رواية احببتك بصدفة الفصل الخامس 5 - بقلم سمر بسطاوي

آدم صحي عشان يروح الشغل لقى شذى محضرة الفطار. آدم: صباح الخير. شذى: صباح النور. أنا حضرتلك الفطار، تعالا نفطر سوا. آدم وشذى كانوا بيفطروا لقوا الباب بيخبط. شذى: أنا هقوم وأفتح. آدم: لا خليكي، أنا هفتح. شذى: أوكي. آدم قام فتح لقى جميلة. آدم: إزيك يا دكتورة جميلة؟ جميلة: الحمدلله. آدم: اتفضلي. جميلة دخلت. شذى: إزيك يا دكتورة جميلة؟ جميلة: الحمدلله، إنتي عاملة إيه؟ شذى: الحمدلله تمام. تعالي افطري معانا.

جميلة: لا شكراً، سبقتكم. أنا هروح لملاك. جميلة راحت لملاك وقعدت تتفحصها، وكانت كويسة وفيه تحسن كبير. آدم: ملاك عاملة إيه؟ جميلة: الحمدلله. فيه تحسن كبير في حالتها وممكن تفوق من الغيبوبة. آدم: بجد؟ الحمدلله. الحمدلله يا شذى! شذى: إيه؟ ملاك فيها حاجة؟ آدم: ملاك حالتها اتحسنت جداً واحتمال إنها تفوق. شذى بفرحة: اده بجد؟ الحمدلله. أنا هروح أصلي ركعتين شكر لربنا. آدم: أنا هروح الشغل عشان اتأخرت. *** في الشركة.

أحمد: إزيك يا لبنى؟ لبنى: الحمدلله تمام. فيه حاجة؟ أحمد: إيه؟ لا مفيش. لبنى: مدام مفيش كلام يبقى ممكن بقى تروح على شغلك، أظن عندنا شغل كتير. أحمد اتضايق وسابها ومشي. *** شذى: إنتي يا جميلة عندك كام سنة؟ جميلة: 23، وإنتي؟ شذى: 28. جميلة: هو إنتي خريجة إيه؟ شذى: هندسة. جميلة: الله! أنا برضه أخويا خريج هندسة وبيشتغل دلوقتي. شذى: اده بجد؟ جميلة: بجد. شذى: تصدقي إني ارتحتلك جداً وحبيتك.

جميلة: وأنا كمان والله، أساساً إنتي من الوجوه المحبوبة. قعدوا شذى وجميلة جنب ملاك يتكلموا وبيتعرفوا على بعض. تلفون جميلة رن. جميلة: الو. محمد: بقولك أنا عندي شغل كتير النهاردة وهرجع على الساعة 10 كده، هبقى آخدك في طريقي. جميلة: ماشي، وأنا موافقة. بس هتجيبلي شوكولاتة. محمد: همك على بطنك على طول. ماشي يا أختي. جميلة: ماشي، هاتيه وانت جاي. محمد: حاضر، باي بقى. جميلة: باي. شذى: أخوكي ده؟

جميلة: آه، كان بيقولي إنه هيجي عشان ياخدني في طريقه. شذى: تمام. *** في الشركة. تلفون آدم رن. آدم: الو، مين؟ مجهول: يبني أنا شادي عمك. آدم: إزيك يا عمي، عامل إيه؟ شادي: الحمدلله تمام. يبني إنت عامل إيه؟ آدم: الحمدلله تمام. شادي: أنا هاجي من إسكندرية أقعد معاكوا يومين، أنا وابني ياسين. آدم: تنور يا عمي في أي وقت. شادي: أنا هاجي الشهر الجاي أو الأسبوع الجاي. آدم: تمام يا عمي. وقفلو المكالمة. أحمد: كنت بتكلم مين؟

آدم: ده عمي، قال إنه جاي يقعد عندنا يومين. أحمد: غريبة يعني، من امتى؟ آدم: أنا عارف، فكك. المهم، حضرت الاجتماع؟ أحمد: آه، كله جاهز وتمام. آدم: تمام، يلا أنا هروح على قاعة الاجتماعات. أحمد: تمام، وأنا هجيب الملف وألحقك. آدم: تمام. *** عند محمد.

محمد: عندنا دلوقتي اجتماع مع شركة كبيرة، المهندسين. لو عرفنا ناخد الصفقة دي هنبقى في حتة تانية خالص. أنا عايزكم تحسسوا مدير الشركة دي الأستاذ آدم إنه هو اللي محتاجنا، مش إحنا اللي محتاجينه. تمام؟ تعالوا يلا نروح الاجتماع هيبدأ. دخل آدم ومحمد الاجتماع. آدم: إزيك يا أستاذ محمد؟ أنا أستاذ آدم، مدير الشركة. محمد: الحمدلله يا أستاذ آدم. نتكلم في الشغل بقى. آدم: تمام. محمد كان بيوري آدم الشغل بتاعه، وآدم كان منبهر بيه.

آدم: شغلكم عجبني، وأتمنى نتعاون. إيه يا أستاذ محمد، نمضي العقود؟ محمد: وأنا موافق. مضى آدم ومحمد العقود وابتدوا شغلهم مع بعض. آدم: أستاذ محمد، أنا عامل في آخر الأسبوع حفلة بمناسبة شركتنا، أتمنى تحضر وتجيب عيلتكم معاكم. محمد: تمام، إن شاء الله. معلش أنا لازم أمشي دلوقتي. آدم: تمام، مع السلامة. *** جميلة: ياه، الوقت خدنا وإحنا بنتكلم. شذى: فعلاً، أنا ما حسيتش بنفسي وأنا بتكلم معاكي. شكلنا هنبقى صحاب.

جميلة: إحنا بقينا صحاب فعلاً، ولا إنتي عندك رأي تاني؟ شذى: لا طبعاً يا دكتورة جميلة. جميلة: جميلة بقى. شذى: ماشي يا جميلة. فون جميلة رن. محمد: خلصتي شغل؟ جميلة: آه، من بدري بس إنت اللي اتأخرت. عشان كده هتجبلي شوكولاتين. محمد: متقلقيش، جبتلك أربعة وجبت واحدة ليا. جميلة: دايماً بقول عليك أخويا وحبيبي. محمد: هتفضلي ترغي كتير، يلا. جميلة: حاضر. جميلة نزلت لقت محمد مستنيها بالعربية تحت. لسه هتروحله لقت آدم جه قدامها.

آدم: تعالي أوصلك. جميلة لسه هترد لقت محمد جاي. محمد: إيه؟ آدم: اده أستاذ محمد، بتعمل إيه هنا؟ محمد: أستاذ آدم، معلش بس مخدتش بالي. أنا جاي أجيب أختي جميلة من هنا. جميلة: اده! هو إنتوا تعرفوا بعض؟ محمد وآدم في صوت واحد: آه، بنشتغل مع بعض. جميلة: اده بجـد؟ محمد: هو إنتي تعرفيه؟ جميلة وآدم في صوت واحد: آه. جميلة: فاكر البنت الصغيرة اللي قولتيلي إنك بتعالجها؟ أهو ده بقى يبقى أخوها، واللي هو تقريباً مديري في الشغل.

محمد: ااااه، مكنتش أعرف إنه هو. جميلة: صح، جبتلي الشوكولاتة؟ محمد: إنتي مبتنسيش حاجة أبداً. جميلة: لا، وهاتهم بسرعة. محمد: خدي. جميلة بصت لآدم وطلعت شوكولاتة وقالتله: جميلة: أستاذ آدم، ممكن تدي دي لشذى أخت حضرتك؟ آدم: آه ممكن، شكراً. جميلة: العفو. محمد: سلام يا أستاذ آدم، يلا يا جميلة. آدم: نادي بـ آدم. محمد: ماشي يا آدم، وإنت كمان ناديني محمد. آدم: تمام، باي. محمد: باي.

مشى محمد وجميلة وراحوا ركبوا العربية بتاعت محمد ومشوا. في العربية. جميلة كانت بتاكل الشوكولاتة. محمد: طب هاتي حتة طيب، وعبري الغلبان اللي قاعد جنبك. جميلة: لا، إنت معاك واحدة كفاية عليك. إلا صحيح، إنتوا بتشتغلوا مع بعض من امتى؟ محمد: من الصبح يا أختي، ماهي دي الشركة اللي اتعاونت معاها. جميلة: اااااه. محمد: مالك مهتمة يعني؟ جميلة: مين أنا؟ لا خالص. محمد: اممممم، ماشي يا أختي. *** آدم: سلامو عليكم.

آدم: خدي، جميلة بعتتلك معايا دي. شكلكم خدتوا على بعض. شذى: آه، هي فعلاً بتتحب بسرعة. آدم: معاكي حق. شذى: بتقول إيه؟ آدم: بقول إيه؟ مقولتش حاجة. ودخل على أوضة بسرعة. آدم: هو أنا مالي؟ أنا اتجننت ولا إيه؟ لا وكمان بكلم. ودخل خد دش وقعد يفكر في جميلة لحد ما نام.