رواية احببتها رغم صغر سنها الفصل الحادي عشر 11 - بقلم اميره محمد

محمد بزعل لأنه عارف أنها تستحق أكثر من كدا، بس حاول يفرحها. دنيا نزلت سجدت وحمدت ربنا. "أنا كدا هلحق؟ "طب صح؟ محمد حضنها. "إن شاء الله ي حبيبتي." دنيا بفرح. "أنا بحبك أوووووي." محمد. "وأنا بموت فيكي." دنيا سابت محمد. أم محمد. "ألف مبروك ي حبيبتي." دنيا. "الله يبارك فيكي ي ماما." أبو محمد. "ألف مبروك ي بنتي." دنيا. "الله يبارك فيك ي بابا." راحوا عند دعاء. دعاء. "الموقع مش راضي يفتح، أنا خايفة." دنيا مسكت إيدها.

"متقلقيش ي حبيبتي." محمد خد منها التلفون وحاول. محمد بفرحة. "96٪" دعاء فضلت تتنطط هي ودنيا، ودنيا فضلت حضنها. "ألف مبروك ي حبيبتي، فرحتلك أووووي." دعاء وهي بتعيط. "الله يبارك فيكي ي حبيبتي، وألف مبروك ليكي." دنيا. "الله يبارك فيكي." الكل بارك لدعاء. دعاء تلفونها رن، لقيته رقم مش مصري. دعاء ردت. دعاء. "آلو." "ألف مليون مبروك ي حبيبت أخوكي." دعاء بصدمة. "زين؟ زين.

"أيوة ي حبيبتي، وحشتيني أوووي. أنتي ومحمد وماما وبابا عاملين إيه؟ دعاء فتحت المايك. دعاء بفرحة. "كلنا كويسين ي حبيبي." أم محمد بفرحة. "إزيك ي حبيبي، وحشتني ي قلب أمك." زين بفرح. "أنتي أكتر ي أمي. أمال فين محمد؟ أم محمد. "هنا أهو ي حبيبي، خد ي محمد كلم أخوك." محمد بعصبية. "أخويا؟ هو لسه فاكر إن عنده أخوات؟ أنا زين أخويا مات من ساعة ما سبنا ومشي." محمد طلع ودنيا طلعت وراه. زين زعل أوووي.

"خلاص ي ماما، سيبيه على راحته. فين بابا؟ أم محمد. "طلع ي حبيبي قبل ما نتا تتكلم." زين. "ماشي ي ماما، أنا إن شاء الله نازل بكرة." أم محمد فرحت. "تنور ي حبيبي." زين. "حبيبتي ي ماما، عاوزة حاجة؟ أم محمد. "لا ي حبيبي، عاوزة سلامتك." زين قفل. نروح لدنيا ومحمد. محمد قعد على السرير وحط دماغه بين إيديه. دنيا قعدت جنبه. "مالك ي حبيبي، في إيه؟

محمد حضنها زي العيل الصغير وفضل يعيط. هيا أول مرة تشوفه بالحال دي. خدته في حضنها وهو فضل حاضنها وبيعط لحد ما راح في النوم. ****** في مكان مجهول. شخص بشر. "يعني أحاول أقتله مراته تاخد الطلقة مكانه، أحاول أسرقه بيعرف يتصرف، أعمل إيه؟ شخص آخر. "إحنا ممكن نخطف مراته، نعمل معاها شوية حاجات حلوين كدا، وبعدين نرميها بعد ما يكون طلقها، وبكدا نبوظله حياته." شخص ضحك ضحكة كلها شر. "جدع يااض." ****** بعد مرور 3 ساعات.

محمد صحي على خبط الباب. بيقوم لقي دنيا حضناه وهو نايم على رجليها وهي سانده راسها على السرير ونايمة. محمد قام من غير ما يصحيها وقام فتح الباب. دعاء. "يلا عشان نتغدا." محمد. "حاضر، هصحي دنيا وهننزل." دعاء مشيت وهو قفل الباب. محمد راح ناحية دنيا، فضل مركز في ملامحها شوية، وبعدين قرب منها، نزل عند شفايفها وباسها. دنيا صحت بصدمة. هو بعد عنها وضحك على وشها اللي قلب ألوان. محمد وهو بيضحك. "يلا عشان ننزل نتغدى."

دنيا بكسوف وشها أحمر. "حاااضر." ونزل هو ودنيا. لقوا أم دنيا تحت وأختها وأخوها. أم دنيا بفرح. "ألف مبروك ي حبيبتي." دنيا وهي بتحضنها. "الله يبارك فيكي ي حبيبتي." أدهم بمرح. "وسع وسع بقا للدكتور القمر دي، ألف مبروك ي حبيبتي." وحضنها. محمد. "دومي حبيبي وحشتني." وشد دنيا من حضنه وحضنه هو. "لو شوفتك بتحضن مراتي هزعلك هااا." أدهم. "دي أختي هااااا." محمد وهو بيضحك. "أنا قولتلك بقااا." وضحكوا هما الاتنين. أميرة.

"ألف مبروك ي حبيبتي." دنيا. "الله يبارك فيكي ي ميرووو." قعدوا يهزروا ويضحكوا. بالليل كان أهل دنيا مشيوا. محمد وهو شايل ندي. "دعاء." دعاء. "إيه ي حبيبي؟ محمد. "معلش خلي ندي معاكي النهاردة." دعاء غمزلته. "إيه؟ هتجبولها أخت ولا إيه؟ محمد ضحك. "حاجة زي كدا، يلااا بقا خديه."

دعاء خدت ندي ومحمد راح أوضته، فتحها لقي دنيا قاعدة بكسوف ولابسة قميص لونه أحمر وفوقه روب وحاطة مكياج مخلي شكلها جميل جداً وفاردة شعرها. محمد قرب منها. "مش عاوزك تتكسفي مني ولا تخافي، أنا بحبك وعمري ما هاذيكي." دنيا بابتسامة. "وأنا بموت فيك." وتسكت شهريان على الكلام الغير مباح. ****************** في الصباح. محمد صحي لقي دنيا صاحية. محمد. "صباحية مباركة ي عروسة." دنيا بكسوف.

"الله يبارك فيك ي حبيبي، أنا هقوم بقا عشان أشوف الفطار." محمد حضنها أوووي. "لا خليكي معايا شوية كمان." دنيا. "يبني ابعد، عاوزة آكل بقااا." محمد. "لا." دنيا. "قوم ي حبيبي ربنا يهديك، يلا عشان شغلك." محمد. "مش هروح النهارده." دنيا. "طب اوعى ي حبيبي عشان أروح عند ندي عشان وحشاني." محمد. "لا برضه، هاتيني بوسة الأول." دنيا. "أوووف بقا، لا مش هتاخد حاجة." وزقته جامد لحد ما قامت دخلت الحمام وقفلت. محمد.

"شوفي بقا هتخرجي إزاي." دنيا من جوه. "أووف بقا، خلاص هديك البوسة بس هاتلي الهدوم." محمد. "من عيوني." محمد جاب لدنيا الهدوم ولبستها وخرجت. لقت محمد شدها وخلاها في حضنه. "هاتي البوسة بقا." دنيا رفعت نفسها وبوسته وجريت. ومحمد بيجري وراها. وهي بتجري خبطت في حد أول مرة تشوفه. لقت محمد جه. محمد. "هو إنت شرفت؟ زين. "مش تقولي الحمد لله على سلامتك الأول ولا أنا مش أخوك؟ وبعدين مين المزة دي؟ إنت قلبت على سامية ولا إيه؟

محمد اتعصب وضرب أخوه وزقه في الحيطة وخنقه. "احترم نفسك، إنت عارف أنا لما بتعصب أنا بعمل إيه." دنيا عمالة تحوش فيه مش قادرة. دنيا. "وحياتي عندك ي محمد لتسيب أخوك." محمد ساب أخوه ومشي دخل الأوضة وقفل على نفسه الباب. دنيا فضلت تخبط لأنها سمعت تكسير في حاجات جوه. دنيا بقلق وخوف. "ي محمد افتح." محمد مبيردش عليها. دنيا بعياط. "ي محمد افتح بقا." محمد بردو مردش. دنيا بعياط أكتر. "عشان خاطري ي محمد افتح." محمد بزعيق.

"امشي ي دنيا من هنا، امشي وسيبيني." دنيا بعياط. "لا مش همشي." محمد فتح الباب. دنيا دخلت. دنيا. "ممكن أفهم مالك في إيه؟ محمد وهو بيلبس. "مفيش." دنيا باستغراب. "إنت بتلبس رايح فين؟ محمد. "الشغل." دنيا. "إنت مش قولتلي مش هروح." محمد. "آه." دنيا معدتش فاهمة حاجة. "في إيه ي حبيبي؟ محمد. "أنا هنزل أروح الشغل وأجي أشوف شقة على قدنا أنا وإنتي وندي." دنيا. "طب ما هنا حلو ي محمد." محمد بعصبية. "عاوزة تقعدي هنا ليه؟

عجبك ولا إيه؟ دنيا مش فاهمة. "هو إيه اللي عجبني ي محمد؟ محمد بعصبية. "الأستاذ اللي إنتي دفعتي عنه بره ده." دنيا بدموع في عينها. "إنت بتقول إيه ي محمد؟ محمد. "بقول اللي شايفه." ومشي. رجع تاني. "إياكي تخرجي براااا الأوضة." دنيا مصدومة. بالليل محمد جه، فتح الباب لقي دنيا قاعدة مع ندي. محمد. "وحشتيني." دنيا بصتله وبعدين بصت لندي. محمد حضنها من ضهرها. "عارف إني غلطان، بس أنا آسف. أنا كنت متعصب شوية، بس حقك عليا." دنيا.

"خلاص مفيش حاجة ي محمد. لقيت شقة." محمد. "أيوة، وشقة جميلة أوووي. قومي بقا جهزي الهدوم." دنيا. "حاضر." دنيا جهزت الهدوم. "أنا خلصت." محمد شال الشنط، ودنيا شالت ندي وخدت شنطة في إيدها، ونزلوا. أم محمد باستغراب. "إيه الشنط دي ي محمد؟ إيه ده ي دنيا؟ محمد. "طول ما زين قاعد هنا أنا مليش قعاد هنا." دنيا راحت حضنت أم محمد. "هتوحشيني أوووي ي ماما." أم محمد بعياط. "ابقي تعاليلي، متنسنيش." دنيا. "حاضر ي ماما." دنيا.

"هتوحشيني ي دعاء." دعاء. "إنتي أكتر ي حبيبتي والله." دنيا. "أمال فين بابا؟ أم محمد. "في الشركة." دنيا. "لما يجي سلميلي عليه، هتوحشوني أوووي." دنيا ومحمد مشيوا. ****** محمد خد دنيا وندي وطلعوا الشقة. دنيا فضلت تلف في الشقة ومبهورة بشكلها. دنيا بفرح. "الله، جميلة أوووي." محمد بحب. "الحمد لله إنها عجبتك. وفي مفاجأة بليل كمان." دنيا حضنته ونسيت كل الزعل اللي كان بينهم. "بجد؟ محمد حضنها أوووي.

"بجد. يلا بقا أنا جعان، عاوز آكل من إيد مراتي العسل بقا." دنيا دخلت نيمت ندي. "من عيوني ي حبيبي." محمد دخل غير هدومه وفتح التلفزيون وقعد يتفرج عليه، ودنيا غيرت وراحت تعمل الأكل. بعد مدة. دنيا ندهت على محمد. "يلااا ي محمد، خلصت الأكل." محمد جه وقعد جنبها وقعد ياكل. محمد بندهاش. "الله الله الله على الجمال." دنيا. "بجد عجبك؟ محمد. "جميل ي حبيبتي." دنيا وهي بتاكل. "إنت هتروح الشركة إمتى؟ محمد. "بكرة." دنيا.

"اممممم ماشي، خلي بالك من نفسك كويس." محمد خلص أكل وباس راسها. "متخفيش ي حبيبتي." دنيا قامت وشالت الأكل وغسلت المواعين وقعدت مع محمد وندي. تلفون محمد رن. محمد. "عاوز إيه ي زفت؟ عبد الكريم. "يعم طب قولي عامل إيه الأول." محمد. "إنجز." عبد الكريم. "أميرة كانت عاوزة دنيا تكون معاها بكرة من أول اليوم لآخره." محمد. "ماشي، أنا كدا كدا رايح الشركة بكرة ومش عاوز أسيبها لوحدها." عبد الكريم باستغراب.

"والله البت دي جدعة، قدرت تغيرك." محمد. "طب يلا من هنا بقا." وقفل السكة. محمد. "دودودنيا." دنيا وهي بتلعب مع ندي. "إيه ي حبيبي؟ محمد. "قومي البسي، هننزل عشان أجيبلك شوية حاجات إنتي وندوشة." دنيا بفرح. "الله بجد." محمد ابتسم. "بجد ي حبيبتي، ويلا بقا." دنيا قامت لبست ولبست ندي ونزلوا. يتبع..... بقيت بطول في. Pater اهو ياريت يكون فيه تفاعل بقا بًقُلَمً آمًيَرهّ مًحًمًدٍ ♥