رواية احفاد المنشاوي - ندى الشرقاوي "اميرة الرعد الجزء الثالث" الفصل الخامس 5 - بقلم ندى الشرقاوي "اميرة الرعد الجزء الثالث"

رعد: يعني لو هتطلعي، هكتب كتابك على أوس دلوقتي حالًا تتجوزي! الجميع بصدمة: إييييه! جنة وأوس: ............... رعد: هااا يا جنة، موافقة تطلعي المهمة؟ جنة: مبرجعش في كلمتي. أوس بصدمة: يعني موافقة تتجوزيني؟ جنة ببرود وثقة: طول ما أي حاجة فيها شغلي هعملها، حتى لو على حساب مصلحتي. بس وربي يا ابن المحمدي وقدام العيلة كلها، لو فكرت تقرب مني هتشوف جهنم سااامع!

جنة ببرود لرعد وسخرية: المأذون يا ولدي، أصلي مستعجلة، ولا تحب أجيبه أنا دقيقة واحدة؟ وكله مستغرب كلام جنة. جنة: أيوه يا بني، هاتي مأذون بالدفتر بتاعه على القصر، في نص ساعة تكون هنا. الحرس تبع جنة: تمام يا فندم. وأغلق. أميرة: جنة، أنتي بتعملي إيه؟ جنة: محدش يلوي دراعي. هتجوز إيه ده؟ حتى الجواز سترة للبنت مش بيقولوا كده في الصعيد؟ أكرومتي صح؟ أكرم بحالة ذهول: آه آه. تاج: أنتي إزاي كده؟

جنة: أنا معنديش استعداد أخسر شغلي. لو أنتي بتشتغلي وشايفة مستقبلك، هتعملي أي حاجة علشان متخسريش شغلك وحياتك. مع الوقت هتعرفي. أوس: اتغيرتي أوي. جنة بسخرية: محدش بيفضل على حاله. رعد عارف إنها زعلت منه، بس هو عاوز يكسر البرود اللي عندها: اطلعي غيري علشان المأذون. جنة بلا مبالاة: ليه؟ ماله لبسي؟ هكتب الكتاب كده. ياسمين بصدمة: بالبنطلون وتيشيرت؟ جنة: آه. مرام: بالمسدس اللي في جنبك ده؟ جنة: آه.

رعد بعصبية: يا جنة، اغزي الشيطان واطلعي غيري يا بنت الحلال! جنة: أطلع ألبس زيهم يعني؟ لبسي كله كده. أميرة بهدوء: خدي من فردوس يا جنة. جنة بعصبية: وأنا هفضل كده ومش هغير! أكرم بعصبية: خلاص بقى، سيبوها في حالها، ماله لبسها؟ مالك: خلاص يا جنتي بلاش تغيري، أنتي قمر في كل حالاتك. وأوس بيتابع من بعيد. قعدت جنة على الكرسي بتاعها. جنة: بقولك إيه يا ميرو يا عسل، خلي حد يعملي قهوة. أوس: القهوة غلط عليكي.

جنة: يا ربي أنت مالك يا عم؟ أنا مستهترة في صحتي. قهوة يا جدعان! أكرم بضحك: أبوس إيدك هدي نفسك، أنتي هتولعي في القصر، وأنا بنفسي هقوم أخليهم يعملوا قهوة. جنة: خد قلبي يا أكرومتي. خديجة برقة وهدوء: عمو أكرم. أكرم: إيه صوت العصفورة دي؟ اجمدي كده يا ديجة. خديجة بكسوف: حاضر. أحد الخدم: جنة هانم، حرس حضرتك بره. جنة: مليش نصيب في القهوة. يالا رعد باشا، يالا والشهود علشان نخلص. أوس: هو بيعة وشروة ولا إيه؟ جنة: مش عاجبك؟

متجوزش عادي. أوس مسرع: لا عاجبني. يالا يا رب صبرني. رعد: مش واجب والدك يكون موجود؟ أوس باحترام: حضرتك عارف والدي ووالدتي مسافرين، وأنا عرفتهم كل حاجة. وجاء المأذون. المأذون: فين العروسة؟ جنة: أنا أهو. المأذون باستغراب من لبسها: متأكدة؟ جنة للمأذون: جايين نهزر؟ اكتب يا عم الشيخ. المأذون: وكيل العروسة؟ رعد: أنا. المأذون: والشهود؟ يوسف وأكرم في صوت واحد: إحنا. أوس حط إيده في إيد رعد. المأذون:

قول ورايا: زوجتك ابنتي جنة رعد المنشاوي البكر الرشيد... وتم كتب الكتاب. وقال المأذون جملته الشهيرة: بارك الله لكما وبارك عليكما وجمع بينكما في خير، بارك الله لكما وبارك عليكما وجمع بينكما في خير. المأذون: ألف مبروك، ربنا يرزقكم بالذرية الصالحة. أوس: يا رب. جنة: بتحلم. أكرم: مبروك يا سنيوريتا. جنة: تسلم يا أكرومتي، عقبال تاج. تاج: لا شكرًا. أميرة أكرم: إيه العيلة اللي مش عاوزة تتجوز دي؟ رعد قبل جنة: مبروك يا جنتي.

جنة: شكرًا يا بابي. جنة: يالا عن إذنكوا. أوس: على فين؟ جنة: إيه؟ مش كتبتوا الكتاب؟ ماشية ومحدش يجي عند مهران، اللي هيجي هزعله، سامع يا تميم؟ تميم تصنع عدم الفهم: أنا يا جنة؟ جنة: آه أنت يا حنين، لو قربت هقول على اللي أنت بتعمله ولا إيه؟ فردوس: بيعمل إيه؟ جنة: بلاش أنتي كمان. جنة: سلام. وغادرت المكان. أوس: هو مهران لسه موجود؟ أميرة: آه لسه موجود مع جنة.

رعد: هنروح البلد الخميس الجاي، جنة عاوزة تروح قبل ما تسافر، وأنا قولت لأبويا حد هيجي. يوسف: أنا هاجي إن شاء الله، مروحتش من زمان. أكرم: وأنا أكيد جاي. أوس: طيب أستأذن أنا بقى يا رعد باشا. رعد بابتسامة: ماشي يا أوس، وأنت كمان هتيجي معانا. أوس: ما بلاش. رعد: لا تعالى. وعدى اليوم على الجميع، وكل واحد روح مع عائلته. أميرة بقلق: جنة لسه مرجعتش.

مالك: أيوه، مشيت من عند مهران ومن غير عربية ولا تليفون ولا أي حاجة، الـ Credit card أدتها للحرس. أميرة بقلق أكثر: يعني هتكون راحت فين؟ فردوس: ممكن تكون راحت المقطم. رعد دخل: مش هناك، أنا لسه جاي. أميرة بعصبية: أنت السبب، أنت السبب! رعد بذهول: أنا يا أميرة؟ أميرة: أيوه أنت، أنت مش واثق فيها علشان تسافر لوحدها، رايح تجوزها وتجوزها مين؟ واحد حرجها قبل كده! أنت السبب يا رعد، ضيعت فرحتي بكتب كتاب بنتي، وضيعت فرحة بنتي.

رعد: أنا يا أميرة، أنا عملت كل ده؟ أميرة بعصبية: أيوه أنت، أنت ومش هسامحك لو بنتي حصلها حاجة. رعد بعصبية وصوت عالي: لا بقى، دي مش بنتك، دي بنتي أنا. دي مش بنتك، دي بنت مي المنشاوي. أميرة بغضب: أنت بتقول إيه؟ لا بنتي أنا، آه مش اللي ولدتها، بس أنا اللي ربيتها 22 سنة. أول واحدة قالتلها مامي كانت أنا، مش مي. أنا اللي عملتلها كل حاجة، أنا اللي كنت معاها خطوة بخطوة يا رعد، ساااامع؟ جنة بنت أميرة وبس.

أنس: بابا، ماما، اهدوا، كفاية، كفاية. جنة دخلت بهدوء: في إيه؟ إيه الصوت العالي ده؟ أميرة جريت عليها وحضنتها: كنتي فين يا جنة؟ كده يا جنة تسبيني وتمشي؟ جنة بهدوء: أنا كويسة يا مامي، كنت عاوزة أتمشى شوية بس. أميرة: وجعتي قلبي عليكي. جنة: متقلقيش، أنا كويسة. عن إذنك هطلع أغير وأنام لأني مصدعة. وطلعت. فردوس: وأنا كمان لأني عندي كلية الصبح. وكل واحد طلع على غرفته.

أميرة طلعت الجناح ودخلت أخدت شاور وطلعت. كان رعد قاعد منتظرها. ودخلت غرفة الملابس، لبست تيشرت وشورت بيتي، كامرأة في العشرينات، ليست سيدة في بداية سنوات الأربعين، لكنها أصبحت أكثر جمالًا وأنوثة. مشيت أميرة بلا مبالاة لرعد، وبدأت تحط مرطبات على وجهها، فهي تهتم بنفسها جيدًا. قامت أميرة وفكت رابطة الشعر وأطلقت صراح شعرها وحريته. أغمض رعد عينه من شدة جمال معشوقته. راحت أميرة ناحية السرير، لكن مسك رعد إيديها ووقفها.

رعد: أميرة. أميرة: سيب إيدي لو سمحت، عاوزة أنام. رعد كالطفل: أنا آسف. أميرة بجمود: تمام، أنا عاوزة أنام، ممكن؟ رعد: ممكن. وسابها ودخل الحمام. بعد ربع ساعة، راح رعد على السرير ونام، وشد أميرة لحضنه. أميرة بعدته بهدوء. رعد: أميرة. أميرة بهدوء كملت نوم: نعم. رعد: عاوزة تنامي بعيدة عني بعد 23 سنة جواز؟ أميرة: ...... (لا رد) رعد: تمام. وشدها لحضنه جامد، وهي مش عارفة تبعد، لكن استسلمت في النهاية ونامت بس برضه زعلانة.

رعد بأسف وحزن: آسف يا أميرتي، غصب عني لما لقيتك بتعتبيني الكلام طلع فجأة. حقك عليا. وقبلها قبلة يبث فيها عن شوقه وعشقه وحنانه بها مهما طال العمر. 💕💕💕💕💕💕💕💕💕💕💕💕 في صباح يوم جديد. صحيت أميرة ودخلت اتوضت وصلت ولبست، وكتبت ورقة لرعد ونزلت. أميرة: يا دادا أنا هروح المستشفى، الأولاد لما يصحوا خليهم يفطروا، ولما رعد يصحي اعملي له عصير برتقال لو سمحت، وتميم صحيه علشان عنده درس. الدادة: تمام يا بنتي. أميرة: تمام. ومشيت.

بعدها بساعة، صحي رعد بس استغرب ملقاش أميرة. قام بس لقى البدلة بتاعته مظبوطة وكل حاجة هو محتاجها، والورقة مكتوب فيها: (رعد كل حاجة جاهزة ومتنساش تاخد الدوا والدادة هتعملك عصير برتقال وأنا روحت المستشفى، في رعاية الله) ابتسم رعد من كلامها ودخل لبس ونزل. وكان فردوس وأنس ومالك. رعد بابتسامة بشوشة وهادئة: صباح الخير. أنس/فردوس/مالك: صباح الخير يا بابي/بابا. نظر رعد وعيونه تبحث عن جنة، وهذا لاحظه مالك.

مالك قائلًا: جنة مشيت على الشغل علشان بتجهز للسفرية. رعد: تمام. نزل تميم وهو يقول: أيووووه أنا جيت، صباح الفل والياسمين على عيونك يا بوب. رعد بابتسامة: صباح الفل يا حبيبي، افطر علشان تشوف دروسك. تميم: أشطا. وقعدوا في جو أسري جميل لكنه يفتقد جنته ومعشوقته. ياسمين تفكر: اللي عمله رعد صح ولا غلط؟ أكرم بعصبية: غلط، وغلط كبير كمان. تاج: ليه يا بابي؟ أكرم: علشان هو فاكر إنه كده بيكسل بنته ويحميها، لكن هو كده هيخسرها.

أميرة: الصراحة زعلت من خالو. أكرم: هو حر بقى. عند جنة. جنة: تمام يا فندم، المهمة أمتى والملف فين وإيه اللي هيحصل هناك؟ أمجد: مبروك، عرفت إنك كتبت كتابك على أوس. جنة بلا مبالاة: الله يبارك في حضرتك، ممكن الملف؟ أمجد باستغراب: اتفضلي الملف أهو. أدت التحية واستأذنت وطلعت. في مكتبها. جنة تدرس الملف كويس وتضع خططًا وتضبط كل حاجة. دخل أوس فجأة. أوس: إزيك؟ جنة وما زالت تنظر إلى الورق: الحمد لله.

أوس: ممكن نخرج النهاردة شوية؟ جنة: لا ما نخرجش، أخرج معاك بصفة إيه؟ أوس ببساطة: مراااتي. ضحكت جنة بصوت عالٍ: ضحكتني والله، لا أنا اتجوزتك علشان المهمة وبس، وهرجع من المهمة ونطلق. أوس بصدمة: نطلق؟ جنة: آه، ولو ما طلقتش يبقى بينا المحاكم. أوس بعصبية: لا، إنتي اتجننتي رسمي. جنة بعصبية مماثلة: لا، أنا اعقلت، تقدر تقول لي سبتني ليه بعد 15 سنة؟ إيه كنت بتتسلى مثلًا؟

لا، أنا مش جنة القديمة دلوقتي، أنا هاعمل اللي أنا عاوزاه وبس، سااامع؟ وإنت في حالك، عاوز تروح تتجوز براحتك، إنت ما تلزمنيش. خبط عمر ودخل. عمر: أهلًا أوس باشا. جنة: نعم يا عمر؟ عمر: ما فيش يا فندم، حبيت أقول لك إن ما حدش هنا يعمل قهوة لأنك طلبتي من العسكري. جنة باستغراب: ليه؟ عمر: عم محمد تعبان. جنة: آه تمام، ربنا يشفيه. عمر: خير يا أوس باشا، حضرتك جاي هنا ليه؟

أوس: أنا رجعت الخدمة تاني، وبعدين هو ممنوع أكون في مكتب مراتي ولا إيه؟ عمر بصدمة: مراتك؟ أوس ببرود: آه، مراتي، كتبنا الكتاب إمبارح. عمر: آه آه ألف مبروك، وطلع. جنة: كان لازم تقول إني مراتك؟ قام أوس وقرب منها بحرية. جنة بتردد: إنت بتقرب ليه؟ أوس: أنا أقرب براحتي، إنتي مراتي سامعة ولا مش سامعة؟ وقرب ودفن وجهه في عنقها يستنشق رائحة الورد الجوري الأحمر. جنة: أوس ابعد.

أوس لا يسمع شيئًا ويمشي وراء مشاعره فقط، وظل يقبلها في عنقها قبلات يبث فيها اشتياقه لها وبعد السنين عنها. جنة شبه مستسلمة لكن فاقت على آخر لحظة. جنة تبعده: أوس ابعد. أوس: وحشتيني أوي، ويزيد من احتضانه لها. قرب أوس وجهه ليقبلها بجانب شفتيها، لكن جنة أسرعت ورفعت يدها ونزلت على وجه أوس. أوس بغضب: ..........