رواية احببتها رغم صغر سنها الفصل العاشر 10 - بقلم اميره محمد

الصبح محمد صحي وصحى دنيا. محمد: دنيا دنيا. دنيا بنوم: اممممممم. محمد: قومي يلا دعاء زمانها جيالك. دنيا بنوم: سبيني شوية كمان. محمد: قومي يبنتي بقا. دنيا بزهق: اهو اهو قمت. محمد ضحك عليها وعلى شكلها: قومي صلي يلا والبسي. دنيا: تصدق أحلى حاجة أصحى عليها. محمد: إيه هي الحاجة دي؟ دنيا: ضحكتك يا قمررر. محمد ضحك أكتر: طب قومي يلا. دنيا: طب قوم صلي معايا يلا. محمد قام اتوضأ هو ودنيا وصلى بيها وصوته كان جميل أوي. خلصوا صلاة.

دنيا بابتسامة: صوتك حلو أوي. محمد بابتسامة: مفيش أحلى منكِ انتي يا حبيبتي. وقبل رأس دنيا. دنيا: محمد. محمد: نعم. دنيا: هو انت حبتني؟ محمد سكت. دنيا بزعل: خلاص اعتبرني مسألتش. وجت تقوم محمد مسكها من إيدها. محمد بحب: آه بحبك وبموت فيكي. انتي غيرتيني 180 درجة. عملتي فيا إيه مش عارف. بجد انتي جيتي عوضتيني عن كل حاجة. وبعد كل اللي عملته معاكي وقفتي جنبي وحببتيني. أنا بجد مش عارف أقولك إيه ولا أشكرك إزاي. أنا بحبك أوي.

دنيا عيطت من كلام محمد. محمد شدها وخدها في حضنه: أوعدك إني هعوضك عن كل حاجة وحشة أنا عملتها معاكي. يلا بقا يا حبيبتي علشان الامتحان. دنيا مسحت دموعها: حاضر. محمد باس راسها تاني وهي قايمة. قامت لبست ومحمد لبس ونزلوا لقوا دعاء قاعدة. دعاء: كل ده؟ محمد ضحك: معلش يا حبيبتي أصل دنيا خايفة شوية. وضحك. دنيا: يا داده خلي بالك من ندى ولما تصحى فطريها. محمد خدها ووداهم مكان الامتحان. بعد 5 ساعات.

دنيا خرجت كانت بتعيط ودعاء بتواسيها. محمد جري عليهم: مالك يا حبيبتي فيكي إيه؟ دنيا وهي بتعيط: محلتش كويس. وفضلت تعيط. محمد: طب معلش يا دعاء رني على السواق بتاعك ييجي ياخدك وأنا هاخد دنيا ونروح مكان نتغدا فيه. محمد خد دنيا وراحوا مكان حلو. محمد مسك إيدها: مالك يا حبيبتي؟ دنيا بعصبية: مالي. وضحكت. والله أنا مستغربة سؤالك. ما لي أنا انهارده معرفتش أحُل حاجة في الامتحان. أنا مستقبلي ضاع. وده كله بسبب مين؟

بسببك انت. أنا أمي كانت حاطة فيا أمل إن أجيب كلية طب. لي لي عملت كدا؟ كان زماني خارجة مبسوطة زيهم. أنا تعبت تعبت. وفضلت تعيط. محمد زعل جامد: أنا آسف. دنيا بعصبية: أعمل بيها إيه؟ مش فاهمة. محمد حاول ميتعصبش: اتكلمي عدل يا دنيا. أنا شكلي دلعتك أوي. دنيا بزعل: بعد إذنك عاوزه أروح. محمد بزعل على زعلها: خلينا شو... دنيا قاطعته: قولت عاوزه أروح البيت. محمد خدها وروح. طول الطريق دنيا ساكتة متكلمتش.

الأيام بتعدي ودنيا نفسيتها بتبوظ بسبب إنها خايفة متجبش الكلية اللي نفسها فيها. ومحمد بيحاول يخرجها من اللي هي فيه بس هي مش راضية تتكلم معاه. بعد شهرين. دعاء بفرح: أخيراً خلصنا امتحانات. أنا فرحانة أوي. دنيا بحزن: دعاء قولي لمحمد إننا نخرج أنا وانتي وأروح عند ماما. أنا حلمت بيها حلم مش كويس وعاوزه أشوفها. دعاء: طب ما تقولي لمحمد وييجي معاكي. محمد من وراهم: هااا بتتكلموا في إيه؟ دنيا جت تمشي دعاء مسكت إيدها.

دعاء: دنيا كانت عاوزه تروح عند أمها تشوفها. محمد: ومالو نروح نشوفها. محمد خد إيد دنيا ومشي. طلعوا فوق لقوا ندى. أول ما شافت دنيا فضلت تضحك. دنيا شالتها. دنيا: حبيبة ماما وحشتيني أوي يا روحي. ندي فضلت تضحك. محمد حضن دنيا من ورا: مش ناوية تحني عليا بقا. دنيا: بعد إذنك اوعى ي محمد. محمد: تؤ. دنيا: اسمع الكلام ي محمد. محمد: تؤتؤتؤ. دنيا نزلت ندى وبعدت إيد محمد من عليها: ابعد عني ي محمد.

محمد: ي دنيا أنا بحبك والله وكنت بعمل ده كله عشانك والله. دنيا: عشانى والله. ضحكتني. دعاء جت: خلاص بقا ي دنيا كل اللي يجيبه ربنا حلو. دنيا: طيب سبوني ألبس بقا. دعاء خرجت ودنيا دخلت الحمام. خلصت لبس وخرجت لقت محمد لابس مبهر. محمد: إيه القمر ده. دنيا وهي بتلبس ندى: شكراً. محمد قعد جنبها: حقك عليا. دنيا: خلاص ي محمد مفيش حاجة.

محمد: لا انتي زعلانة مني لسه. أنا هفضل فخور بيكي لو جبتي أي. انتي بقيتي جزء مني خلاص. بقيت بحبك أكتر من نفسي صدقيني. دنيا حضنت محمد ومحمد فضل حضنها: أنا خايفة أوي. محمد: طول ما أنا جنبك متخافيش. دنيا فضلت تعيط. محمد مسح دموعها: يلا يا حبيبتي عشان منتأخرش. دنيا خلصت لبس ندى ونزلت وهي ماسكة إيد محمد. أم محمد بفرح: قمرات ربنا يحميكم يا حبايب قلبي. أبو محمد: والله عشت وشوفت محمد ابني بقا عنده عيلة. محمد باس

دماغ أمه وباس إيد أبوه: عاوزين حاجة أجبهالكم؟ أم محمد: شكراً يا حبيبي. محمد ودنيا مشيوا. بعد نص ساعة وصلوا بيت دنيا. طلعوا وخبطوا على الباب. أدهم فتح مصدقش من الصدمة: دنيا. وحضنها. وبعدين استغرب من ندى. هيا دي بنتك بس إزاي؟ دنيا ضحكت: يعم هحكيلك بس جوه. أدهم بص لمحمد: إزيك يا أبو نسب أخبارك إيه؟ محمد بابتسامة: الحمدلله. هنفضل واقفين برا كتير؟ أدهم: لا اتفضلوا. محمد ودنيا دخلوا لقوا عبد الكريم وأميرة وفوزية أم دنيا.

عبد الكريم أول ما شاف محمد وهو ماسك إيد دنيا قام حضنه: والله جه اليوم اللي شوفتك فيه واقع. محمد ضحك وراح سلم على أم دنيا وباس راسه. دنيا راحت جري على أمها وفضلت تعيط: وحشتيني أوي يا ماما. أمها: انتي أكتر والله يا حبيبتي. مين بقا القمر دي؟ دنيا: اعتبرها حفيتك. ودنيا حكتلهم كل حاجة. أميرة: معلش يا محمد لو كنت ظلمتك. انت بس متعرفش أميرة دي عندي غالية إزاي. محمد: ولا يهمك انتي أختي.

أم دنيا: بس ندى شبهك أوي يا محمد. عقبال بنتكم اللي تبقى شبهك انت ودنيا. دنيا اتكسفت: يارب يا ماما. أميرة: عملتي إيه في امتحاناتك يا حبيبتي؟ دنيا: بصي كل اللي يجيبه ربنا حلو. أدهم: جدعة يا بت يا دنيا. طلعتيلي. عبد الكريم: بمناسبة بقا عاوز أتجوز بقا وأحدد معاد الخطوبة وهعمل بعدها كتب كتاب. مش هستنى. أنا هبور يا جدعان. كلهم ضحكوا.

أدهم: طب إيه رأيكم نخلي الخطوبة الأسبوع الجاي والأسبوع اللي بعده كتب الكتاب. بس الفرح بعد ما أميرة تخلص كلية ها؟ عبد الكريم وقف ورفع إيده: أنا موافق. محمد قعدوا: اقعد بس يا عم انت دلوقتي. نشوف العروسة هتعمل إيه. دنيا: أنا موافقة بس اللي رأيه رأي أميرة إيه يا أميرة؟ أميرة بكسوف: اللي انتوا تشوفوه. عبد الكريم: سكوته علامة الرضااااا. كلهم ضحكوا وحددوا معاد الخطوبة هتبقى أول الأسبوع وكتب الكتاب الأسبوع اللي بعده.

يوم النتيجة بتاعة دنيا. دنيا قاعدة قلقانة هي ودعاء ومحمد ماسك إيد دنيا وعمال بيدور على النتيجة. فجأة محمد بص بصدمة ل دنيا: انتي عارفة إن ده قضاء ربنا صح يا حبيبتي؟ دنيا باستغراب: في إيه ي محمد؟ أنا منجحتش صح؟ محمد بزعل: ........