رواية أحببتك دون ان ادري الفصل الخامس 5 - بقلم مارينا عبود

امير: انتي ياسمين انتي ايه جابك هنا؟ ياسمين: اعملك ايه مش عارفه اتلم عليك والمفروض انه حضرتك تشوف حل للي احنا فيه. انت عارف اني بحب سيف ومستحيل اتجوزك. امير: طيب وانا اعملك ايه؟ عمي هو اللي عاوز يجوزك ليا وانا مقدرش ارفض. وبما انك بتحبي سيف، مرفضتيش ليه؟ وبعدين انا اصلا مش مهتم بموضوع الجواز، كل الحكاية بس علشان ارضي امي مش اكتر. ياسمين: امير انت عارف اني مقدرش ارفض طلب بابا وانت عارف انه صعب، يعني اعمل ايه؟

امير: وانا مقدرش اساعدك. ياسمين بغرور: طيب، وانا برضه مش مسئولة عن اللي هيحصل. سلام. وطلعت بسرعة من المكتب وهي كلها غضب. رنا شافتها وهي مش فاهمة حاجة. يا ترى مين دي؟ رنا في نفسها: يخرب بيتك يا رنا، وانتي مالك؟ هو اصلا بني آدم حيوان، ملكيش دعوة. رنا طرقت باب المكتب. امير: اتفضلي. رنا: انا خلصت الورق والمفروض اني امشي، ولا حضرتك عاوز حاجة تاني؟ امير: لا اتفضلي، ويا ريت متتأخريش بكرة علشان هيكون فيه عقوبة.

رنا: وانا مالي؟ هو انا اتأخرت بمزاجي؟ ايه ده؟ امير: ان شاء الله هقطعلك لسانك قريب. رنا: نعم؟ ولساني عملك ايه كمان؟ امير: طويل وعاوز القطع. رنا: لا والله، لساني طويل مع الناس اللي مش محترمة. امير بعصبية: قصدك ايه؟ رنا: لا مقصديش. بعد اذنك. امير: اتفضلي. رنا نزلت من الشركة وهي متعصبة من امير جداً. وهي ماشية اتكعبلت ووقعت. في الوقت ده امير طالع من الشركة. امير شافها وفضل يضحك عليها. رنا بصت لقت امير واقف وبيضحك عليها.

رنا: ايه ده؟ ده حضرتك بتعرف تضحك وسنانك جميلة، تصدق كنت خايفة تكون مخلع سنانك علشان كده خايف تضحك في وش الناس لحسن تتكشف؟ امير بص عليها بغضب وهو كاتم ضحكته. امير: تصدقي انك تستاهلي اللي حصلك علشان طولت لسانك. رنا: انت لسه هتتخانق؟ تعال ساعدني. امير مد ايده علشان يساعدها، وهي مسكت ايده وبعدها ساب ايدها بسرعة ووقعها تاني في الارض. رنا: عااااااا! تصدق انك واحد قليل ذوق وحيوان، انت ازاي توقعني؟

امير: هه، لما تتعلمي تتكلمي بأدب، ابقى اساعدك. رنا بعصبية: عااا، مش عاوزة منك مساعدة، امشي من وشي. امير بعصبية: حضرتك عارفة انتي بتتكلمي مع مين؟ رنا وهي تقلد امير: انت طول الوقت تقول لي حضرتك عارفة انتي بتكلمي مين؟ تقول لي بكلم وزير الداخلية وانا معرفش. امير: وربنا انتي مجنونة، وانا مش ناقصك اصلا. رنا اتسندت على العمود اللي جنبها وقامت. رنا: يا عم وانا قلت لك تعال اقف جنبي.

امير: بصراحة كنت حابب اساعدك علشان صعبتي عليا، بس بسبب طولت لسانك رجعت في قراري وحبيت اعلمك درس. رنا: هو احنا في مدرسة؟ هتعلمني درس؟ امير بعصبية: لا لا، ده انتي مفيش دماغ خالص. اختفي من قدامي بدل ما ارتكب جريمة. رنا: قال أنا؟ أنا هموت واشوفك بلا قصة. ومشيت. امير فضل يضحك عليها وعلى تصرفاته. رنا روحت البيت وهي متبهدلة خالص. صفاء: ايه ده؟ ايه حصلك؟ مالك؟ امجد: بنتي مين اللي عمل فيكي كده؟

رنا: اهدوا اهدوا. أنا وطالعة من الشركة اتزحلقت ووقعت. ودلوقتي عاوزة انام. صفاء: طيب مش هتتعشي؟ رنا: لا، اكلت في المكتب. يلا تصبحوا على خير. دخلت اوضتها واخدت شاور وفضلت تفكر في المغرور علشان ترد له اللي عمله معاها النهارده. رنا: طيب يا امير باشا، أنا هوريك إزاي توقعني. وراحت علشان تنام. في فيلا امير عثمان. امير ركن عربيته في الجراج ودخل علشان يشوف مامته. سعاد: انت جيت يا بيه؟ المدام كانت بتسأل عليك. امير: هي فين؟

سعاد: في اوضتها يا بيه. تحب احضرلك العشاء؟ امير: لا لا مش عاوز. سعاد: حاضر يا بيه. امير ركب فوق علشان يشوف مامته. امير طرق الباب. عبير: اتفضل. امير دخل غرفة امه لقاه قاعدة على السرير. عبير: حبيبي، انت جيت ليه اتأخرت كده؟ قلقتني عليك. امير باس جبين امه: أنا اسف يا ست الكل، حقك عليا. انتي عارفة ضغط الشغل. عبير: حبيبي، انت طول الوقت مشغول في الشغل. امير: معلش، حقك عليا.

عبير: طيب جهز نفسك علشان هتتجوز بنت عمك الأسبوع الجاي. امير: نعم؟ الأسبوع الجاي؟ عبير: ااه، علشان عمك سليم مسافر أمريكا وعاوز يخلي الفرح قبل ما يسافر. امير: طيب يا امي، اللي يريحك. انا هروح اخد شاور وانام. عبير: طيب يا حبيبي، روح. امير طلع من غرفة امه وهو مضايق لأنه مش عاوز يتجوز اصلا. دخل اوضته واخد شاور وطلع قعد على السرير وفضل يفكر في المجنونة، ام نص لسان، وبيضحك. وبعدها نام. في الصباح في شركة امير عثمان.

امير وصل الشركة بص على مكتبها ملقهاش. ابتسم بخبث علشان قرر يعاقبها لو اتأخرت. رنا طلعت من مكتب رحمة لقتها بيبتسم وهو باصص على مكتبها، ففهمت انه مجهز لها مكيدة جديدة. رنا بضحك: صباح الخير يا مستر امير. امير بص وراه واتصدم لما شافها. امير: ده ايه النشاط اللي نازل عليكي على الصبح؟ رنا بضحك: هو مش حضرتك قولت لي اجي بدري؟ وبصراحة أنا مش بحب اتهزق مرتين. امير في نفسه: انتي مهزقة اصلا. رنا: قلت حاجة؟

امير: ااه، قلت تعالي ورايا علشان تاخدي ورق المناقصة تخلصيه. رنا: حاضر. امير دخل مكتبها وكانت وراه رنا. امير: خدي الورق ده وعاوزاه يكون جاهز النهارده. وكمان اعملي لي قهوة. رنا: طيب، اخلص ورق المناقصة، اوك. لكن اعملك قهوة ليه؟ دي حاجة مش تخصني. امير: وانا قلت اعملي لي قهوة فوراً. رنا بخبث وعصبية: حااااضر. احمد طرق باب المكتب. احمد: ممكن ادخل؟ امير: اتفضل. احمد دخل لقى رنا واقفة. احمد: صباح الخير. امير: صباح النور.

رنا: صباح الخير يا أستاذ احمد. امير: رنا اتفضلي واعملي اللي قلت لك عليه. رنا: حاضر. طلعت رنا وهي بتفكر تعلمه درس ما ينساهوش. في المكتب. امير: احمد، عملت ايه في المناقصة؟ احمد: خلصنا وكله تمام. امير: طيب، جهز علشان ماما عاوزاني اتجوز ياسمين الأسبوع الجاي. احمد: مش كان المفروض بعد شهرين؟ امير: المفروض بس اعمل ايه؟ عمي مسافر وعاوز اتجوز بنته قبل ما يسافر أمريكا. احمد: امير، انت متأكد انك عاوز تتجوز ياسمين؟

امير: ههههه، انت عارف اني بكره الجواز ومش هاممني اتجوز ياسمين او غيره. رنا طرقت باب المكتب. امير: ادخلي. رنا بخبث: اتفضل القهوة. امير: حطيها على المكتب واطلعي. رنا بخبث: حاضر. امير قعد على مكتبه وراح علشان يشرب القهوة. شرب بق ووشه بقى أحمر. امير بعصبية وصوت هيوقع الشركة: رناااااااااااا! ده انتي يومك أسود. احمد بصدمة: فيه ايه مالك؟