رواية احفاد الخديوي الفصل الثاني 2 - بقلم هاجر ابراهيم

تخرج ورق يخص أباها وجوابات كان يرسلها مدحت. مدحت بدهشة: أيوه، ده فعلاً خطي. فارس: دي أكيد شحاتة وعايزة فلوس. رزان كانت تحاول أن تتمالك نفسها: خلي فلوسك لنفسك، أنا كنت جاية أقول لكوا وبس بعد ما عرفت إن ليا أهل. وأخذت حقيبتها وكانت تذهب، لتتوقف فجأة عند سماع مدحت. مدحت: استني. رزان: نعم؟ مدحت: لو انتي بنت ابني، كنتي فين بقالك 16 سنة؟ رزان: عشان مكنتش أعرف إنكم انتوا أهلي، كنت عايشة مع ناس تانية على أساس هما أهلي. مدحت:

بس ابني مات، هو وبنته ومراته، والعربية ولعت. رزان: حضرتك، العربية اتقلبت وملعتش في ساعتها. كان في ناس عدوا وشافوا العربية، وكنت أنا الوحيدة اللي عا يشة. وبابا الله يرحمه كان لسه فيه روح نسبياً. الناس دول طلعوني، وعطوا حاجة للراجل اللي رباني. ولسه كان هيطلعوا بابا، كانت عربية ولعت وناس خدوني. ربوني عشان مكنوش بيخلفوا. ودي كل الحكاية. ولما الراجل ده كان بيودع، قالي على كل حاجة وداني الحاجة دي. مدحت: يعني انتي بنت ابني؟

فارس: انت هتصدق الكلام ده يا جدي؟ دي واحدة عايزة قرشين. رزان: بقولك إيه يا جدع انت، احترم نفسك. أنا صبري نفذ منك. فارس: بت، انتي اتعدلي واعرفي بتكلمي مين. أنا فارس الخديوي. رزان بسخرية: لا، هو أنا كده المفروض أخاف بقى وأسخبا ولا إيه؟ كمال: بس خلاص، مفيش أي احترام خالص للقاعدين. رزان: يا ريت تفهم الأستاذ ده يتعامل باحترام مع الناس المحترمة، ومش يتعامل بالأسلوب ده. كل واحد وليه أشكاله.

كان الجميع ينظر له بذهول من جرأتها. مدحت نظر لها بغموض وابتسم لأنه تشبه جمال في جرأتها. رزان: أنا كده حكيت لحضرتك كل حاجة. أنا ماشية وده بعد إذن حضرتك، لأني مش هستحمل إهانة ليا أكتر من كده. كانت تتحدث وتنظر إلى فارس لتوجه الكلام لها. وأنا مش محتاجة حاجة ولا فلوس. أنا كنت جاية أتعرف على أهلي وبس. مدحت: إيه؟ انتي حفيدتي، وانتي زيك زيهم هنا في البيت. مفيش حد يقدر يهينك أبداً طول ما أنا عايش. رزان:

لا حضرتك، أنا واحدة غريبة بالنسبة لكوا ومليش مكان بينكم. فارس: كويس إنك عارفة ده. وأنا هثبت لكوا إن دي نصابة. رزان بغضب: انت كده زودتها أوي. وأنا قد تحدي، وأثبت إن أنا نصابة، بس يارب بقى تقدر قدها تثبت. بعد إذن حضرتكم. وخرجت بكل ثقة. ممدوح: بابا، ابني معاه حق. لازم نتأكد الأول. ممكن تكون دي لعبة فعلاً. كمال: أيوه يا بابا، لازم نتأكد الأول. وبعدين اعمل اللي حضرتك شايفه صح. ياسمين:

بس بصراحة، البنت دي مش باين عليها بتكذب. مدحت ببرود: بس أنا متأكد إنها بنت جمال، لأنه بنفس جرأته بالظبط. فارس بتحدي: أنا هثبت لكم إنها كدابة. وذهب فارس لكي يحقق هدفه. *** وعند رزان. رزان: سلام عليكم. شخص: أهلاً رزان. رزان: أنا كده عملت كل حاجة يا فندم، وهما أكيد هيروحوا عشان يتأكدوا، خاصة الواد الرخم اللي اسمه فارس. شخص: أكيد هما خايفين على الفلوس. انتي دلوقتي تروحي على البيت القديم عشان هيروحوا هناك أكيد. رزان:

تمام. وذهبت إلى البيت الذي تربت فيه.