رواية احفاد العزايزي - رنا احمد "روح الصقر الجزء الثاني" الفصل الثاني عشر 12 - بقلم رنا احمد "روح الصقر الجزء الثاني"

ريان بحب: انت أكيد مش حاسس بمشاعرك يا ريان. شوف لما غابت عنك إيه اللي حصل لك. أبوها عنده حق، لازم أدخل البيت من بابه. في قصر العزايزي. غرفة ساره. هبه بدموع: بس يا قلبي أمك، متعمليش في نفسك كده. منك لله يا بدر. ساره بدموع: صدقيني يا أمي، أنا مش ببكي عليه. أنا ببكي على حالي، ببكي على حياتي اللي ضيعتها معاه. هبه: إن شاء الله يا حبيبتي هتكوني حياة جديدة وتعيشي مع اللي يستاهلك. صح؟

يلا يا ضنايا، يلا عشان الكل مشغول. مش عايزين نحسسهم بحاجة. سيف وإيمي ونيره وبسنت أخواتك، لازم نكون معاهم. يلا يا ضنايا. في منزل صالح. صالح بترحيب: يا أهلاً وسهلاً يا بدر بيه. البيت نور. بدر بغرور: تشكر يا صالح. أظن أنت عارف أنا جاي ليه. صالح بخبث: طبعاً يا بدر بيه. سحر قالت لي الصراحة، مصدقتش واصل. ده شرف كبير لينا يا بدر بيه. بدر ببرود: أنا عارف ده زين يا صالح. المهم طلباتكم.

صالح بمكر: اللي أنت تقوله يا بدر بيه. بس إحنا برضه بنتنا غالية علينا. بدر ببرود: فهمت. هجبلها بـ 100 ألف شبكة ونصف مليون جنيه مهر. صالح بصدمة: كام؟ كل ده؟ بس ده كتير قوي يا بدر بيه. بدر بغرور: كتير عليكم إنتوا، لكن مش كتير عليا. ده مقامي. سحر بخبث وهي تتصنع الاحترام: مقامك كبير قوي يا بدر بيه. ده على راسنا من فوق.

بدر بحدة: المهم شروطي. تعيشي في القصر زي بنات القصر، ومفيش شغل. واللي أقوله حاضر ونعم وبس. أظن الحديد واضح. حديدي زين. سحر بمكر وخبث: واضح طبعاً يا بدر بيه. ده أنا هعيش خدامة تحت رجليك. بدر وهو يقف: تمام كده. بكرة كتب كتابنا ودخلتنا. أنا مش عايز منكم حاجة. كل حاجة جاهزة. هبعتلك الفستان وكل حاجة. وعربية هتاخدكم لحد القصر. صالح بطمع: ده كتير علينا قوي يا بدر بيه. بدر ببرود: مش عايز أي تعطيل. بكرة. سلاموا عليكم.

صالح بسعادة: وعليكم السلام. سحر بغيظ: يا أبويا، مغرور قوي. صالح بخبث: والله ووقعتي واقفة يا بنت شوقي. سحر بطمع: طبعاً يا جوز أمي. دخل عليه الفيلم اللي عملته عليه. فرصة جاتلي ومش هضيعها واصل. كفاية إني أبقى عايشة في كل العز ده. صالح بطمع: طب وجوز أمك اللي رباكي لازم يطول أي حاجة. سحر بمكر: طبعاً يا جوز أمي، حقك محفوظ. (تحدث ذاتها) هتجوز بدر وأودي أمي مستشفى تتعالج. ونخلص منك خالص. جيالك يا قصر العزايزي.

في يوم عرس أحفاد العزايزي. في شقة عصام. في غرفة عز. كان يقف بوسامة طاغية وهو يرتدي بدلته الكلاسيكية، وينظر إلى هيئته بابتسامة ساحرة. صباح بسعادة: مش الله عليك يا عز، زي البدر المنور يا ولدي. عز بابتسامة: بجد يا أمي؟ ربنا يخليكي ليا. عصام بابتسامة: مبروك يا عز. عز بابتسامة: الله يبارك فيك يا أبويا. بصراحة، في حاجة النهارده كنت عايز أقولكم عليها. صباح بانتباه: خير يا ولدي.

عز بابتسامة: بصراحة، كنت عايز أعمل مفاجأة لنيره ونكتب كتابنا ودخلتنا بالمرة تكون مع بسنت ونديم وسيف وإيمي. إيه رأيكم في الحديد ده؟ صباح بسعادة: أنا عن نفسي أتمنى يا ولدي. عصام بخبث: واه عاد، شايفك مستعجل قوي يا عز. مش ده اللي كنت مش طايق تتجوزها؟ صباح بغيظ: واه عليك عاد، ده بدل ما تفرح يا راجل. عصام بابتسامة: ما أنا فرحان يا وليه. أنا بنكشه بس. ربنا يتمملك بخير يا ولدي. في فيلا رافت. رافت بسعادة: زي القمر يا نديم.

نديم: ربنا يخليك ليا يا بابا. رافت بابتسامة: امسك دول. نديم باستغراب: إيه دول؟ رافت بابتسامة: رحلة لباريس علشان تقضوا شهر العسل. والطائرة معادها الساعة واحدة صباحاً. أتمنى إنك تنسى اللي فات وتبدأ من جديد. نديم وهو يحدث ذاته بتوعد لها: عملت فيا جميلة يا بابا. أحسن حاجة علشان أعرف أستفرد بيها براحتي وأشفي غليلي منها. في قصر العزايزي. في غرفة صقر وروح، الذي جهزت خصيصاً للفتيات.

روح بابتسامة وسعادة: زي القمر يا قلبي أمك. خسارة في الواد سيف. رحمة بغيظ: أكده يا روح؟ طب ده حتى بيموت فيها. هبه بابتسامة حزينة: ربنا يسعدهم يا رب. روح بحنان: ويسعد ساره وريان إن شاء الله يا هبه. هبه بدعاء: آمين يا رب. بسنت بغرور: بقولك إيه يا أمي، لبسيني طقمين الدهب دول. نيره: هو طقم واحد كفاية يا بسنت يا خيتي. بسنت بوقاحة: وإنتي مالك عاد يا نيره؟ ولا عشان إنتي اتهبلتي ورحتي رجعتي 3 طقم من شباكك يا خايبة؟

نيره بطيبة واحترام: لا، أنا مش خايبة. أنا مش بضاعة بتتباع يا بسنت. أنا اخترت الطقم ده. كلها عند في عز. كان لازم آخد اللي يستاهله وبس. وعز كفاية عليا وأغلى عندي من الدنيا كلها. إيمي بمرح: الله عليكي يا نيرو. أنا وإنتي ملوك الرومانسية في قصر العزايزي. ساره بابتسامة حزينة: ربنا يسعدكم يا بنات، ويبقى حظكم أحسن من حظي. إيمي بحنان: إن شاء الله هتعيشي الحياة اللي تستاهليها يا روحي، يا أجمل أخت في الدنيا. في الأسفل.

كانوا يجلسون جميعاً وهم ينتظرون الحاج نعيم المأذون. فهو كبير في السن للغاية، لكن صقر وشاكر صمموا على أن هو يكتب كتاب أولادهم، زي ما كتب كتابهم. سيف بغيظ: يا أبويا، يا أبويا، حرام عليكم. الحاج نعيم ده خلاص دماغه راحت منه. ده مش فاكر نفسه أساساً. شاكر بحدة: اخرس يلا عاد. ده كبر بلدنا. ده البركة بتحل في أي جوازة من تحت إيديه. وبعدين مالك قاعد كده ليه ومتسرع ليه؟ ما الكل ساكت أهو، اشمعنى أنت؟

سيف بغيظ: علشان أنا مستني من سنين يا أبويا. هموت على البت. شاكر بحدة: اتحشم يا واد، إنت اتحشم. سيف بغيظ: اتحشمت يا أبويا. الحمد لله. الحاج نعيم جه. الحاج نعيم: كيفكم يا صقر إنت وشاكر وجاسر. صقر بابتسامة: كلنا بخير يا راجل يا طيب. نعيم بنسيان: هو إنتوا عايزين إيه؟ عز بضحك: ههههه. والله إنت راجل سكره. صقر بابتسامة: عايزينك تكتب كتاب سيف وعز ونديم ولادنا يا حاج نعيم. نعيم: آه، ده أنا مأذون صح. ماشي. طب فين العرايس؟

سيف بغيظ: لا إله إلا الله. ما العرسان أهم، ووُكلاء العرايس أهم. عايزهم فيه إيه؟ نعيم بضعف نظر شديد ينظر لسيف: يا ابني، مش يمكن مغصوبين ولا حاجة؟ صقر بابتسامة: تعال يا شاكر نجيب العرائس. نعيم وهو ينظر لسيف بدقة: إنت ابن مين يا واد إنت؟ سيف بغيظ: يا لهوي. في الأعلى. صقر بسعادة: زي القمر يا قلبي أبوكي. ربنا يسعدك يا رب. إيمي وهي تقبل يده بابتسامة: ربنا يخليك ليا يا صقري. روح بغيظ وغيره: ده صقري أنا بس يا بت.

إيمي بضحك: ههههه، ماشي. شاكر بابتسامة وسعادة: ربنا يسعدكم يا حبايب أبوكم ويحفظكم يا رب. بسنت ونيره وهم يقبلون يداه: ربنا يخليك لينا يا أبا. في الأسفل. نعيم بابتسامة: اللهم صلي على كامل النور. عز بغيظ: لا إله إلا الله. ما كان نظرك ضعيف، بقيت شايف ستة على ستة دلوقتي. سيف باستعجال: يلا يا عم نعيم، الله يخليك. نعيم وهو يضع دفتره: حاضر يا ولدي. وبالفعل تم عقد قران سيف وإيمي، عز ونيره، ونديم وبسنت.

صقر بابتسامة: ربنا يخليك لينا. في سواق هيوصلك البيت. بدر بغرور: استنى يا عم نعيم لما تكتب كتابي أنا كمان. ليسلطوا جميعهم أنظارهم إلى ذلك التي تقف بفستانها الأبيض الفاخر، وهي تنظر لهم بكل غرور.