رواية احببتك صدفه الفصل الثالث والثلاثون 33 - بقلم ايمان محمد

آسر كان سايق وفجأة عربية طلعت قدامه. حسام نزل من العربية وقال: "يا أسر بيه، إحنا محتاجينك حالياً." آسر: "في إيه؟ أنا لازم أروح لتالين." حسام: "لا يا أسر، لازم نقول الخطة دلوقتي وتجهز معانا عشان حياتك ما تبقاش في خطر. لازم تيجي معانا." آسر راح معاهم وقعدوا يقولوا له الخطة، وكانت عبارة عن إن حسام يدخل البيت بحجة إنه بيوصل أكل، وباقي الخطة تعرفوها مع الأحداث.

معتز كان بيكلم نفسه: "كفاية كده، إنتي عيشتي كتير. إيه آخر أمنية ليكي؟ يا ترى؟ طب استنى لما ترجعي لوعيك، ولا أقتلك دلوقتي وخلاص." وسمع جرس البيت بيرن، وخاف إن محمد ونور يصحوا، فطلع يفتح الباب. معتز: "مين حضرتك؟ حسام: "الطلب ده حضرتك طلبته." معتز: "أنا مش طلبت حاجة." حسام: "الطلب ده مطلوب للبيت رقم... معتز: "ده بيتي بجد، بس أنا مش طالب حاجة." حسام: "الاسم كان... معتز (في نفسه) : "ده واحد من رجالتى."

حسام: "لو سمحت، لازم تستلم الطلب." معتز كان بخيل جداً: "أدفع مين؟ استنى حضرتك." وأخده وراح الجنينة اللي كان عامل فيها بيت لرجالته. دخل وبينظر عليه: "إيه في إيه يا معتز بيه؟ معتز: "تعالى عشان فيه طلب أنت طالبه بره." حسام كان عايز يشتتهم على ما آسر يدخل ويطلع تالين وعياله، وكان آسر معاه فريق كامل. معتز: "هو ده اللي طالب الأكل؟ " وسابهم ومشي.

آسر دخل البيت من فوق السطح ونزل. لقى تالين مرمية على الأرض وفاقدة الوعي. راح خدها وطلع على السطح عشان يهرب. وهو بيسند تالين وبيطلع بيها على السطح، لقى أوضة عياله في وشه، وكان محمد ونور نايمين. آسر: "طب أنا أنقذ عيالي إزاي؟ لازم مش يخافوا." وقال: "كده كده هما هيقبضوا عليه، فخلّي العيال دلوقتي." وأنقذ تالين وطلع السطح. معتز وهو داخل البيت لقى واحد بينده عليه: "يا معتز بيه، يا معتز بيه." معتز: "عايز إيه؟

"بتاع الأكل اللي هناك ده رائد، وأكيد جاي يقبض علينا." معتز: "إنت بتقول إيه؟ "أنا شفته مرة على التلفزيون وكان رائد." معتز: "ده لو كلام صح، يبقى إحنا انتهينا." "يا معتز بيه، فيه حد اقتحم البيت وعلى السطح دلوقتي، لسه جاي حالا التنبيه ده." معتز: "إنتوا اللي دخلتوا المقر بتاعي، إنتوا إللي غلطتوا."

وطلع يدخل البيت، لقى فعلاً تالين مش موجودة، وفيه حد دخل البيت. طلع على السطح لأن آسر وتالين لسه ما مشيوش، لأن الطيارة لسه ما جتش. معتز ضحك ضحكة عالية جداً: "هههههههههههههههههههههههههههههههه. مش هقدر تمشي ولا أنت ولا هي." وفضل يتكلم. رجال معتز لفوا حوالين البيت، وفيه اللي طلعوا على السطح مع معتز. معتز: "تدور كده عشان أعرف أقتلك كويس." آسر دار. وأول ما شافه معتز قلبه حن شوية. آسر: "آه، أسر يا بابا؟ ولا أقولك قاتل ماما؟

ولا أقولك خاطف أولادي؟ ولا قاتل عيلة تالين؟ أقولك إيه فيهم؟ معتز كان مصدوم إنه عارف ده كله. معتز طلع المسدس: "ما دام عرفت، يبقى البنت دي ملهاش لازمة." آسر: "البنت دي مراتي، ومش هتقدر تعملها أي حاجة طول ما أنا موجود." تالين صحيت في الوقت ده. آسر: "إنتي صحيتي ي حبيبتي." وحضنها وقعد يعتذر لها على اللي حصل لها طول السنين دي، وإنه ما صدقها وكان بيتكلم معاها كلام جارح. مازن راح لـ سلمى: "إيه في إيه يا تالين؟

آسر قلقني عليكِ لما قال إنك كنتي فاقدة الوعي." سلمى: "أنا شفت تالين يا مازن." مازن: "شفتيها فين؟ سلمى بدموع وعياط جامد: "تالين اتخطفت يا مازن." مازن بصدمة: "إنتي بتقولي إيه؟ "تالين اتخطفت، ودلوقتي آسر راح ينقذها." مازن: "أنا في حاجات مش فاهمها." سلمى: "هتفهم لما آسر وتالين يرجعوا." مازن: "خلاص، أنا هروح أشوف آسر وأحاول أساعده." وساب سلمى ومشي. سالى كانت راجعة من السفر هي وجوزها وبنتها، وكان في استقبالهم أخوها أحمد.

أحمد: "أنا مش مصدق سـ... حبيبتي إنك متجوزة بقالك كام سنة." سالى: "أخيراً إنك تخطيت سلمى وهتتجوز قريب." أحمد: "إن شاء الله. أنا هعزم آسر ومازن. تيجي معايا إنتي وجوزك؟ سالى: "لا، استنى بكرة. إنت تعبان أوي النهاردة." أحمد: "خلاص، المهم راحتك يا أختي. تروح بكرة نعزمهم." بنت سالى صحت: "خالوا، خالوا." أحمد: "حبيبة قلبي خالوا." وأخدها ودخل البيت وقعد يلعب كتير أوي مع بنت سالى.

معتز: "سيب تالين وامشي يا أسر عشان لازم تكوني انهاردة." آسر: "إنت عندك حالة نفسية؟ هو إنت فيك إيه عشان تقتل كدا؟ لو حد هيموت انهاردة، هو إنت اللي هتموت." معتز ضحك على كلامه: "أنا هديك نصيحة يا أسر، سيب تالين وامشي، خليني أخلص اللي أنا عايز أعمله." آسر: "إنت بتهزر؟ إنت محتجز أصلاً ومتراقب." معتز: "وفيها إيه؟ شوية فلوس وكل واحد هيمشي." آسر: "لا، إنت بتهزر."

حسام اقتحم البيت ودخل. لقى عيال آسر وتالين نايمين في الأوضة، خدها وراح يوديهم للقوات بتاعته. "خلي بالك من العيال دي وخدها ووديها مكان آمن لحد ما أطلع أشوف آسر وتالين." تالين: "أسر، يا أسر." آسر: "عايزة إيه ي قلبي؟ تالين: "عيالنا، انقذهم يا أسر، عيالنا." معتز سمع الجملة دي، جاله خوف من فقدان نور ومحمد. "لا، لازم تموتوا انتوا الاتنين انهاردة. هو أنا أدوش نفسي ليه؟ معتز طلع المسدس ونشن على تالين. حسام طلع وفجأة...