رواية احببتك رغم قسوتك الفصل السابع عشر 17 - بقلم دنيا محمد

سليم دخل لخديجة بحب. سليم: مبروك ياقلبي، كمان كام شهر هتجبلنا باشا صغير. خديجة بدموع وفرح: بجد يعني أنا هبقى أم؟ أنا فرحانة أوي، كان نفسي أبقى أم. سليم باس إيديها بحب وقال: حلمك اتحقق ياقلبي، يلا بينا. وخدها وروح عند أيمن وريماس. ريماس كانت لابسة قميص نوم أسود وقصير أوي. ريماس قدام المراية: أيوه، أنا بحبه وكفاية كده، لازم أعترف له بحبي ليه. سمعت الباب بيتفتح بتاع الشقة، بصت في المراية بسرعة تشوف نفسها، وبعدين طلعت.

أيمن بصدمة: إيه الجمال ده! ريماس اتكسفت جامد وكان قلبها بيدق بشدة. قرب منها أيمن. أيمن بحب: الجمال ده كله ليا؟ ريماس هزت راسها بخجل وقالت: أنا بحبك يابن عمي، أنت الإنسان اللي حسيت معاه بالأمان والحب، وقدرت تبعد عني أبويا واللي كان عايز يرميني ليا. أيمن بحب: لو أطول أشيلك في عيوني هشيلك، أنا بعشقك. ريماس حضنته وهو مال باسها بحب ورقة، وهي اتجاوبت معاه. ونسيب الناس اللي بيحبوا بعض دول.

عند سليم، رجعوا الصعيد، وأيمن وريماس برضو. ليلى: لولولولولي! ألف مبروك ياحبيبتي، افرح يامحمد، الحفيد اللي كان نفسك فيه هييجي. حضن محمدي سليم بفرحة. محمدي: ربنا يبارك فيك يابني. محمدي بفرحة: يامدحت، عايزك تدبح وتفرق على الغلابة. مدحت: أمرك يابيه. عدت الشهور وكانت خديجة في الأواخر من الحمل، وكانت تعبانة. سليم: مالك ياقلبي؟ خديجة بتعب: مفيش ياحبيبي، هو بس الحمل شادد عليا شوية. سليم

بحب مسك إيديها وباسها: معلش ياحبيبتي، صدقيني هتولدي وهتخلصي من كل التعب ده. خديجة: يارب. في يوم، كان الكل نايم وسليم نايم وخديجة جنبه، لكن هي قامت من الوجع الشديد اللي جه على بطنها. خديجة بتعب: سليم قوم، بطني بتتقطع. سليم بنوم: مالك ياحبيبتي بس، في إيه؟ خديجة بصريخ: بقولك قوم، شكلي بولد، هموت. سليم بخضة قام: إيه! حاضر حاضر. جري على أوضة أمه وأبوه. سليم: اصحي ياما، خديجة بتولد. محمدي بفزع: إيه!

طب روح اتصل بالداية يابني. قامت ليلى بسرعة وراحت لخديجة. ليلى: امسكي نفسك ياحبيبتي، خدي، عضي في المخدة دي. فضلت خديجة تعض في المخدة بوجع شديد. لحد ما الداية وصلت وولدت خديجة على خير. الداية: ألف مبروك ياسليم بيه، جالك ولد زي القمر. سليم مسك الولد وكبر في ودنه، ودمع من الفرحة. محمدي بحب: مبروك يابني. ومسك الولد بفرحة، والكل بارك لهم. وبعد مرور سنين، خلف أيمن وريماس، وسليم ونورا وأحمد. سليم وخديجة: يوسف ورحيم

(على اسم أخوه) ، ونيرة. رحيم اتجوز طبعاً بنت بيحبها وخلف: سلمي ومحمد ويونس.