رواية احفاد العزايزي - رنا احمد "روح الصقر الجزء الثاني" الفصل التاسع 9 - بقلم رنا احمد "روح الصقر الجزء الثاني"

كانوا يجلسون صقر وروح وهبه وجاسر وساره بضيق والم بانتظار بدر ليدخل هو بغروره المعتاد. بدر بغرور: متجمعين عند النبي، إنشاء الله خير. جاسر بغضب: اسمع ياض انت، يا تتحدد عدل يا هنسى ابنك ابن أخويا وأتصرف معاك بطريقة مش هتعجبك واصل. بدر بضيق: طب بدل ما تتعامل معايا، أنا كنت ربيتك بتك الأول. صقر بغضب شديد: بدر، ألزم حدودك أحسن لك. بدر بغضب: هو إيه الحكاية يا أبوي؟ هو إحنا في مدرسة هنيه ولا إيه؟

اسكت اسكت، مش إحنا المفروض نتحددوا ولا إيه. روح بحده: نتحددوا بالأدب مش كده. ساره بوجع وألم: متتعبيش نفسك يا مرات عمي، مفيش فايدة منه. الحديد هو طول عمره كده، مبيشوفش غير نفسه وبس وتولع كل الناس. بدر بسخرية: تشكري يا بنت عمي يا محترمة. جاسر بغضب: انت طلقت سارة، مش كده؟ بدر بضيق: والله أنا نفذتلها رغبتها، هي اللي طلبت. هبه بدموع ووجع: هي اللي طلبت في ساعة شيطان، تقوم تعمل كده يا بدر؟ هي دي الأمانة اللي عطينهالك؟

بدر بحده: والله يا مرات عمي، أنا مغلطتش واصل. هي اللي قالت إني مش راجل وأنها لازما تتطلق وأنا نفذت. مغلطش لأني مستحيل أعيش مع واحدة قليلة الحيا كده. جاسر بغضب: اخرس، قطع لسانك. أكبر غلطة غلطتها في حياتي إني جوزتك بتي. بدر بحده: خلاص عاد، وادينا صلحنا الغلطة يا عمي. زعلان ليه عاد؟ سارة بدموع وألم: عمري مكنت أتخيل إنك تكون كده. ده انت جواك أنانية تكفي العالم كله.

بدر باستفزاز وقسوة: والله كل واحد يشوف نفسه. انت عايزاني أبقى بقرون؟ أسيبك تمشي على حل شعرك مش كده وأسكت؟ يا أما إيفا أناني مش كده. على العموم أنا كده ومش هتغير واصل. وبعدين كل ده مش بسببي، بسبب عجزك. سارة بدموع واستغراب: عجزي؟ قصدك إيه عاد؟ بدر بقسوة: قصدي إنك لو كنتي خلفتي، كنتي هتبقي مشغولة بابننا زي كل الستات. كنتي شلتي موضوع الشغل ده من دماغك واصل. بس هنعملوا إيه؟

داخلين على السنة أهيه ومفيش حاجة. شكلك أرض بور. وعلى العموم، أنا عندي استعداد أرجعها بس ترجع لعقلها وتنسا حكاية الشغل دي خالص وتعيش لـ جوزها وبس. سارة بدموع وغضب: ده مش هيحصل واصل يا بدر. مش هكون جارية ليك واصل. جاسر بغضب: المأذون هييجي حالا وتطلقها رسمي. وربنا إنشاء الله هيرزقها بالأحسن منك مليون مرة. صقر بضيق: إيه اللي بتقوله ده يا جاسر؟ هيرجعها ويستسمحها كمان.

بدر بغضب: لا معلش يا أبوي، أنا مش هعمل كده واصل. هترجع، ترجع بشروطي. سارة بدموع وانهيار: مش هرجع يا عمي صقر. مش هرجع. أنا وبدر الحياة بينا بقت مستحيلة. روح بدموع وحزن: بدر، راجع نفسك عشان بعد كده هتندم ندم عمرك. بدر باستفزاز: لا يا أما، متخافيش عليا. أنا مفيش حاجة ممكن أندم عليها. آه، بالمناسبة، صح. أنا عازمكم على فرحي الأسبوع الجاي. بت غلبانة كده وحلوة عجبتني الصراحة. صقر بألم ووجع: ياريتني مت قبل ما أخلفك.

بدر بابتسامة استفزازية: بعد الشر عليك يا أبوي. الموضوع أبسط من كده. أنا طالع أنام. لما يجي المأذون ابقوا صحوني. فوتكم بعافية. هبه بدموع وصراخ: يا حظكم يا ولادي، يا حظكم. روح بدموع وألم: أقول عليك إيه يا بدر يا ولدي؟ صقر بأسف وخجل: جاسر، أنا... جاسر: متقولش حاجة يا صقر. ده نصيب. إحنا طول عمرنا أخوات. سارة بدموع وشرود

وهي تضع يدها على بطنها: أنا مش أرض بور يا بدر. بنتك في بطني. بس هختفي يا بدر. هحرمك منها دلوقتي. بس اتأكدت إني اللي هعمله هو الصح. هتندم يا بدر. هتندم زي ما أنا ندمت على كل لحظة حبيتك فيها. في الجامعة. في مكتب قاسم. قاسم بابتسامة: بس المشاعر اتطورت بسرعة أوي. آدم بابتسامة وسعادة: الحمد لله يا دكتور. بجد ربنا بيحبنا. أنا ورنا، زرع حبنا في قلوب بعض لأننا فعلاً محتاجين بعض. أوعد حضرتك إني أشيلها جوه عيوني.

قاسم بقلق: يا ابني، أنا سألت عنك كويس وعرفت إنك فعلاً بني آدم محترم. بس أنا من حقي أقلق من وضعكم. آدم بابتسامة: أنا مقدر اللي حضرتك بتقوله. بس صدقني يا دكتور، إحنا شايفين بقلبنا وإحساسنا أكتر وأدق من اللي انتوا شايفينه. اطمن يا دكتور قاسم. صدقني، إحنا بنكمل بعض. قاسم بابتسامة: طيب يا آدم. اديني وقت أتكلم مع والدتها وبعدين أرد عليك. آدم بابتسامة وسعادة: براحتك يا دكتور. هستنى ردك بفارغ الصبر. في شقة عصام. في غرفة عز.

عز بغيظ وألم: آه، قسماً بالله مهسيبها. صباح بضحك: ههههههه، والله البت دي بمية راجل. دي ظبطتك ههههه. عز بغيظ: آه، وانتِ فرحانة مش كده؟ فكراني هعديها؟ صباح بضحك: ههههههه، يا شيخ، روح دي عملت منك كفتة. بس مقلتليش إيه اللي حصل خلاها تعمل كده؟ عز بغرور: الغيرة. الغيرة ولعت في قلبها. يا أما البت دي بتموت فيا، أنا عارف. كنت بكلم البت سونيا وبقولها قابلها بليل. ودي عملت ده كله. مقدرتش تتحمل. صباح

بغيظ وهي تندف كتفه بغضب: والله عندها حق. مالبعيد معندوش دم واصل. لما تبقي خطيبتك واقفة معاك وتعمل قلة الحيا دي. عز بألم وغيظ: آه، إيه يا أما؟ حرام عليكي. أنا ناقص. وبعدين هو فيه إيه عاد؟ البت دي أنا متجوزها غصب. وبنت أخوكي دي حسابي معاها كبير. صباح بغيظ: يلا، هو انت تتطول يا معفن. في أحد محلات الفساتين الفاخرة. إيمي بسعادة وهي ترتدي أحد الفساتين: ها، إيه رأيك عاد؟ حلو مش كده؟

سيف بغيرة: لا طبعاً مش حلو. روحي غيريه. ده شفاف قوي. إيمي بضيق: يا أبوي يا سيف، ما إحنا هنبقى حريم بس. سيف بغيرة: ولو برضه. لا، ولا حتى الحريم يشوفوا جسمك واصل. إيمي بدلع: واه عاد، بتغيري عليا من الحريم يا سيف؟ سيف بعشق: بغير عليكي من نفسي يا روح سيف. في القاهرة. بارك لكم وبارك عليكم وجمع بينكم في خير. قالها المأذون ورحل. تلك الجملة التي ربطت فريدة ورامي. رامي بابتسامة: مبروك يا روح قلبي.

فريدة بسعادة لا توصف: الله يبارك فيك يا حبيبي. أنا أكيد بحلم يا رامي، مش كده؟ رامي وهو يقبل يدها بابتسامة: واه عاد، حلم إيه ده؟ ما أنا قدامك أهيه وبين يدك. فريدة بسعادة: اوعا تجرحني يا رامي. اوعا تسبني. رامي بابتسامة: مش هيحصل واصل. مش هيحصل. صدقيني يا فريدة. إذا انتِ محتاجاني، أنا كمان محتاجك قوي. فريدة بسعادة: تمام. مش هتعزمني بقا بخصوص جوازنا؟

رامي بهمس وابتسامة: وماله. نخرجوا عشان نرجعوا ونستفرد بيكي يا حبيبة قلبي. فريدة بسعادة: يلا يا حبيبي. في قصر العزايزي ❤️. في غرفة بدر. كان يجلس بإهمال على سريره. فانتهى الأمر وقد خسر سارة للأبد بسبب عناده وحبه للتملك. فقد أضاع من يده كل شيء. ريان بابتسامة: البيت كله في محزنة إلا أنا. طول عمري كنت مستخسرها فيك لأنك متستاهلهاش واصل.

بدر بحده: اختك في حضنك يا ريان. ويريت كده تكون ارتحت. طول عمرك شايل مني، بس مكنتش أعرف إيه السبب. ريان بغضب: واديك عرفت السبب يا بدر. انت عمرك محبيت سارة يا بدر. انت خليت اختي اللي الضحكة مكنتش بتفارق وشها، لواحدة الدمعة بقت ملازمة لها. مبقتش سارة اختي. بس دلوقتي أنا هساعدها إنها تنساك يا بدر وتعيش حياة جديدة. بدر بغضب: اللي انت عايز تعمله اعمله يا ريان. ودلوقتي سيبني عشان عايز أنام.

ريان باستفزاز: نوم العوافي يا بدر. ليخرج ريان. ليضغط بدر على يده بغضب شديد. فقد انتهى كل شيء وأضاع عصفورته من يده. بدر بغضب: فاكريني هقعد أبكي عليها وأندم؟ ده مش هيحصل واصل. ده أنا اللي هندمك يا بنت جاسر. ندم عمرك كله. في منزل سحر (سكرتيرة بدر) صالح زوج أمها بغضب: عواطي كده ليه يا بت؟ سحر بضيق: هكوت عوات ليه يعني؟ كنت في الشغل. صالح: طب هاتي فلوس عشان أطلع على القهوة. سحر بغضب: نعم؟ منين إنشاء الله؟

ده انت منفضني أول بأول. صالح وهو يمسك ذراعها بغضب: اطلعي يابت بالفلوس لـ أكسر عضمك. سحر بألم وصراخ: آه آه، دراعي. حرام عليك. صالح وهو يضغط على ذراعها: اخلصي يابت، هاتي الفلوس. سحر بغضب وهي تدفع الفلوس أرضاً: خود، خود. ربنا ينتقم منك. صالح بغضب: هاتي غورا تاخدك انتِ وأمك. سحر بزهق: يارب توب عليا من العيشة دي. من أمام ورشة ريان. زهره بابتسامة وهي تحمل بيدها طعام: العوافي يا أستاذ ريان.

ريان بابتسامة ساحرة: أهلاً يا زهره. عاملة إيه؟ زهره بابتسامة خجل: الحمد لله زينة. انت إيه اللي نزلك الورشة؟ انت لسه تعبان؟ ريان بابتسامة: ولا تعبان ولا حاجة. دي حاجة بسيطة. أنا مبحبش قعدة البيت واصل. زهره بابتسامة وإعجاب: يارب دايماً تبقى بخير. اتفضل، دي حاجة بسيطة كده. ريان بابتسامة: ولا لزومه إيه التعب ده؟

زهره بابتسامة وإعجاب: أبداً، تعبك راحة. عن إذنك لأني رايحة الجامعة. بيتنا اللي هناك ده لو عاوزت أي حاجة، أبويا موجود. ريان بابتسامة: هعوز. سلامتك. زهره بخجل: الله يسلمك. عن إذنك. ريان بابتسامة إعجاب: مع السلامة. في محل وليم الجوهري. نديم بتحذير: فاهم يا وليم؟ مش عايز أي حاجة ماركة تكون قدامها. عايز تقليد أغلب التشكيلات. فاهم؟ وليم باستغراب: والله أنا معرفش انت بتعمل كده ليه. بس حاضر.

نديم بتحذير: بكرة هاجي آخد الشبكة. مش عايز أي غلطة. فاهم؟ وليم: حاضر يا نديم. نديم بتوعد: ولسه يا بسنت. ده أنا هخليكي تتمني الموت ومش هتطوليه.