رواية احببتك بصدفة الفصل السابع 7 - بقلم سمر بسطاوي

ادم نزل يصلى ورجع. ادم: سلامو عليكم. جميله وشذى: وعليكم السلام. ادم: تعالى يجميله اوصلك، انتى خلصتى شغل صح؟ جميلة: اه خلصت، بس ملوش لزوم انك تروحي، انا هروح لوحدي. ادم: الوقت ليل، وبعدين مش هتلاقى موصلات دلوقتي، وبعدين انا هوصلك علطول ومش عاوزه اعتراض. جميلة: ماشى. ادم ببتسامه: يلا. جميلة: تمام، باى شذى. شذى: باى يجميله. ادم: انا ملاحظ انكم بقيتوا صحاب جدا. جميلة وشذى بصوا لبعض وبصوت واحد: جدا جدا.

ادم: يبقي احذرى منها يجميله، ميغوركيش انتى الطيبه دى. جميلة: متقلقش، انا مش سهله برضو، وده غير شذى كيوت خالص يعني. ادم: لا والله، طب يلا. جميلة بضحكه خطفت قلب ادم: يلا. ادم وجميلة نزلوا وهما على السلم، جميلة كانت هتقع. جميلة: ااه. ادم مسكها بسرعه قبل متقع وعنيهم جت في عيون بعض. ادم: انتى كويسه؟ جميلة: ايه ااه اه كويسه. *** احمد خرج من الشركه وكان زعلان ومضايق من لبنى. وهو ماشى كان في عربية هتخبطه.

قام بنت شدته بسرعه من قدام العربية. البنت: انت كويس؟ احمد: اه اه انا كويس، انتى كويسه؟ البنت: الحمدلله انا كويسه، انت كانت دماغك فين؟ انت كنت عاوز تموت ولا اي؟ احمد: انا اسف، بس انا كنت مضايق شويه. البنت: عادى ولا يهمك، اهم حاجه انك كويس. احمد: شكرا ليكي ياه. البنت: سارة، اسمى سارة. احمد: شكرا يسارة. سارة: العفو. احمد: بجد شكرا مره تانيه. *** ادم وجميله وهما فى الطريق. ادم حاول يفتح كلام مع جميله.

ادم: اخوكى محمد عامل ايه؟ جميله: الحمدلله بخير. ادم: اخوكى شاطر جدا ومميز. جميلة: فعلا محمد اخويا بيهتم بشغله جدا وعشان كده هو متقدم فى شغله جدا، والشركات بتحب تتعاون معاه، انا مش بقول كده عشان اخويا وانت صاحب الشركه، انا بقول دايما الى بشوفه. ادم: ودى الحقيقة فعلا، اخوكي بجد انسان مبدع. جميلة: شكرا. ادم: متشكرنيش، انا بقول الحقيقة. جميلة: اه صح، محمد قال ان فى حفله بمناسبه الشراكه. ادم: اه فعلا.

جميلة: انا ممكن اخد اجازه اليوم ده. ادم: متقلقيش، انا عامل حسابي وكنت هقولك اساسا، وقولت للممرضه الى معاكي كمان عشان تاخد بالها من ملاك، ناقص بس انتى تديها التعليمات. جميلة: اده بجد، طب شكرا. ادم: العفو، بقولك يدكتوره جميله، ممكن نكون اصدقاء؟ جميلة بصتله وحست برتياح ليه ولقت نفسها بتقوله: يبقى تقولي يجميله بس، انا اصدقائي بيقولولى يجميله. ادم: ماشى يجميله. وقعدوا طول الطريق يتكلموا ويضحكوا لحد ما وصل ادم وجميله.

ادم: وصلنا. جميلة: باى. ادم: باى، اشوفك بكره فى الحفله. جميلة: تمام.