رواية احببتها رغم عجزها الفصل السابع والعشرون 27 - بقلم الكاتبة الصغيرة

مازن… في حاجة يابرنس؟ فاطمة بصت وراها. شريف… ها، لا، مافيش حاجة. مازن… تمام، يلا روح مكانك. شريف… تمام. فاطمة… شكراً. خالد بصّلها ورجع قعد مكانه. فاطمة بصت عليه وهو مبصّلهاش. الفرح خلص ومازن خد كيان وطلع فوق أوضتها، وفاطمة دخلت أوضتها وجت تنام. لقت رسالة وصلتلها: "أول مرة أحس إني بحبك، بس منكرش إني بكرهك برضو، بس بدأت أحس بشعور من ناحيتك بالحب أوي ومش عارف هتنسي مازن وتحبيني ولا إيه."

الصبح كيان صحت لقت مازن صاحي وعمال يبصّلها. كيان بكسوف… صباح الخير. مازن… قصدك صبحي مباركة يا عروسة. كيان بكسوف… الله يبارك فيك. مازن… عاملة إيه دلوقتي؟ كيان… الحمد لله، قوم عشان أغير. مازن… ما تقومي إنتي، إنتي مالك بيه. كيان… قوم إنت الأول وبطل رخامة بقى. مازن… ههههه، لسه بتتكسفي يا بطة. كيان ضربته على كتفه… قوم بقى وبطل. مازن… طيب، تعالي أحكيلك على حاجة. كيان… قوم، هي الساعة كام؟ مازن… الساعة 11.

كيان… وحياة أمك، وإنت لسه نايمين؟ مازن بصدمة… هو جعفر حضر ولا إيه؟ يا وقعة مطينة. كيان… ههههه، خفة، سايبنا نايمين ليه كل ده؟ يلا نقوم عشان نصلي الصبح قبل الضهر وننزل تحت. مازن… وربنا عيلة فصيلة، غيري قومي ابت، أنا مش هقوم. كيان… عيل بارد. مازن… مش أكتر منك. كيان بطفولية… هو ده اللي قولت مش هشتمك أبداً، عبء شكلك، غور. وسابته وقامت. فاطمة… صباح الخير. بوسي… إيه النوم ده كله؟ أمال العريس والعروسة يصحوا إمتى؟

فاطمة… ههههه، وأنا إيه عرفني ياختي. بوسي… فيكي حاجة؟ لم آخرتي في النوم؟ فاطمة… مش عارفة، حاسة إني مخنوقة أووي. بوسي… ليه كدا؟ فاطمة… عشان حاجات كتير. كيان وهي نازلة من على السلم… صباح الورد على أجمل وردتين. فاطمة وبوسي… صباح الفل على أجمل عروسة النهارده. فاطمة بصوت واطي لبوسي… متحكيش قدامها حاجة عني. بوسي… حاضر، بس هتحكيلي؟ فاطمة… حاضر. كيان… الوردتين بتوعي بيحكوا في إيه مع بعض من ورا؟

فاطمة… عيب عليكي، هنحكي في إيه بس، فين العريس؟ كيان… مرزوع فوق. فاطمة وبوسي بصدمة… مرزوع؟ اتخانقتوا ولا إيه؟ كيان بعياط… الصبح بقوله يلا ننزل تحت، وسيبتني نايمة ليه؟ قالي إنتي عيلة فصيلة وباردة. فاطمة… وحياة أمك، ما هو عايز يقولك إيه في يوم الصباحية، الواحد بيبقى حابب يقعد مع مراته، وأنا متأكدة إن لسانك شتمه عشان إنتي جعفر مسيطر عليكي أوووي. مازن وهو نازل من على السلم… بنت حماي العسل يا ناس، اديها. خدي حق أخوكي.

فاطمة… من عينيه، إنت تؤمر بس. بوسي… اتلموا إنتوا الاتنين، محدش ليه دعوة بمرات أخويا حبيبتي. كيان بعياط طفولي… شوفي، هم الاتنين اتلموا على بعض عليا، يرضيكي؟ بوسي… ولا يهمك ياروحي، أنا معاكي. كيان… حبيبتي إنتي، أنا مش هكلمهم تاني. وحضنته. مازن بهزار… هو أنا ممكن أحضن فاطمة عادي زي محضنتي أختي؟ كيان بتغير… وحياة أمك، أعملها كدا وأنا أوريك هعمل فيك إيه.

مازن بخوف هزاري… يالهوووي، الحقوني، لو حصلي حاجة، أختك هتبقى السبب، ما تشيفاطمة… ههههه، حاضر. مازن… فين الفطار؟ أنا جعان أوووي، ما تقومي تجهزيلي الفطار يا كيان. كيان… وأنا مالي، روح جهز لنفسك أو خلي بنت حماك تجهزلك، هي مش أخته؟ مازن… ههههههه، هموت، ياخربيتك، يلا بقى بطلي هزار. كيان… حاضر. وقامت وسابتهم. بوسي بعد ما كيان مشت… اتلم عشان ممكن تزعل من هزارك، وإنت عارف إن هي بتغير أوووي عليكي، ها؟ فتلم.

مازن… حاضر، أقوم أروح وراها، وإنتوا خليكم هنا. فاطمة… تمام، روح. بوسي… ها، احكي مالك ومازن وكيان مشفوش؟ فاطمة… تعالي نطلع فوق طيب ونسيبهم براحتهم. بوسي… تمام، يلا. مازن دخل لاقي كيان بتجهز الأكل، راح حضنها. مازن بحب… كياني بيعمل فطار إيه؟ كيان بطفولية… مالكش فيه، واوع عني، إنت مش كنت عايز تحضن فاطمة؟ مازن بضحك… ههههه، طيب، إنتي تصدقي إني ممكن أحضن ولا أقرب من واحدة؟ كيان… لأ.

مازن… طيب، لم إنتي عارفة ليه زعلتي وتقمصتي زي العيال الصغيرة؟ كيان بطفولية… عشان بغير عليكي من كلامك مع أي واحدة، حتى لو أختك. مازن… ههههه، وأنا مستحيل أحب ولا أعشق حد غير كياني، عشان عقلي وقلبي بيدمنوها هي وبس. كيان بكسوف… بس طيب، واوعى أحسن حد يدخل علينا. مازن… محدش ليه عندي حاجة، واحد ومراته. كيان… تعال طيب جهز معايا الفطار بس. مازن… حاضر، يلا، شوفي بسمع كلامك كيف عشان إنتي كمان تسمعي كلامي.

كيان… عشان بابي شطور وبنوتة أش شطورة. مازن… ههههه، قلبتي طفلة ليه كدا بس؟ بابي بيحب يكون بنته شطورة زي بابها. كيان… لأ، مينفعش، عشان لازم بنته تكون شقية وبابها يكون شاطر ومحترم. مازن… ههههه، وبابي بيحب بنوته وشقاوتها وكل حاجة فيها. كيان… وبنوته كمان بتعشقه. مازن… طيب، بنوته ناوي تعمل لبابها أكل ولا هتجوعه؟ وهو ما أكلش، أديله يجي يومين. كيان… هههه، حاضر، من عيوني. عند فاطمة وبوسي. فاطمة… وبس ياستي، كل ده اللي حصل.

بوسي… طيب، هتعملي إيه دلوقتي؟ فاطمة… معرفش، بصي، سيبها للوقت، وهو هيبين كل حاجة. بوسي… اممم، تمام، فكّي طيب كدا ويلا ننزل نشوف ولعوا في البيت ولا لسه، هههه. فاطمة… ههههههه، حرام عليكي، أنا لسه صغيرة وعايزة أعيش. بوسي… هههه، يعني أنا اللي كبيرة؟ مانا كمان عايزة أعيش. فاطمة… طيب، خلاص، خلينا هنا عشان نعيش ومعاهم ربنا تحت. بوسي… هههه، ماشاء الله. ليل، مازن ومعتز وفاطمة وبوسي وكيان قاعدين في الجنينة وعاملين يهزروا.

مازن… فطوم، متقومي تعملي لينا إنتي والبت بوسي دي حاجة نشربها، بدل إنتوا قاعدين تاكلوا بس ليل نهار. فاطمة… مش باكل من عندك، أنا باكل من عند عمو محمد، فقوموا بوسي. بوسي… ولا أنا باكل من عنده، ميقوم مراته تعملوا، إنت مش خلاص بقيت متجوز؟ خالد دخل وهم بيهزروا ويتخانقوا على مين يقوم. خالد… سلام عليكم. مازن والكل… وعليكم السلام. مازن… مالك مكشر ليه كدا؟ اقعد معانا. خالد… لا، مش فاضي، خد الملف ده عشان هروح واحتمال مجيش بكرة.

مازن… ليه؟ فيك حاجة؟ فاطمة عاملة نفسها مش بتسمع وجوده. خالد… مافيش حاجة، هتعوز حاجة بس. مازن… استنى طيب، أجي معاك، عايزك في حاجة. خالد… تمام، تعال. مازن طلع مع خالد برة يتكلموا. مازن… ها، في إيه؟ احكي. خالد بزهق… أبويا وأمي يا عم، جابولي واحدة في البلد وعايزينيني اتجوزها، وقال إيه بنت عمي، ومينفعش تتجوز واحد غريب، وأنا مش بحبها. مازن… طيب، كلمهم وقولهم. خالد… عمال أتكلم معاهم، وإنت عارف الصعيد، وبالأخص الناس الكبيرة.

مازن… اهدى طيب، وإن شاء الله خير. خالد… يارب، أنا بكرة مش هاجي عشان مش قادر. مازن… تمام، خلي بالك من نفسك، ولو عايز حاجة، رن عليا. خالد… حاضر، سلام. مازن… سلام. كيان… هات يا معتز، بقا. مازن… في إيه؟ كيان… بوسي خدت الفشار كله وادته لمعتز ومش راضي يديني. مازن… اديها يلا وخلص. معتز… تدفعوا كام؟ مازن… اديها واتلم طيب. كيان… مالك وخالد ماله؟ مازن… خالد أبوه وأمه عايزين يجوزوه غصب عنه بنت عمه.

فاطمة بحزن بصت لبوسي… طيب، هطلع أنا أنام عشان عايزة أنام. مازن… مالك؟ خليكي قاعدة معانا. بوسي… خليها تطلع تنام. فاطمة بحزن… لا، مش قادرة، تصبحوا على خير. مازن والكل… وإنتي من أهل الخير. مازن بص لكيان، والاتنين بصوا لبوسي.