رواية احببتها رغم صغر سنها الفصل الثاني عشر 12 - بقلم اميره محمد

دنيا وبنبهار: الله ده فيه كل حاجة. محمد: أي حاجة عاوزها هجيبها. دنيا: إحنا نجيب لبس لندي وهجيبلي شوية لبس عشان الكلية، مش هكتر يعني. محمد مسك إيدها: بس قبل أي حاجة تعالي هنجيب أهم حاجة. دنيا باستغراب وهي ماشية مع محمد: إيه هي؟ محمد: هتشوفي. وقفوا قدام محل دهب. محمد دخل هو ودنيا. شخص: أهلاً أهلاً محمد بيه، شرفتنا. محمد: كنت عاوز أغلى دبل عندك هنا. شخص: حاضر يا فندم، شوية و جايلك.

دنيا وطت على محمد: محمد، المحل ده شكله غالي أوي. محمد ضحك: يعني إنتي مركزة مع المحل الغالي ومش سمعتي أغلى دبل هنا؟ دنيا: على فكرة إنت رخيم. محمد: أنا رخيم؟ طيب حسابنا لما نروح. وضحك. شخص: اتفضل، دول من أغلى الدبل اللي عندنا. محمد اختار دبلة له ودبلة لدنيا، وجاب حلق لندي وخاتم. محمد: اختاري حاجة كمان بقى. دنيا: لا لا، كدا كتير والله. محمد: ملكيش دعوة يا بنتي، اختاري بس. دنيا اختارت خاتم دهب ليها وأنسيال.

محمد حاسب وخرجوا. وهما ماشيين قابلهم محلات كتير لفساتين. دنيا فضلت تبص عليهم لأنها كان نفسها يتعملها فرح وتفرح زي بقية البنات. محمد لاحظ ده وندم على كل حاجة عملها. محمد: حبيبتي. دنيا: نعم. محمد: تعالي يلا نروح عند الفساتين السواريه عشان الوقت اتأخر. دنيا: يلا. محمد ودنيا مشيوا وراحوا اشتروا الفستان، واشتروا هدوم لندي وهدوم لدنيا. ومشوا روحوا البيت.

دنيا خدت الحاجات وحطتها في مكانها وغيرت هدومها ولبست برمودا قصيرة وتيشيرت وفردت شعرها وخرجت. دنيا: أكيد جعان صح؟ محمد بص لها بإنبهار وقام وقرب عليها: جعان أوي. وقرب جامد: بس إيه الحلاوة دي؟ دنيا بعدته: دي عيونك اللي حلوة. أنا هروح أعمل الأكل، خلي بالك من لندي. وهربت من محمد.

بعد نص ساعة دنيا خلصت الأكل وحطوه وندهت على محمد. محمد جه وقعد وكل. ودنيا وكلت وأكلت لندي. وبعدين قعدوا يتفرجوا على التلفزيون. وبعدين دخلوا ناموا. وزي العادة محمد خد دنيا في حضنه ونام، ولندي نايمة على سريرها الصغير. بعد مرور سنة على أبطالنا. دنيا ومحمد حبوا بعض أوي. ودنيا زعلانة بسبب إنها لسه مخلفتش ومحمد بيواسيها على طول. محمد قدم لدنيا ودعاء في الكلية وبقوا الاتنين في نفس الكلية.

أميرة وعبد الكريم كتبوا الكتاب وقربوا من بعض تاني. زين بيحاول مع محمد عشان يتصلحوا بس محمد مش راضي. أعداء محمد بيخططوا لخطه إنهم يدمروا حياة محمد. لندي بقت بتعرف تمشي بس لسه متكلمتش أوي. في مكان مجهول. شخص: الخطة تتنفذ النهاردة، وأهم حاجة تنجح. شخص: متقلقش يا باشا. عند محمد ودنيا. دنيا صحيت تعبانة ودايخة. محمد لاحظ ده. محمد بقلق: مالك يا حبيبتي؟ دنيا بتعب: أنا كويسة، متقلقش. محمد مش مطمن: طب يلا عشان أوديكي عند أمك.

دنيا قامت بالعافية ولبست ولبست لندي ونزلوا. لقوا محمد مستنيهم تحت. دنيا ركبت ولندي. وبعدين مشيوا. بعد نص ساعة. محمد طلع هو ودنيا ولندي. خبطوا. أميرة: وحشتني. دنيا حضنتها: إنتي أكتر يا حبيبتي. دخلوا لقوا عبد الكريم قاعد جوه. عبد الكريم: أهلاً أهلاً. محمد: إنت مش جاي الشركة ولا إيه؟ عبد الكريم: أحم، لأ مش جاي. قاعد مع مراتي. محمد: هيتخصم من مرتبك. كلهم ضحكوا. محمد: أنا هستأذن أنا بقى. وقام باس راس دنيا وباس لندي ومشي.

أم دنيا: يلا تعالوا كلوا. دنيا: مليش نفس والله يا ماما. أميرة: لا يا حبيبتي تعالي كلي. إنتي شكلك عامل إزاي. دنيا قامت أول ما شمت ريحة الأكل جريت على الحمام ورجعت. كلهم قلقوا. دنيا خرجت أول ما خرجت اغمى عليها. عبد الكريم شالها ودخلها على السرير ورنوا على الدكتور. بعد مدة الدكتور خرج. أم دنيا: بنتي مالها يا دكتور؟ الدكتور ابتسم: ألف مبروك، بنت حضرتك حامل. كلهم فرحوا ودخلولها. أم دنيا وهي بتحضنها: ألف مبروك يا نور عيني.

دنيا مش مصدقة نفسها وعيطت: أنا حامل صح؟ وفضلت تعيط. أميرة: ألف مبروك يا حبيبتي، ألف مليون مبروك. دنيا: الله يبارك فيكي يا حبيبتي، عقبالك يا رب. عبد الكريم: مبروك يا دودو. دنيا: الله يبارك فيك يا كيمو. أم دنيا: سيبوها ترتاح بقى يا جماعة. كلهم خرجوا. بعد شوية دنيا لقت رسالة من رقم غريب. (جوزك بيوديكي عند أمك وبيجيلي) دنيا اتصدمت وردت. (إنتي هبلة ولا في دماغك حاجة؟ أنا جوزي بيجبني ومستحيل يخوني) شخص مجهول:

(هبعتلك الدليل يا روحي) بعتلها صورة ليها هي ومحمد وهو نائم وحاضنها. دنيا اتصدمت وفضلت تعيط. شخص مجهول: (لو مش مصدقة الصورة يا حبيبتي، تقدري تيجي على العنوان ده) بعتلها العنوان. ودنيا قامت ولبست ونزلت من غير ما تعرف حد. دنيا راحت على العنوان. كانت عمارة. دخلت وطلعت الدور اللي في الرسالة. راحت خبطت على الباب. لقت الباب فتح وكان محمد. اللي فتح لها. محمد اتصدم: دنيا، إيه اللي جابك هنا؟ لقت واحدة جاية من وراه ولابسة

قميص مبين كل جزء في جسمها: إنت قمت ليه يا محمد؟ وبعدين مين دي؟ دنيا بعصبية: إنتي اللي مين؟ فاتن بدلع وراحت حضنت محمد: أنا مراته يا حبيبتي. دنيا اتصدمت أكتر: مراته! بصت لمحمد: مراتك؟ إمال إيه "بحبك يا دنيا، بحبك، بموت فيكي". إيه ده؟ أنا بكرهك. عارف يعني إيه بكرهك؟ إنت أقذر إنسان شوفته في حياتي. كنت فاكراك بتحبني زي ما أنا حبيتك. ليه عملت فيا كده؟ ليه؟ ليه خليتني أحبك؟ حرام عليك. عمري ما هاسمحك يا محمد. وجت تمشي.

محمد مسك إيدها: أرجوكي يا دنيا اسمعيني. دنيا شالت إيدها: أحسن لك متلمسنيش تاني، فاهم؟ ومشت. محمد دخل لبس. فاتن: إنت رايح فين؟ محمد: إنتي طالق يا فاتن. فاتن: أحسن برضو. ولبست وخرجت. ومحمد مشي زي المجنون يدور على دنيا. دنيا روحت وهي بتعيط. أم دنيا بقلق: في إيه مالك يا بنتي؟ دنيا: سيبوني لوحدي. وإلا هقولكم أنا اللي همشي. وخدت لندي ومشيت. طبعاً كلهم حاولوا يمنعوها بس مسمعتش كلام أي حد. دنيا سافرت راحت إسكندرية. أجرت شقة.

دنيا رنت على دعاء. دنيا بصوت مبحوح من كتر العياط: الو. دعاء بقلق: إيه يا حبيبتي؟ مالك؟ دنيا بعياط: عاوزاكي تجيلي إسكندرية بس محدش يعرف، يا نبي. دعاء: طيب يا حبيبتي، اهدي كدا. أنا جايلك. متخفيش. عند محمد. راح عند أم دنيا. أول ما دخل: فين دنيا؟ أم دنيا: إنت عملت إيه فيها؟ ممكن أفهم؟ أميرة: أختي جت معيطة، خدت لندي ومشيت. عارف يا محمد لو كنت زعلتها، هتزعل جاااامد. محمد مشي زي المجنون يدور عليها. مش لاقي ليها أثر.

عندي دنيا بعد 4 ساعات. دعاء وصلت. دنيا أول ما شافت دعاء حضنتها جامد وفضلت تعيط. دعاء بحزن على صحبتها: احكيلي يا حبيبتي، مالك؟ دنيا حكتلها كل حاجة. دعاء بصدمة: محمد أخويا؟ لا لا، مصدقش. دنيا قامت ومسحت دموعها: لا صدقي. وأنا هندمه على كل اللي عمله. دعاء: هتعملي إيه؟ مش فاهمة. دنيا: هختفي من حياته خااالص. مش هيعرفلي طريق. دعاء بعياط: لا يا دنيا، اسمعيني. محمد هتلاقي فيه مكنش قصده.

دنيا: قصده مش قصده. هتساعديني إني أسافر؟ دعاء بزعل: حاضر. دنيا: تمام. تروحي تجيبيلي هدومي من هناك، وهدوم لندي. ولو عرفتي تجيبيلي فلوس عشان أقدر أسافر، يبقى كتر ألف خيرك. دعاء: حاضر.