل اللي هناك ده. محمد بضحك: هههه، ده مازن ابني ياحبيبتي. كيان: وهو طويل زي النخلة ليه كدا. محمد: اسكتي طيب عشان ميسمعكيش. كيان: اش، هخاف منه أبو طويلة ده، وراحت ناحيته. كيان: أبو طويلة، أبو طويلة، لف كلمني. مازن لف وعمال يدور على مصدر الصوت. كيان: بص تحت يانخلة.

محمد وأحمد أبو حياة ومامتها واقفين عاملين يضحكوا. مازن بيبص تحت: عايزة إيه ياسلحفة. كيان: اش سلحفة أنا يانخلة. مازن: سلحفة عشان مش باينة من الأرض. كيان: أصلا أنت نخلة وبارد، اش تقولي ياسلحفة، وبدأت تعيط. مازن: بس متعيطيش، خلاص متزعليش، أنتِ قمر، حاجة تاني. كيان: لا وأنت مززز. مازن: إيه ده، أنتِ بتعاكسيني. كيان: اتنيل بجاملك يانخلة. مازن: والله عيلة لمضة، ام، قوليلي أنتِ في سنة كام. كيان: في سنة سادس ابتدائي، وأنت.

مازن: ياثغنن، أنا بقا في تالتة ثانوي. كيان: الله، يعني هتطلع دكتور. مازن: إن شاء الله، ادعيلي. كيان: من عيوني، عارف أنا أي حاجة بدعيها ربنا بيسمعني ويحققها. مازن: طيب ادعيلي بقا. كيان: حاضر. #الحاضر كيان: ومن ساعتها وأنا بدعيله لحد دلوقتي، أه مدخلش طب بس اتفوق وبقى حاجة كبيرة جدا، فين الجامعة، وكان نفسي يدرسلي بس كان مسافر، ومن ساعتها بتمنا أشوفه. فتحيه: يااا، يابنتي بتحبيه من ساعتها. كيان: أه يادادة.

فتحيه: يمكن عشان كدا ربنا هيجمعكم، ربنا يسعدكم ياروحي. كيان: يارب يادادة، بس خايفة ليكون واخدني غصب. فتحيه: ياخدك غصب ليه، دانتي قمر ومليون واحد يتمناك، دكتورة قد الدنيا وقمر ومحترمة زيك. كيان: بس ميتمناش واحدة عاجزة. فتحيه: ليه بتقولي كدا، إن شاء الله هتقومي بالسلامة، يلا تعالي ندخل جوه عشان ننام، الوقت آخر. كيان: ماشي، يلا. في مكان آخر. فاطمة: مالك ياحبيبي زعلان ليه. مازن: بابا عايز يجوزني. فاطمة: يجوزك مين.

مازن: واحدة عاجزة. فاطمة: طيب وأنا. مازن: متخافيش ياروحي، أنا مستحيل أسيبك ولا هتجوزها. فاطمة: هي مين البنت اللي عايز يجوزهالك دي. مازن: عارفة البنهاوي اللي توفى من فترة هو ومراته في حادث، بنتهم. فاطمة: كيان. مازن: أه، أنتِ تعرفيها منين. فاطمة: عادي، معرفة سطحية، المهم بقولك إيه. مازن: إيه. فاطمة: بص، اتجوزها، وبعدين اتجوزني عشان أنكل. مازن: كيف ياناصحة.

فاطمة: بص ياروحي، أنا مقدرش أسيبك ولا أقدر أخليك تسيب أهلك بسببي، فانت تعمل إيه، تتجوزها، وقبل ما تتجوزها تتفق معاها إن انت هتتجوز واحدة بتحبها عشان مغصوب عليها. مازن: فكرة، بس أنا مش عايز حد يشاركني حياتي غيرك. فاطمة: وأنا كمان ياروحي، ومش عارف هبقى عاملة كيف وأنت معاها، بس عشانك أستحمل كل حاجة. مازن: حبيبتي، ربنا يديمك في حياتي، طيب أروح أنا وأبقى أشوف بابا ونتكلم وأقولك اللي حصل.

فاطمة: ماشي ياروحي، وابقى طمنيني عليك لما توصل. مازن: حاضر. بعد ما مازن مشي. خالد: إيه ده، هتسيبيه يتجوز ومش هتعرفي تاخدي حاجة. فاطمة: أسيب مين، دانا بعمل كل حاجة عشان أستولي على فلوسه. خالد: أمال وافقتي إنه يتجوز كيف. فاطمة: بص ياهبل، كيان دي عندهم فلوس تقارب فلوس أبو مازن، وكله هيكون ليها، وبعد ما تتجوز اللي ليها هيكون لجوزها، يعني لمازن، يعني بتاعي برضو أنا. خالد: يابنت الـ...

دماغك سم، بس مكنتش أعرف إنها بتفكر كدا، بس جامدة يابت. فاطمة: أمال متخافش عليا. خالد: ماشي يامزة، يلا نكمل الحفلة. فاطمة: يلا. مازن روح البيت ونام. تاني يوم الصبح، مازن صحي بدري ونزل عشان يلحق أبوه قبل ما يمشي. مازن: بابا، أنا موافق اتجوزها. محمد بفرحة: بجد يامازن يابني. مازن: أه. محمد: الحمدلله يابني، ألف مبروك، النهاردة هروح أنا وأمك والماذون نكتب الكتاب ونبقى نحدد وقت الفرح. مازن: مش بتستعجل كدا. محمد: لا كدا حلو.

مازن: ماشي، بليل نتقابل. محمد: ماشي، سلام. بليل. محمد: يلا يامازن، أنا خلصت أنا وأمك. مازن: حاضر، طيب بصي، سلام، ولما أخلص أبقى أرن عليكي ونتقابل. فاطمة: ماشي ياروحي، ابقا طمنيني عليك. مازن: حاضر، باي. فاطمة: باي. وقفل ونزل. مازن: يلو. عند كيان، لبسة وقاعدها في الصالة مستنياهم، وعمها جه. مصطفى: موافقة عليه يابنتي. كيان: أه ياعمي.

مصطفى: تمام يابنتي، ربنا يسعدك، وبيبص لاقي الجرس بيرن، وفتحيّة راحت تفتح الباب، وكان مازن ومحمد وأمه. محمد: سلام عليكم، وسلم على كيان وعمها وقعدوا. محمد: ها، ما تيلو نكتب الكتاب. مازن: طيب، متسيبونا خمسة مع بعض قبلها. محمد بفرحة: ماشي يابني، موافقة ياحبيبتي. كيان: أه ياعمو، عادي، وراحت طلعت هي وهو الجنينة. كيان: اتفضل اتكلم.

مازن: بصي بقا، من غير كدب، أنا هتجوزك عشان خاطر أبوي وكمان قلبه واجعة، ومش عايز أتعبة، بس أنا بحب واحدة تانية سليمة وكويسة وهنتجوز، بس بعد ما أتجوزك بفترة، موافقة ولا لا.