رواية احببتك صدفه الفصل الثاني والثلاثون 32 - بقلم ايمان محمد

نرجع أربع ساعات لورا. مجهول: عرفت هي فين دلوقتي. مجهول: أيوه، هي دلوقتي في بيت قديم كده قاعدة هناك. : بيت في منطقة... مجهول: أيوه. بيقفل الفون ويركب العربية وبيطلع بيروح على المكان. معتز بيتصل على العصابة بتاعته: خلصتوا المهمة ولا لسه؟ العصابة: لسه يا معتز بيه، قربنا نوصل على المكان. معتز: انجزوا واخلصوا يلا. وبيقفل الفون، وبعدين بيروح يغير هدومه اللي عليها دم وبياخد دوش بكل هدوء. مازن بيتصل على آسر: فينك يا ابني؟

آسر: خلاص يا مازن، خلاص. مازن: خلاص إيه؟ إنت بتقول إيه؟ آسر: خلاص قررت إني هواجها، مش هقدر أقعد كده أتفرج. وبيقفل الفون. مازن: هو في إيه؟ وخلاص إيه؟ ي ترى هتعمل إيه يا آسر؟ وبيتصل عليه تاني بس آسر مش بيرد. آسر بيتصل على مازن: الو يا بابا. مازن: الو يا آسر يا حبيبي. هي فين ماما؟ اديهالي عايز أكلمها. آسر: ماما مش هنا. مازن: مش هنا فين؟ انت فين دلوقتي؟ آسر: أنا عند تيتا. مازن: تمام يا آسر، أنا جايلك كمان شوية، ماشي؟

آسر: ماشي يا بابا. نرجع لحد ما كنا واقفين بقا. سلمى و تالين بيتكلموا، وسلمى بتعيط. من بعد ما سمعت تالين وكل اللي عاشته، بتحضنها جامد. تالين بتعيط وسلمى بتعيط: أنا آسفة يا تالين، مش دورت عليكي كويس، أنا آسفة إنك عيشتي ده كله لوحدك يا حبيبتي. تالين: لا كده كتير، أنا مش حكيت لك عشان تعيطي يا سلمى وأعيط. وبتمسح دموعها. سلمى: أنا هقوم الحمام أغسل وشي. تالين: تمام.

سلمى بتكون في الحمام وتالين بتكون قاعدة وقلبها مكسور من اللي سمعته، وإني آسر فاكر كده. ومكسورة أكتر إني عيالها مش قادرة حتى ياخد منهم حضن واحد وهي في ده كله. فجأة بتلاقي الباب بيفتح. تالين بتقوم بصدمة: آآآآسر! وبتجري عليه بتحضنه وبتفضل تعيط وهي في حضنه. آسر بيكون جاي وتفكيره إنه عايز يعرف هي عملت معاه كده ومتعصب منها، بس أول ما بيشوف دموعها قلبه بيرق جداً وبيفضل يهديها. تالين: أنا اشتقتلك يا آسر.

آسر بيفوق وبيرجع للقسوة تاني وبيبعدها عنه. تالين بتنصدم إنه ليه عمل معاها كده وبتفتكر إنه فاكر إنها... آسر: بيتكلم ببرود وبيمسكها من دراعها: اشتقتيلي وإنتي بتخونيني مع حضرة الرائد حسام، مش كده؟ تالين بتنصدم من كلامه. آسر: وبيكون بيتكلم كلام بيجرح: امتى؟ ليه عملتي فيا كده يا تالين؟ أقولك حاجة؟ إنتي قدرتي تكسريني. تاخدي شهادة يا تالين؟ إنتي أول واحدة قدرت تكسرني وتخليني بالقسوة دي. شكراً يا تالين.

وبيكون بيتكلم كتير جداً وتالين مش بتقدر تتكلم وترد عليه، لأن قلبه بيوجعها. سلمى بتطلع بتشوف آسر بيتخانق مع تالين وهي بتعيط جامد. بتقول لنفسها: "خليني هنا أحسن، على الأقل تالين تاخد الفرصة إنها تحكي الحقيقة وتفهم آسر كل حاجة". وبتستنى وقت طويل. آسر بيمسك تالين جامد جداً من دراعها: ردي عليا، مش تخليني في الحيرة دي طول عمري؟ إنتي ليه عملتي فيا كده يا تالين؟ لييييه؟

تالين بتكون جايلها زهول من كلامه وبتكون خايفة منه ومش بتتكلم. آسر بيسيبها وبيمشي لأنه بيكون مش بترد عليه، وهو بيكون قلبه بيوجعه وهو بيكلمها بالطريقة دي وحزين، بس هو بردوا حزين لأنه شافها مع حد غيره. وبيكون لما عمل بحث عن الشخص ده عرف إن تالين عايشة عنده في البيت، فعشان كده كان متعصب جداً وزهقان. سلمى بتطلع بعد وقت لما بتلاقي مفيش صوت، وبتكون سامعة صوت عياط تالين. سلمى: مالك يا تالين؟ في إيه؟

تالين بتحضنها وبتفضل تعيط أكتر. سلمى: أهدي يا تالين، أهدي يا حبيبتي. وبعدين بتاخدها بتوديها الحمام تغسل وشها. سلمى: أهدي يا تالين عشان خاطري. تالين بتكون في الحمام بتعيط جداً، بعدين بتغسل وشها وبتطلع بره. وفجأة بتلاقي قدامها... العصابة. تالين بتجري خوفاً منهم. وفجأة واحد بيخبطها على رأسها وبيخطفها. معتز بيجيله رسالة إن المهمة انتهت. بيقعد يضحك ضحكة الشر بتاعته.

سلمى بتكون مخبوطة على رأسها ومرمية على الأرض، وبتكون مش اتخطفت لأن واحد من العصابة بيقول: "كفاية واحدة، ودي تنضرب على رأسها وخلاص وهي مش شافتني أصلاً". فبيقتنعوا ومش بيخطفوها. سلمى بتكون فاقدة الوعي نهائياً. آسر بيهدي نفسه وبيقول: "لا، لازم أفهم كل حاجة. أهدى يا آسر، أهدى". وبيروح تاني البيت ل تالين وبيلاقي سلمى مرمية على الأرض وفاقدة الوعي. آسر بيجري عليها وبيفضل يفوق فيها وبيجيب ميه وبيفوقها. آسر: في إيه يا سلمى؟

وإيه اللي عمل فيكي كده؟ سلمى بتكون رأسها بتوجعها جداً وبتكون ماسكة رأسها. وفجأة: سلمى: تالين فين؟ وبتقوم بتقعد تدور عليها، بتلاقي البيت كل حاجة فيه واقعة على الأرض. سلمى: تاااااااااااااالين! آسر: في إيه يا سلمى؟ وبتنظري على تالين أوي كده ليه؟ هتلاقيها طلعت مع حسام بتاعها. وبيكون بيتكلم من وراء قلبه وبيكون حاسس بشوية خوف عليها. آسر: بس إنتي بتعملي إيه هنا؟ وإيه اللي عمل فيكي كده؟ سلمى بخوف: حسام بتاع إيه؟

تالين اتخطفت يا آسر. آسر بصدمة: إنتي بتقولي إيه يا سلمى؟ ومين اللي قالك الكلام ده؟ سلمى بعياط: تالين اتخطفت تاني قدام عيني. آسر: أهدي يا سلمى كده واتكلمي بهدوء عشان أفهم إنتي بتقولي إيه. سلمى: يتهدى وبتتكلم بهدوء شوية: تالين اتخطفت يا آسر. وبتبدأ تحكيله كل حاجة. سلمى: عيالك عايشين يا آسر، وتالين كانت مخطوفة دول السنين دي. آسر: إنتي بتقولي إيه؟

سلمى: أنا مش بهزر، عيالك عايشين وتالين كانت مخطوفة، واللي خاطفها أبووووووك. آسر مصدوم من كلامها ومش مصدق هي بتقول إيه: إنتي الخبطة ماثرة على راسك يا سلمى. سلمى: أنا بتكلم بجد. فاكر يا آسر يوم ما إنت قولت ل تالين إن أبوك هو اللي قتل أهلها؟ اليوم ده إنت طلعت وسبت البيت ل تالين، صح؟ آسر بيتصدم إنها عارفة مع إنها مش قال لاي حد الموضوع ده.

سلمى: اليوم ده يا آسر، الدكتور اللي ولدت تالين حية وحكى كل الحقيقة وإني الأطفال عايشين، وتالين طلعت حكت اليوم ده لامك... ....................................................................... وبتكون حكت كل حاجة. سلمى: يعني كده يا آسر، تالين بريئة من موت أمك، وفي حد تاني قاتلها. آسر بيكون مصدوم من كلامها. آسر: اومال مين حسام اللي عايشة عنده ده؟ حسام بيجي على الجملة دي: قصدك عايشة مع أمي.

حسام: تالين كانت يوم ما هربت من اللي خاطفها، كانت ماشية في الشارع. بالليل متأخر، واليوم ده خدتها القسم وحكت كل حاجة. وبعدين مش كان في أمان إني أسيبها تروح تبات في أي مكان لوحدها، يمكن كان يحصلها حاجة، فخدتها تقعد مع ماما وأختي. آسر بيكون مصدوم من كل الكلام ده وإنه ظلم تالين. سلمى: إنت حضرة الرائد حسام، مش كده؟ حسام: أيوه. سلمى: ارجوك أنقذ تالين. حسام: مش تالين في البيت؟ سلمى بدموع: تالين اتخطفت.

حسام بيسمع الجملة دي وبيتصل على كل القوات بتاعته وبيقولهم يجتمعوا في مكانهم اللي بيقعدوا فيه. آسر بيسيب البيت وبيطلع يمشي. بيروح مكان بعيد عن البيت وبيصرخ: تااااااااااااااالين 💔❤️‍🩹 وبيكون مكسور من جوه. آسر: هُلا كدا يا آسر، كدا مش نافع. إنت لازم تنقذ عيلتك، لازم يا آسر. وبيركب العربية بتاعته وبيروح البيت بتاعه القديم، بيقعد يدور على أي حاجة أو أي معلومة تخص أبوه.

حسام مع الفريق بتاعه: إحنا لازم نقتحم المكان اللي معتز فيه النهارده. هو حالياً خطف تالين، ويمكن يقتلها. لازم نقبض عليه قبل ما يعمل حاجة. وبيقعد يعمل الخطة مع فريقه. آسر بيلاقي كارت مكتوب عليه اسم، بس مش باين من كتر الدم اللي عليه. وبيكون الدم ناشف. بيقعد يمسح في الدم لحد ما اسم بس بيبان، وهو معتز. آسر: بابا. آسر: بابا هو اللي قتل ماما. وبيدق الخوف جوه آسر على تالين. آسر: مش هخسرك يا تالين، وهرجعك بخير إنتي وعيالي.

وبيطلع يركب العربية بتاعته. بيتصل على مازن: الو يا مازن. مازن: الو يا آسر، إنت فين؟ آسر: عايزك تجيبلي رقم الرائد حسام بسرعة. مازن: ثانية ويكون عندك. بعد شوية بتيجي مكالمة من مازن. مازن: الرقم أهو يا آسر. آسر بيتصل على حسام: إنت فين يا حسام بيه دلوقتي؟ عايز أقابلك بسرعة. حسام: أنا حالياً رايح أقتحم بيت معتز عشان ننقذ تاليناسر: طب ممكن تبعتلي المكان لو سمحت. حسام: مش ينفع يا آسر، الوضع خطير وممكن يحصلك حاجة.

آسر: دي مراتي يا حسام بيه، وعيالي. حسام بقله حيلة وحزن على حالته وآدابه، هو بيحب تالين. بيقولوا المكان. آسر: شكراً يا حسام بيه، شكراً بجد. وبيقفلوا المكالمة، وآسر بيطلع بأقصى سرعة ممكنة عشان يوصل في أسرع وقت ممكن للبيت. العصابة: جبناها يا معتز بيه. معتز: أوعى حد يكون شافكم. واحد من العصابة: كان في واحدة هناك بس مش شافتنا، ضربناها على رأسها وخلاص. معتز: وليه مش خلصتوا عليها يا بهايم؟

العصابة: قولنا مش لازم يا معتز بيه. معتز: بهايم إنتوا بهايم، بس يلا بره دلوقتي وسيبوها دي هنا. معتز: اشتقتي للبيت ده يا حلوة، صح؟ آسر بيكون قرب يوصل للبيت. آسر: المكان ده أنا عارفه، أنا جيت هنا قبل كده. وبيقعد يفتكر هو حكي إمتى بيفتكر محمد الولد الصغير لما وصلوا، وكان بيتكلم عن أخته التوأم. آسر بفرحة في عينه: معقول محمد ابني؟

وبيقعد يكلم في نفسه وإنه لازم ينقذ تالين في أسرع وقت ممكن، وبيكون بيلوم نفسه. وفجأة عربية بتطلع قصاد عربية آسر تقطع حركته. يتبع... صلوا على سيدنا محمد ❤️ رددوا معي: لا اله إلا الله سبحان الله العظيم سبحان الله وبحمده الله اكبر الحمد لله لا اله الا الله وحده لا شريك له له الملك وله الحمد يحيي و يميت على كل شيء قدير اللهم لا إله إلا أنت سبحانك إني كنت من الظالمين أفضل الذكر عند الله: لا اله الا الله 👉🏻❤️

التفاعل ي قمرات 🥰