رواية احببتك بدون مقابل الفصل السابع عشر 17 - بقلم ايات قرآنيه

بدرية: يا أولاد استهدوا بالله، حرام عليكم. صوتكم عالي ليه؟ افتحوا الباب. يحي: حسابي معاك لسه، ومن هنا نومك فوق، انتي وبنتي. أهلة: لا، ما ببعدش عن خالتي بدرية. يحي بمكر: وماله. ثم شمل الغرفة بعينه: الغرفة حلوة وبتشيلنا الاتنين. *** تململت في الفراش ووجدت مكانه فارغًا. ابتسمت قليلًا ثم توجهت إلى الحمام وجهزت نفسها. نزلت الطابق الأرضي وجدته يجلس على الطاولة. ماريا بسعادة: صباح الخير يا حبيبي.

الشخص بحدة: الزمي حدودك واعرفي إنتِ شغلك إيه. ماريا: أنا يعني... الشخص: إنتِ إيه؟ أوعي تفكري بنومي معاكِ تلوي دراعي. لا، إنتِ زيك زي بنت ليل، غير كده لا. فاعرفي مكانتك. ماريا ابتلعت غصة مريرة: أنا آسفة، عن إذنك. واتجهت إلى الباب. الشخص: استني. التفتت له بثبات: اتفضل يا فندم. الشخص: في أقرب وقت ينفصلوا. مش عايز حاجة غير كده. ماريا بعد أن أخذت قرارها: حاضر. وخرجت. ******* نجوم من الخارج: ماما، ماما، افتحي الباب.

أهلة بصدمة: نجوم! ثم رفعت صوتها: جاي يا حبيبتي أهو. خرجت مسرعة إلى ابنتها واتجهت إلى صالة الجلوس، ثم لحق بها يحي الذي قال لوالدته: معلش يما، استحمليني أيام لحد ما ترضي وترجع بيتها. بدرية: ده بيتك يا ابني، الله يهدي ما بينكم يا رب. يحي بحب: نجوم حبيبتي، تعالي لبابا. نجوم بزعل: لا، إنت وحش، زعلت ماما أوي. يحي جلس أرضًا بجوار أهلة: طيب، أسف لماما ولكِ كمان، و يا ستي، أهي. ثم قبل أهلة على خدها. أهلة بصدمة وخجل: يحي، عيب.

نجوم بطفولة: هيي، كنت بعرف إنك حباب، وأمي بتقول لي على طول إنك حنون وطيب. احتضنته بقوة: بحبك يا بابا. أغمض يحي عيناه وهو مستمتع بوجودها وكلمتها التي أطلقت السعادة لقلبه: وأنا بحبك يا قلب بابا. جلس على الكرسي وأجلسها على قدمه: قولي لي، بتعزفي عني إيه؟ نجوم: هو هو كتير، يعني إنك بتحب المزيكا الهادية. يحي: آه، وكمان؟ نجوم بتفكير: وبتتحسس من الفراولة، وبتشرب قهوة على الريق، وبتحب شغلك أوي. يحي باندهاش: عرفتي كل ده منين؟

نجوم: من... وأشارت بيدها إلى أهلة التي أتت بفنجان قهوة ووضعته على الطاولة، ثم عاودت: هي قالت لي. تابع يحي طيفها: هي بتحبني لدرجة كبيرة، جرحتها وقسيت عليها، وبتعرف أدق تفاصيلي، حتى بنتي حبيتها فيا. بعد فترة، جلسوا جميعًا على طاولة الإفطار. *** جلست على البحر تبكي وتصرخ: آآآه، غبي يا قلبي، فكرته بيحبك، أهو طلع بيعتبرك بنت ليل. ظلت فترة طويلة تنظر إلى البحر، انتشلها من أفكارها صوت الموبايل. ***

يحي: ماريا، ماريا، فين إنتِ؟ ثم فتح الغرفة: الله، راحت فين من الصبح؟ اتصل بها: الو، فين إنتِ؟ ماريا بتعب: على البحر، اتخنقت، قلت أتمشى. يحي بقلق: مالك؟ صوتك ماله؟ ماريا بضحكة مريرة: ماليش يا "أبيه" يحي، ماليش. يحي: طيب، أنا جاي. ماريا: لالا، أنا جايه أهو. تحركت: ما تخافش، يلي سلام. وقفت الخط. ماريا: ياآآه، يحي الوحيد اللي واقف جنبي. بعد فترة، وصلت البيت وطلعت إلى الشقة، وجدت يحي بانتظارها. قام متجهًا إليها: مالك؟

فيك إيه؟ رفعت ماريا رأسها له: يحي بيه، نتكلم، ممكن؟ يحي: طبعًا، اقعدي. ثم قال لها: لحظة، جايالك. ودخل المطبخ أحضر لها كوب ماء وقهوة، وجلس بالقرب منها مع حفظ المسافة. ماريا: احم، إن الوقت إنه نحنا نطلق. يحي بتنهيدة: ليه؟ أنا قلت لك قبل كده مش هاعترض، بس حاضر يا ماريا. ماريا: هو أنا عايزة أقول لك الشخص بيكون... قاطعها يحي: ما فيش داعي تذكري اسمه.

ثم مال إلى الأمام وأكمل: المهم إنتِ، أنا شايف عشقك ليه كل السنين دي، ليه تعذبي نفسك؟ أنا وعدتك إننا نطلق أول ما تطلبي، وأنا عند وعدي.