رواية احببتها رغم صغر سنها الفصل السابع عشر 17 - بقلم اميره محمد

دنيا بصدمة والدموع اتجمعت في عنيها: مراته مراته ازاي؟ ازاي محدش منعه إنه يتجوز؟ دعاء: اهدي يا دنيا، والله إحنا ما كنا موافقين، بس هو... دنيا بزعيق: بس بس، مش عايزة أسمع صوت حد منكم. محمد بعصبية: هي مين الحيوانة دي؟ وإنتي مالك اتجوز ولا ماتجوزش؟ دنيا بعصبية: حيوانة؟ لأ، ما بالك، أنا مراتك ودول ولادك. افتكر بقى يا أخي. محمد بعصبية: مراتي؟

لأ لأ، أنا لا يمكن إني اتجوز الأشكال دي. إنتي هتكوني غلطتي مع حد من الأشكال اللي زيك وجاية ترميها عليا. دنيا بعياط وصدمة ضربته بالقلم. محمد مسك إيديها جامد. محمد بعصبية: محدش عمره مد إيده عليا، وتيجي واحدة زيك تمد إيديها عليا؟ وكمان بتقولي مراتك؟ طب ما دام إنتي مراتي، إنتي طالق بالتلاتة يا حلوة. وسابها ومشي. دنيا بصدمة والدموع اتجمعت في عينيها: ده طلقني يا ماما، طلقني، محمد حبيبي طلقني.

أم محمد حضنتها: هو يا حبيبتي مش في وعيه وكان متعصب. دنيا خرجت من حضنها: مالك، ندي، مريم، يلااااا. دعاء: إنتي رايحة فين؟ دنيا بصتلها ومشيت. ********** بعد مرور شهر على أبطالنا، دنيا اتطلقت من محمد ونزلت اشتغلت في مطعم. أدهم منعها بس هي نزلت برضو. كل حاجة اتأجلت، فرح أدهم ودعاء، بس دنيا مصممة إنهم يعملوا الفرح. ********** يوم فرح دعاء وأدهم. أدهم بيلبس ودنيا بتساعده، هي وأميرة وعبد الكريم والعيلة كلها اتجمعت.

أدهم: كدا حلو صح؟ دنيا بصتله وعيطت. أدهم خدها في حضنه: طب ليه العياط بقى؟ دنيا: عشان إنت قمر أوي. أدهم: يابت. دنيا ضحكت: آه والله. مريم بتجري: خالو خالو. وحضنته. أدهم حضنها: أي قلب خالو؟ مريم: على فكرة إنت قمر يا خالو. أدهم ضحك: مفيش غير هنا قمر. مالك جه: خالتو خلي مكة تبطل ضحك مع العيال اللي برا دول. (آه نسيت أقولكم، أميرة ولدت وجابت بنت اسمها مكة زي القمر) أميرة: يا روح خالتو، هيا صغيرة لسه والعيال بيلعبوا معاها.

مالك: برضه يا خالتو. دنيا ضحكت: الواد بيغير يا بت عليها. أميرة ضحكت. دنيا: أمّال فين مازن؟ مالك: مع ندي. أدهم: يلا عشان هنتأخر كده. كلهم مشيوا ودنيا ركبت في عربية أدهم وأدهم اللي كان سايق. أميرة وعبد الكريم و عيال دنيا وبنت أميرة في عربية، والباقي في عربيات تانية. وصلوا الكوافير. أدهم دخل لـ دعاء، أول ما شافها انبهر بجمالها. فضل حضنها. دنيا دخلت بعدته وحضنت دعاء: ألف مبروك يا حبيبتي.

دعاء بفرحة: الله يبارك فيكي يا حبيبتي. أدهم خد دعاء وخرجوا. دنيا جت تركب، لقت محمد اللي هيسوق العربية. دنيا: طب بعد إذنك يا أدهم، أنا هركب مع عبد الكريم وأميرة. أدهم: طب ما ده مكانك، تعالي اركبي. دنيا بصت لـ محمد اللي بيبصلها: لأ، ما يشرفنيش إني أركب مع واحد قال كلام وحش قبل كده. عن إذنكم. دنيا مشيت راحت ركبت مع عبد الكريم وأميرة. ***** في القاعة. العريس والعروسة دخلوا. دنيا فضلت ماسكة فستان دعاء طول ما هي ماشية.

بتاع الدي جي: أستأذن العريس والعروسة إنهم يتفضلوا على الـ stage عشان نبدأ أول فقراتنا. ويا ريت أي كابلز أو أي اتنين مخطوبين أو متجوزين يشاركوا العريس والعروسة الفقرة دي. كلهم طلعوا على الـ stage، حتى محمد ومها. وفضلوا يرقصوا. دنيا خرجت وراحت الحمام وفضلت تعيط. بعد شوية ظبطت الميكب وخرجت وراحت لـ دعاء. دعاء شدتها: كنتي فين؟ دنيا: في الحمام. دعاء: بتعيطي؟ دنيا: على طول، فهماني؟ دعاء: لينا كلام مع بعض، بس في البيت بقى.

هنا محمد جه هو ومها. دنيا جت تمشي، دعاء مسكت إيديها. محمد: ألف مبروك يا حبيبتي. دعاء بصتله: شكراً. محمد: هتفضلي كده كتير؟ دعاء: أنا قولتلك هتخسرني لو اتجوزت الأستاذة اللي جنبك دي. مها: مالها الأستاذة اللي جنبه؟ وبعدين مش تبركيلي؟ مش أنا حامل. دنيا سابت إيد دعاء ومشيت. *****************

بعد مرور 8 شهور على أبطالنا، دنيا سافرت عشان امتحاناتها وسابت العيال مع أميرة ومها. قربت تولد. محمد لسه مفتكرش حاجة. دعاء وأدهم حبوا بعض أكتر وأكتر. *********** عند محمد كان بيدور على حاجة في شقته القديمة. وهو بيدور لقي صندوق مرسوم عليه قلب وحرف M وحرف D. فتحه، لق فيه رسايل كتير وصور كتير. فضل يقلب في الصور لحد ما جت صورة ليه هو ودنيا وندي، وصورة ليه هو ومالك ومريم وندي ودنيا. وقرأ الرسايل كلها.

دماغه وجعته: آآآه، قد إيه أنا غبي؟ أنا ضيعت كل حاجة من إيدي، آآآه. وبعدين رن على عبد الكريم. محمد: عايزك حالا، أنا في شقتي القديمة. وقفل السكة. بعد نص ساعة عبد الكريم راح عند محمد. محمد: ليه ليه يا عبد الكريم؟ خليتوا دنيا تعمل كده. عبد الكريم بفرحة: إنت رجعتلك الذاكرة؟ محمد بعياط: ليه خلتوني أطلق دنيا؟ ليه؟ عبد الكريم حكاله كل حاجة. محمد: أنا كده ضيعتها تاني.

عبد الكريم: دنيا قلبها طيب وبتحبك، بس إنت حاول معاها بقى، لأنها عنادية أوي. محمد: ادعيلي يا صاحبي. ***************** دنيا امتحاناتها خلصت. ياسمينة: أخيرا أخيرا خلصنا، أنا فرحانة أوي. دنيا بفرحة: أنا فرحانة أوي، أنا هحجز وأنزل مصر وهاجي بقى على التخرج. مهاب: مبروك يا ياسمينتي. ياسمينة: الله يبارك فيك يا نور عيني. وحضنته. دنيا: ربنا يخليكم لبعض يا حبايبي. مهاب: بصي وراكي كده يا دنيا.

دنيا بصت وراها، لقت محمد واقف وفي إيده ورد. دنيا كانت هتجري عليه وتحضنه، بس افتكرت إنها خلاص اتطلقت منه. دنيا: إيه اللي جابك هنا؟ محمد: في حد يقابل جوزه المستقبلي كده؟ دنيا ابتسمت بسخرية: ومين قال كده؟ سيبني في حالي بقى. ومشت وسابته. مهاب: معلش يا صاحبي، بس هي عندها حق. محمد مشي وراح الفندق وقعد يفكر يعمل إيه عشان يصلحها. محمد فكر في فكرة وقال لازم ينفذها بعد ما ينزل مصر. تليفون محمد رن. عبد الكريم: إحنا لقينا زين.

محمد: طب حلو، خليه عندك في المخزن لحد ما أنزل مصر. محمد قفل مع عبد الكريم. وبعدين رن على دنيا من رقمه الجديد. دنيا ردت. محمد: إيه يا جميل؟ مش هتحني بقى؟ دنيا: انسى يا محمد. وقفت في وشه. محمد: ماشي يا دنيا، هتشوفي هتخليني تسمحيني إزاي. ****** يتبع...... استنوا pater18 بًقُلَمً آمًيَرهّ مًحًمًدٍ